1 SAMƲƐL 10:12 - WƖA TENIŊ

¹² Baala-la sɩ hɛ nɩmɛ dɔŋɔ pɩɛsɛ, “Ka Wɩa wʋlaabʋlla-la dɔnsʋŋ-na, ma bɩɩna ba nyɩmmaba nɛ kʋbɛɛba?” Ʋ ŋaa wʋbʋllɩ nandaa nɩaa bʋbʋl, “Sɔɔl ma ŋaa Wɩa wʋlaabʋlla-la dɔŋɔ nɛɛ?”

1 SAMƲƐL 10:12 ပူးပေါင်းရင်းမြစ်များ

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

Jɔɔŋ 7:16

Ŋɩɩ nɛ Yesu bʋla pɩba, “Wɩalɩŋ mɩ sɩɩ dagʋ, mɩ tɩtɩa doluŋ lɛ dee mɩɩ dagɛ. Nɩɩ-la sɩ tɩmmɛ nɛ dagɛmɛ wɩalɩŋ.

Jeems 1:17

Kʋzɔŋ-na kala lɩɩ Wɩa teeŋ nɛ. Ʋ nɛ ta kɩalɩŋ kala sɩ hɛ wɩa-nyuŋ lɛ a chaanɛ. Ama dɩ ba nɛ jʋa, birimiŋ yie hɛ nɩmɛ. Wɩa tɩtɩa bɩ ŋɩɩ naga. Ʋ bɩ bɩrɩmɛ.

1 SAMƲƐL 10:13

Sɔɔl sɩ bʋl Wɩa wɩalɩŋ a dɛrɛ, ʋ mʋ dundolo-la nyuŋ ba sɩɩ ŋaa Wɩɩsʋlʋŋ.

1 SAMƲƐL 19:23

Sɔɔl joŋo mʋmʋ nɩmɛ. Ŋɩɩ nɛ Wɩa Dɩma-la jʋʋ-ʋ ma, ʋ bʋbʋl wɩaa Wɩa doluŋ lɛ ŋɩɩ a mʋ yi Nayɔf.

1 SAMƲƐL 19:24

Ʋ sɩ mʋa, ʋ wuri ʋ gɛnnɩŋ kala ta nɛ, aŋ ma bʋbʋl Wɩa wɩaa Samʋɛl sɩpaaŋ, aŋ kɛŋ yarɩ-biree pɩŋ tinteeŋ tapʋlɩɩ-la wɩɩhɛyɛ arɩ tɩtaŋɩŋ kala. Ŋɩɩ nɛ tɩɩ nɩaa pɩpɩɛsɛ, “Sɔɔl ma ŋaa Wɩa wʋlaabʋllʋ nɛɛ?”