1 SAMƲƐL 10:1 - WƖA TENIŊ

¹ Ŋɩɩ nɛ Samʋɛl joŋ nʋʋŋ arɩ loŋ, a wansa hɛ Sɔɔl nyuŋ lɛ, aŋ guoru a bʋl, “La TƖƖNA lɩɩsɩŋ nɛ dɩ ŋ ŋaa ʋ nɩaa Iziral tɩŋŋaa sɩpaalaara.

1 SAMƲƐL 10:1 ပူးပေါင်းရင်းမြစ်များ

2 SAMƲƐL 1:14

Devit bɩra pɩɛsʋ, “Bɛɛ nɛ saa tɩɩ ŋ bɩ fawʋllʋŋ fá, aŋ kpʋ nɩɩ-la La TƖƖNA sɩ lɩɩsa ʋ ŋaa kuoro?”

2 SAMƲƐL 19:39

Ŋɩɩ nɛ laalɩyuoro-la kala chol Jɔdaŋ fuo-la, kuoro ma chol. Kuoro arɩ Bazɩlaɩ guori dɔŋɔ. Kuoro sʋl Wɩa pʋ. Ka Bazɩlaɩ mɩɩra mʋ dɩa.

2 SAMƲƐL 20:19

La ŋaa nɩa sɩ bɩ yuosuŋ ka chɛ nɛ arɩ nɩalɩŋ sɩ kɛŋ wʋtɩtɩɩ Iziral tinteeŋ lɛ. Maa chɛ dɩ ma chei taŋ-la sɩ nagɛ Iziral tinteeŋ tasɩŋ kala naaŋ nɛ. Bɛɛ nɛ tɩɩ ŋ chɩchɛ dɩ ŋ kpʋ La TƖƖNA nɩaa kala?”

2 SAMƲƐL 5:2

Faafaa-la, Sɔɔl fa sɩ paala ŋaa la kuoro ma, ŋ nɛ ŋaa nɩɩ-la sɩ laa Iziral tɩŋŋaa sɩpaaŋ laalɩŋ lɛ. Ŋɩɩ nɛ La TƖƖNA bʋla pɩŋ, ‘Ŋ nɛ jaŋ ŋaa mɩ nɩaa Iziral tɩŋŋaa sɩpaalaara a bibemba, a nagɛ pie-daara sɩɩ beŋ ʋ piesee ŋɩɩ.’ ”

1 KUOROO 1:34

Nɩmɛ nɛ Wɩɩsʋllɩ sɩpaalaara Zadɔk arɩ Netaŋ, Wɩa wʋlaabʋllʋ-la jaŋ lɩɩsʋ dɩ ʋ ŋaa Iziral kuoro. Má ŋmʋʋ banyile, a kpɩa goŋ bʋl, ‘A leŋ dɩ kuoro Solomoŋ mɩɩsɩŋ duomi.’

1 KUOROO 19:18

Mɩ jaŋ lɩɩsɛ nɩaa bʋɩ balɩpɛ sɩ hɛ Iziral lɛ a bɩ Baal kpaara koo a digu, dɩ ba kɛŋ mɩɩsɩŋ.”

2 KUOROO 20:5

“Mɩɩra mʋ bʋla pɩ mɩ nɩaa sɩpaalaara Hezikaaya arɩ mɩ-na ma TƖƖNA sɩ ŋaa ʋ naabalɩma Devit Wɩa sɩ, ‘Mɩ nɩɩ ŋ sʋla nɛ a na ŋ sɩlɩɩrɩŋ ma. Mɩ jaŋ leŋ dɩ ŋ duori. A lɩɩ jɩnɩŋ kaa mʋ tapʋlaa batori chɛɛŋ, ŋ jaŋ mɩɩra jʋʋ mɩ-na Wɩa dɩɩ-bal-la.

2 KUOROO 9:1

Tapʋlɩɩ kʋbala Elaasa yɩrɛ Wɩa wʋlaabʋlla-la sɩ hɛ ʋ teeŋ dɔŋɔ a bʋla pʋ, “Kɛŋ ŋ tembiiŋ vɔɔ ŋ gɛrɩŋ kpɛrɛ a kɛŋ ŋ tɩtɩa hɛ dɔŋɔ a joŋ nʋʋŋ arɩ loŋ deeŋ a mʋ taŋ-la ba sɩɩ yɩrɛ Ramɔf Gɩlɩad.

2 KUOROO 9:12

Ba bʋl, “Aɩ, la bɩ ʋ wʋbʋlaa jɩŋ, bʋl wɩɩ-la ʋ sɩ bʋla pɩŋ a pɩla.” Ŋɩɩ nɛ ʋ bʋl, “Ʋ sɩ La TƖƖNA sɩ ʋ lɩɩsɛmɛ nɛ dɩ mɩ ŋaa Iziral tɩŋŋaa kuoro.”

WƖA YƖƖLAA 135:4

La Tɩɩna lɩɩsɛ Jekɔb nɛ ʋ ŋaa ʋ nʋʋ, Iziral tɩŋŋaa kala ŋaa ʋ nɩchooloo.

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

WƖA YƖƖLAA 78:71

Ŋɩɩ nɛ ʋ kɛnʋ kɔ ʋ ŋaa ʋ tɩtɩa nɩaa Iziral tɩŋŋaa kuoro, a beŋ ba nyuŋ, arɩ pie-daara sɩ yie beŋ piesee nyuŋ ŋɩɩ.

MOSIS KƐŊ IZIRAL TƖŊŊAA LƖƖ 30:23

“Joŋ tegisiŋ deemba: tɩɩ-kel-zɔŋ-la ba sɩɩ yɩrɛ ‘Mɛɛ’ lɩɩŋ yuŋuŋ sɩ ŋaa kilo balɩdʋ arɩ tʋlaalɩɩ-la ba sɩɩ yɩrɛ ‘Sɩnamɔŋ’ yuŋuŋ sɩ ŋaa kilo batori, arɩ suori daaŋ ma yuŋuŋ sɩ ŋaa kilo batori,

JƐRƖMAAYA 10:16

Jekɔb Wɩa-na bɩ ba naga. Ʋ nɛ ŋaa kʋŋkala, aŋ lɩɩsɛ Iziral tɩŋŋaa ba ŋaa ʋ nɩaa. Ʋ yɩrɩŋ nɛ La TƖƖNA doluŋ kala Tɩɩna.

ƐZƖKƖƐL 16:13

Sɛlɩmɛ arɩ hɔpʋla nɛ mɩ kaa kpɩɛrɩŋ, ŋ gɛnnɩŋ ma nɛ fa gɛrɩpɛ fʋfʋlaa arɩ gɛrɩ-la yalɩŋ sɩ hɛyɛ arɩ gɛrɩ-la ba sɩ sʋa ʋ zɔŋ. Ŋ kʋdiilee ma nɛ fa ŋaa munuŋ sɩ bɩɩ nʋgʋgʋ, tʋʋŋ arɩ olif nʋʋŋ. Ŋ ŋaa hazɔŋ nɛ woruŋ a ŋaa ha-kuoru.

HOSIA 13:2

Bʋa deeŋ lɛ ba ŋaa wʋbɔŋŋɔɔ kɩŋkɛŋ kɩŋkɛŋ ba kɛŋ ba hɔpʋla nɛ a libi tɔŋŋɔɔ a pɩ ba tɩtɩa. Ba jɩma libiba nɛ woruŋ ba nagɛ nɛ-biisiŋ, gɔgɔɔ nɛ libi kɩalɩŋ kala. Ŋɩɩ nɛ aŋ bʋl, “Maa kpaarɛ kɩalɩŋ la sɩ libe a guguori kɩalɩŋ la sɩ libe ba nagɛ nɛ-bie.”

Tɩntɩŋŋaa 13:21

Ŋɩɩ nɛ ba bʋla pɩ Samʋɛl dɩ ʋ lɩɩsɛ kuoro. Ŋɩɩ nɛ Wɩa lɩɩsɛ Sɔɔl pɩba. Sɔɔl fa ŋaa Kɩs nanʋala nɛ a lɩɩ Bɛnjamɩŋ doho nɩaa tʋɔŋ. Ʋ fa dii kuoruŋ jɩsɩŋ mahɩŋ balɩa nɛ.

MOSIS BƖRA WULLI WƖA WOMBIIŊ 32:9

Ama La TƖƖNA lɩɩsɛ Jekɔb doho nɩaa nɛ dɩ ba ŋaa ʋ nɩaa.

1 Tɛsalonaaka Nɩaa 5:26

Má guori dɔŋɔ a chʋɔlɛ la naambiiri-la kala woruŋ.

Hiburu TƖŊŊAA 2:10

Kɩalɩŋ sɩ hɛ dʋnɩa lɛ, Wɩa nɛ ŋaaba a tɩɩba ma. Ʋ sɩɩ chɛ dɩ ʋ biiriŋ yʋgɛ kʋ jʋʋ ʋ kuorii-la tʋɔŋ, ʋ leŋe Yesu, nɩɩ-la sɩ jaŋ laaba ta na hɛɛŋ nɛ woruŋ.

Jɔɔŋ Wʋnaalaa 5:8

Ʋ sɩ laa teŋ-la, kɩalɩŋ banɛsɛ-la sɩ weye arɩ nɩhɩasɩŋ mara arɩ banɛsɛ-la, ba kala tuu kpirimi Pie-bie-la sɩpaaŋ a chʋɔlʋ. Nɩhɩasɩ-la kala kori chenniŋ arɩ sɛlɩmɛ gbansɩŋ. Gbansɩ-la su arɩ kʋsʋɔrʋsʋ-la ba sɩ nyɩga pɩ Wɩa. Wɩa nɩaa Wɩɩ-chʋɔlʋŋ nɛ ŋaa kʋsʋɔrʋsʋ-la.

1 SAMƲƐL 12:3

Mɩ chɩŋ daha nɛ dɩ mɩ pɩɛsɛma: dɩ mɩ ŋaa wʋbɔŋ nʋʋ lɛ, tɩɩna kʋ lɩɩ bʋl La TƖƖNA arɩ kuoru-la ʋ sɩ lɩɩsa sɩpaaŋ. Ma kʋbɛɛ nɛŋ nɛ mɩ ha kaa laa? Ma kʋbɛɛ kakumo nɛ mɩ ha kaa laa? Mɩ ha gʋrɛ ma kʋŋ koo a dɔgɩsɛ ma kʋŋ? Ma kʋbɛɛ teeŋ nɛ mɩ ha laa kpalaa ŋɩɩ leŋ mɩ bɩ mɩ sɩaa wuo kaa suri? Dɩ mɩ nɛ ŋaa wɩaa deemba kʋŋ ma dɔŋɔ lɛ, mɩ jaŋ mɩɩra tiŋ tɩɩna.”

1 SAMƲƐL 13:14

Ama lɛɛlɛ ŋ doho nɩaa dee bɩra bɩ jaŋ didii kuoruŋ. La TƖƖNA lɩɩsɛ nʋʋ ʋ tʋɔŋ sɩ tɔrɛ ʋ nyuŋ nɛ, dɩ ʋ nɛ ŋaa ʋ nɩaa sɩpaalaara, bɛɛ wɩaa ŋ bɩ ʋ niiŋ lɛ to.”

1 SAMƲƐL 15:1

Tapʋlɩɩ kʋbala Samʋɛl bʋla pɩ Sɔɔl, “La TƖƖNA tɩmmɛ nɛ, mɩ joŋ Wɩɩsʋllɩ nʋʋŋ a tɩsɩŋ, ŋ ŋaa Iziral tɩŋŋaa kuoro. Ŋɩɩ wɩaa, jegile nɩɩ wɩalɩŋ La TƖƖNA sɩ bʋla.

1 SAMƲƐL 15:17

Ŋɩɩ nɛ Samʋɛl bʋl, “Bumbuŋ kala, ŋ tɩtɩa fa bene arɩ ŋ bɩ nʋʋ ŋaa nɛ. Ŋ dee saa bɩ kʋ ŋaa Iziral tɩŋŋaa doho doho-la kala sɩpaalaara ŋɩɩ? La TƖƖNA nɛ lɩɩsɩŋ ŋ ŋaa ba kuoro.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”

1 SAMƲƐL 16:13

Samʋɛl joŋ loŋ arɩ nʋʋŋ a wansa tɩsʋ ʋ naambiiri-la kala sɩpaaŋ. A chɩŋ tapʋlɩɩ-la a kaa mʋ, La TƖƖNA Dɩma kʋ hɛ Devit lɛ a pʋ doluŋ. Ŋɩɩ harɩŋ Samʋɛl mɩɩra mʋ Rama.

1 SAMƲƐL 2:10

La TƖƖNA jaŋ chei nɩalɩŋ kala sɩ vɩaʋ. Ʋ jaŋ na baanɩŋ, a kpɩa ba lɛ a nagɛ duonuŋ. La TƖƖNA jaŋ dii dʋnɩa nɩaa kala sarɩya. Ʋ jaŋ joŋ doluŋ a pɩ kuoru-la ʋ sɩ lɩɩsa, dɩ ʋ kɛŋ doluŋ kʋŋkala nyuŋ.”

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”

1 SAMƲƐL 26:11

La TƖƖNA bɩ jaŋ sɛɩ dɩ mɩ ŋaa nɩɩ-la ʋ sɩ lɩɩsa ʋ ŋaa kuoro wʋbɔŋ kala. La jaŋ joŋ timiŋ arɩ lɩɩŋ loŋ-la sɩ chɩŋ ʋ nyuŋ nɛ a kaa viiri.”

1 SAMƲƐL 26:9

Ama Devit ma fɩɛla bʋla pɩ Abɩsaɩ, “Pʋpɔ ŋ sɩ́ ʋ kpʋ. Nʋʋkala tuo sɩ jaŋ kpʋ nɩɩ-la La TƖƖNA sɩ lɩɩsa ʋ ŋaa kuoro, aŋ bɩ cheeriŋ jaŋ laa La TƖƖNA teeŋ.”

1 SAMƲƐL 8:19

Ama nɩalɩŋ bɩ wɩɩ-la Samʋɛl sɩ bʋla jegile nɩɩ, aŋ bʋl, “Aɩ, laa chɛ kuoro nɛ dɩ ʋ bibenla.

1 SAMƲƐL 8:9

Ŋ-na jegile nɩɩ ba teeŋ, ama kpʋrɩsɛ ba dɩgɩlaa woruŋ, a leŋ dɩ ba jɩŋ wɩalɩŋ kala kuoru-la sɩ jaŋ joŋo ŋaa ba lɛ.”

1 SAMƲƐL 9:16

“Chie bʋa deeŋ lɛ, mɩ jaŋ leŋ dɩ baal kʋbala lɩɩ Bɛnjamɩŋ doho nɩaa tʋɔŋ a kɔ. Dɩ ʋ nɛ kɔ, joŋ Wɩɩsʋllɩ nʋʋŋ tɩsʋ, dɩ ʋ ŋaa mɩ nɩaa Iziral tɩŋŋaa sɩpaalaara. Ʋ nɛ jaŋ laa mɩ nɩaa ta Fɩlɩsɩtɩa tɩŋŋaa nɩsɩŋ lɛ. Mɩ na hɛɛ-la mɩ nɩaa sɩɩ na nɛ, a nɩɩ ba nii-ŋmobo ma.”

1 SAMƲƐL 9:27

Ba sɩ mʋ lɩlɩɩ taŋ-la niiŋ, Samʋɛl bʋla pɩ Sɔɔl, “Bʋla pɩ ŋ tɩntɩnnʋ-la dɩ ʋ laa la sɩpaaŋ mʋmʋ.” Ŋɩɩ nɛ ʋ vɩvɛŋ, ka ʋ bɩra bʋl, “Gbɛrɛ mʋa daha, dɩ mɩ bʋl wɩɩ-la Wɩa sɩ bʋla a tɩgɛ ŋ lɛ pɩŋ.”