1 SAMƲƐL 1:22 - WƖA TENIŊ

²² Ama Hana-na bɩ mʋa. Ʋ bʋla pɩ ʋ bala, “Dɩ bile nɛ waa dɩ mɩ kɛrʋ yɩlɩŋ lɛ, ŋɩɩ harɩŋ nɛ mɩ jaŋ kɛnʋ kaa mʋ pɩ La TƖƖNA, dɩ ʋ hɛ nɩmɛ ʋ mɩɩsɩŋ kala lɛ.”

1 SAMƲƐL 1:22 ပူးပေါင်းရင်းမြစ်များ

WƖA YƖƖLAA 110:4

La Tɩɩna ŋmɩɛsa nɛ, ʋ bɩ jaŋ kɛŋ ʋ tʋɔbɩɩnaa bɩrɩmɛ, Ʋ sɩ, “Ŋ nɛ nɩɩ-la sɩ laa nɩaa nyuŋ a tɩma pɩpɩ Wɩa a kaa mʋ wuu, a nagɛ baal-la ba sɩɩ yɩrɛ Mɛlɩkɩzɛdɛk fa sɩ tɩma pɩpɩ Wɩa ŋɩɩ.”

WƖA YƖƖLAA 23:6

Mɩ mɩɩsɩŋ kala lɛ ŋ jaŋ chomi a ŋaa wʋzɔŋŋɔɔ pɩpɩmɛ. Mɩ jaŋ hɛ ŋ-na La Tɩɩna dɩa lɛ a kaa mʋ wuu.

WƖA YƖƖLAA 27:4

Wʋbala nɛ mɩ chɩchɛ ŋ teeŋ mɩ Tɩɩna. Wɩɩ-la mɩ sɩɩ chɛ nɛ ŋ-la: Dɩ mɩ hɛ ŋ dɩa lɛ tapʋlɩɩ-kala mɩ mɩɩsɩŋ lɛ a bɩbagɩsɛ ŋ zɔmʋŋ aŋ chʋchʋɔlʋŋ.

MOSIS KƐŊ IZIRAL TƖŊŊAA LƖƖ 21:6

ŋɩɩ-na nɩɩ-la sɩ yɔbʋ maga dɩ ʋ kɛnʋ kaa mʋ sarɩya diiree leriŋ. Ʋ jaŋ kɛŋ ʋ dɩgɩlɩŋ mɛrɛ boro lɛ, aŋ tɔ luri arɩ luro, ka dɩ ʋ ŋaa ʋ tɩntɩnnʋ a kaa mʋ wuu see ʋ sɩ sʋba.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

LEVI DOHO NƖAA 25:23

Ma bɩ maga ma joŋ tintee-la yalla pɩ nʋʋ dɩ ʋ ŋaa ʋ kʋŋ a kaa mʋ wuu, bɛɛ wɩaa mɩ nɛ tɩɩ tintee-la, ka ma ŋaa nʋhʋɔra a hɔŋ ʋ lɛ.

Luuk 2:22

Wɩalɩŋ Mosis fa sɩ ŋmʋnsa bil dɩ nɩaa tuto dɔŋɔ nɛ ŋ-la: “Dɩ baal arɩ ʋ haal nɛ lʋl ba bii-bumbuŋ, dɩ ʋ nɛ ŋaa baal, ʋ maga dɩ ba mʋ pɩɩsɛ ba disiniŋ ta nɛ.” Mosis fa bɩra ŋmʋnsa bil Wɩa teniŋ tʋɔŋ dɩ nʋʋ na-kala nɛ lʋl ʋ bii-bumbuŋ, dɩ bile nɛ ŋaa baal, dɩ ʋ joŋo pɩ Wɩa. Ŋɩɩ nɛ Josɛf arɩ Mɛɛrɩ ŋaa ŋɩɩ. Ba sii joŋ bile a kaa mʋ Jerusalɛm dɩ ba joŋu pɩ Wɩa.

MOSIS BƖRA WULLI WƖA WOMBIIŊ 16:16

Jɩna na-kala tʋɔŋ Iziral tɩŋŋaa baalaa kala maga má mʋ ma TƖƖNA sɩpaaŋ naansɩɩŋ butori nɛ, lee-la ʋ sɩ jaŋ dagɛma dɩ ma zizilu, a gbieli gbielee deemba: La TƖƖNA dɩɩsɩŋ kiele bal gbiele, baga kɩaa ŋaanɩŋ gbiele arɩ lɛŋŋɛɛ gbiele. Nʋʋkala bɩ maga dɩ ʋ mʋ La TƖƖNA sɩpaaŋ arɩ na-hɩllɩŋ.

JOSUA 4:7

Má bʋla pɩba arɩ bʋa-la lɛ La TƖƖNA Wɩa niiriŋ daga-la fa sɩɩ chol Jɔdaŋ fuo-la, lɩɩ-la fa sɩɩ pɛllʋ kɛrɛ nɛ a chɩŋ dɩ-bala. Tabɩaa deemba nɛ jaŋ leŋ dɩ Iziral tɩŋŋaa liliisi wɩɩ-la a kaa mʋ wuu.”

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 1:28

ŋɩɩ wɩaa mɩ joŋu hɩhɛ La TƖƖNA nɩsɩŋ lɛ nɛ ʋ mɩɩsɩŋ kala lɛ, La TƖƖNA nɛ jaŋ tɩɩʋ.” Ŋɩɩ nɛ ba dɛnnɛ La TƖƖNA lee-la.

1 SAMƲƐL 13:13

Samʋɛl bʋl, “Nɩyaarɛ wɩɩ nɛ ŋ ŋaa ŋɩɩ. Wɩɩ-la ŋ TƖƖNA Wɩa sɩ joŋo pɩŋ dɩ ŋ to nɛ ŋ vɩa ŋɩɩ. Dɩ ŋ nɛ fa tou, ʋ fa jaŋ leŋ dɩ ŋ doho nɩaa nɛ didii kuoruŋ Iziral tinteeŋ lɛ a kaa mʋ wuu.

1 SAMƲƐL 2:11

Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.

1 SAMƲƐL 2:18

Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.

1 SAMƲƐL 28:2

Devit bʋl, “Ŋɩɩ lɛ nɛ ŋ jaŋ na wɩɩ-la ŋ tɩntɩnna sɩ jaŋ wuo ŋaa.” Akɩs ma sɩ, “Ʋ zɔmɔ, mɩ jaŋ leŋ dɩ ŋ nɛ pʋpɔmɛ mɩ mɩɩsɩŋ kala lɛ.”

1 SAMƲƐL 3:1

Bʋa-la lɛ Samʋɛl fa sɩ hɛ Eli teeŋ a tɩtɩŋ La TƖƖNA tɩntɩŋŋaa, La TƖƖNA fa bɩ chaasa bʋl wɩaa pɩpɩ nɩaa. Ʋ fa bɩ ʋ tɩtɩa kaa dagɛ nɩaa duosoo tʋɔŋ ma a yʋgɛ.