1 SAMƲƐL 1:21 - WƖA TENIŊ

²¹ Harɩŋ, Ɛlɩkaana arɩ ʋ dɩa nɩaa kala bɩra sii mʋ Sɩlɔ dɩ ba kpʋ pʋsʋŋ a sʋl Wɩɩsʋlʋŋ, arɩ ba sɩ vɛnɛɛ ŋaa ŋɩɩ jɩna na-kala, aŋ pɛ lɩɩsɛ nii-la ʋ sɩ ta.

1 SAMƲƐL 1:21 ပူးပေါင်းရင်းမြစ်များ

1 SAMƲƐL 1:3

Jɩna na-kala, Ɛlɩkaana yie lɩɩ ʋ jaŋ Rama a mʋ taŋ-la ba sɩɩ yɩrɛ Sɩlɔ dɩ ʋ zil La TƖƖNA doluŋ kala Tɩɩna aŋ pɛ kpʋ pʋsʋŋ a ŋaa Wɩɩsʋlʋŋ. Sɩlɔ lɛ baal kʋbala nɛ fa hɛ nɩmɛ baa yɩrɛ Eli. Ʋ fa ŋaa La TƖƖNA Wɩɩsʋllɩ sɩpaalaarʋ nɛ. Ʋ fa kɛŋ hambolibiisiŋ balɩa nɛ, baa yɩrɛ Hofini arɩ Finihas, ba ma fa ŋaa La TƖƖNA Wɩɩsʋllɩ sɩpaalaaraa nɛ.

MOSIS BƖRA WULLI WƖA WOMBIIŊ 12:11

Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.

JOSUA 24:15

Dɩ ma tʋɔŋ nɛ bɩ tɔrɔ ma sɩ́ jaŋ to La TƖƖNA, ŋɩɩ-na jɩnɩŋ má bagɩsa lɩɩsɛ kʋ-la ma sɩ jaŋ to: Dɩ ma naabalɩmaba fa sɩɩ kpaarɛ vesi-la Yufireti fuo-la cholo nɛɛ, koo dɩ vesi-la Amɔrɩ tɩmma-la tinteeŋ lɛ ma sɩ hɔnɔ sɩɩ kpaarʋ nɛ. Ama mɩ-na arɩ mɩ dɩa nɩaa kala jaŋ to La TƖƖNA.”

WƖA YƖƖLAA 101:2

Mɩ jaŋ fɩɛlɛ mɩ sɩaa a ŋaa wɩaa a sɩ́ cheeri kala kɛŋ mɩ mɩɩsɩŋ lɛ. Chɛ bɛɛ nɛ ŋ jaŋ kɔ mɩ teeŋ? Mɩ jaŋ ŋɩŋaa tʋɔpʋl wɩaa mɩ dɩa lɛ.

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

1 SAMƲƐL 2:19

Jɩna na-kala ʋ naaŋ yie yɛrɛ gɛrɩ-duduo-bie nɛ a kaa kʋ pʋ, dɩ ʋ dɩ ʋ bala nɛ kɔ dɩ ba kpʋ pʋsʋŋ a ŋaa ba jɩna Wɩɩsʋlʋŋ.

MOSIS BƖRA WULLI WƖA WOMBIIŊ 12:6

Nɩmɛ nɛ ma jaŋ kɛŋ ma kʋnyɩgaa Wɩɩsʋlʋŋ kɩaa kaa mʋ arɩ Wɩɩsʋlʋŋ kɩaa dɔnsʋŋ, kpaalɩŋ fii-la sɩ ŋaa La TƖƖNA kʋa arɩ Wɩɩsʋlʋŋ-la ma sɩ yie kaa je a zaarɛ La TƖƖNA sɩpaaŋ, ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA, arɩ ma tʋɔtɔrɛ Wɩɩsʋlʋŋ kɩaa a pɛ ma pʋsʋŋ bii-bumbumba lɛ.