1 SAMƲƐL 1:19 - WƖA TENIŊ

¹⁹ Taŋ sɩ pʋla Ɛlɩkaana arɩ ʋ dɩa nɩaa sii chʋchʋɔ-fɩɛla a zil La TƖƖNA, aŋ mɩɩra mʋ ba jaŋ Rama. Ɛlɩkaana arɩ ʋ haala Hana pɛ bɔsɔ, La TƖƖNA laa ʋ sʋla.

1 SAMƲƐL 1:19 ပူးပေါင်းရင်းမြစ်များ

WƖAA DƖ-SUOMUŊ 21:1

La TƖƖNA fá Sara nenige a ŋaa wɩɩ-la ʋ fa sɩ sɩ ʋ jaŋ ŋaa pʋ.

WƖAA DƖ-SUOMUŊ 30:22

Ŋɩɩ nɛ Wɩa liisi Rakɛl wɩaa a laa ʋ sʋla a suri ʋ lʋlá.

WƖAA DƖ-SUOMUŊ 4:1

Adam pɩŋ ʋ haala Hawa ʋ kɛŋ luoruŋ a lʋl hambolibie, ba hɛ ʋ yɩrɩŋ Keeŋ. Ŋɩɩ nɛ Hawa bʋl, “Mɩ Tɩɩna Wɩa pɛ mɩ lɛ nɛ mɩ lʋl hambolibie.”

WƖAA DƖ-SUOMUŊ 8:1

Ama Wɩa fa bɩ Nowa arɩ bagɩlaa arɩ pʋsʋ-la sɩ to Nowa harɩŋ jʋʋ lɩɩŋ daboro-la wɩaa yʋa. Ŋɩɩ nɛ ʋ leŋ peliŋ lu dʋnɩa lɛ. Lɩɩ-la suomo hʋhʋ.

2 KUOROO 4:17

Ʋ ŋɩɩ harɩŋ lɛ nɛ haal-la kɛŋ luoruŋ, a lʋl hambolibie harɩŋ jɩna bʋa-la tɩtɩa lɛ arɩ Elaasa sɩ bʋl ŋɩɩ pʋ.

WƖA YƖƖLAA 119:147

Mɩ sii sɩɩ-pʋʋraa nɛ a ŋmoo niiŋ pɩŋ dɩ ŋ pɛ mɩ lɛ. Mɩ joŋ mɩ yɩɛlaa hɛ ŋ niiŋ wɩaa lɛ nɛ.

WƖA YƖƖLAA 136:23

La Tɩɩna na hɛɛ-la tʋɔŋ la fa sɩ hɛ nɛ. Ʋ chonuŋ bɩ dɛrɛ.

WƖA YƖƖLAA 25:7

Joŋ wʋbɔmɔ-la kala mɩ sɩ ŋaa mɩ hambiiriŋ lɛ a chɛmɛ. A tɩŋ ŋ chonuŋ arɩ ŋ zile wɩaa, liisi mɩ wɩaa.

WƖA YƖƖLAA 5:3

La Tɩɩna, chʋchʋɔ na-kala ŋ yie nɩɩ mɩ yikoro nɛ. Mɩ yie bʋl wɩalɩŋ kala mɩ sɩɩ chɛ nɛ a pɩŋ, aŋ gbɛrɛ dɩ mɩ nɩɩ wɩɩ-la ŋ sɩ jaŋ bʋla pɩmɛ.

WƖA YƖƖLAA 55:17

Dɩdaanɩŋ, chʋchʋɔŋ arɩ wɩɩhɛyɛ kala nɛ mɩ yie yel arɩ tʋɔ-cheeŋ, ʋ nɩɩ mɩ yikoro.

Maak 1:35

Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa.

Luuk 23:42

Ŋɩɩ nɛ aŋ ka ʋ bʋla pɩ Yesu, “Yesu, dɩ ŋ nɛ dii kuoruŋ, liisi mɩ ma wɩaa.”

JOSUA 18:25

Tasɩŋ dɔnsʋŋ ma nɛ ŋ-la: Gibioŋ, Rama, Bɛɛrɔf,

1 SAMƲƐL 1:1

Baal kʋbala nɛ fa hɛ nɩmɛ, ʋ yɩrɩŋ nɛ Ɛlɩkaana. Ʋ ŋaa Zuf nyɩŋ-nɩaa dɔŋɔ nɛ, a lɩɩ Rama sɩ hɛ Efirem tintee-la peelee sɩ yʋga lɛ. Ʋ nyɩmma yɩrɩŋ nɛ Jeroham. Jeroham ma nyɩmma yɩrɩŋ nɛ Elihu. Elihu ma nyɩmma yɩrɩŋ nɛ Tohu. Tohu ma nyɩmma yɩrɩŋ nɛ Zuf. Zuf fa ŋaa Efirem tɩɩna nɛ.

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 15:34

Ŋɩɩ nɛ Samʋɛl sii lɩɩ nɩmɛ a mʋ ʋ jaŋ Rama, ka Sɔɔl ma mʋ ʋ jaŋ Gɩbɩa.

1 SAMƲƐL 16:13

Samʋɛl joŋ loŋ arɩ nʋʋŋ a wansa tɩsʋ ʋ naambiiri-la kala sɩpaaŋ. A chɩŋ tapʋlɩɩ-la a kaa mʋ, La TƖƖNA Dɩma kʋ hɛ Devit lɛ a pʋ doluŋ. Ŋɩɩ harɩŋ Samʋɛl mɩɩra mʋ Rama.

1 SAMƲƐL 19:18

Bʋa-la lɛ Devit sɩ lɩɩ fá, ʋ mʋ Samʋɛl teeŋ nɛ taŋ-la ba sɩɩ yɩrɛ Rama lɛ, a bʋl wɩalɩŋ kala Sɔɔl sɩ ŋaa ʋ lɛ a pʋ. Ŋɩɩ nɛ ʋ dɩ Samʋɛl sii mʋ hɔŋ lee kʋbala ba sɩɩ yɩrɛ Nayɔf.

1 SAMƲƐL 2:11

Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.

1 SAMƲƐL 25:1

Ŋɩɩ nɛ Samʋɛl sʋʋ, Iziral tɩŋŋaa kala kʋ hilimi a yel ʋ yoho, aŋ joŋu hugi ʋ dɩa lɛ Rama lɛ. Ʋ ŋɩɩ harɩŋ lɛ nɛ Devit sii nɩmɛ a mʋ Mayɔŋ tintee-hɩlɩŋ.

1 SAMƲƐL 7:17

Ama dɩ ʋ nɛ tɩŋ ʋ tɩntɩŋŋaa dɛrɛ, ʋ ha yie mɩɩra kɔ ʋ dɩa nɛ Rama lɛ. Ʋ yie kɔ nɩmɛ a laa Iziral tɩŋŋaa ma wɩaa a bʋla wasɛ pɩba. Rama lɛ, ʋ saa Wɩɩsʋllɩ koruŋ nɛ a pɩ La TƖƖNA.

1 SAMƲƐL 8:4

Ŋɩɩ nɛ Iziral tɩŋŋaa nɩhɩasɩŋ kala sii hɛ dɔŋɔ lɛ a mʋ Samʋɛl teeŋ Rama lɛ,

1 SAMƲƐL 9:26

Ba sɩ sii chʋchʋɔ-fɩɛla, Samʋɛl yɩrɛ Sɔɔl lusu-la nyuŋ a bʋl, “Kɛŋ ŋ tɩtɩa hɛ dɔŋɔ dɩ mɩ kɛnɩŋ lɩɩ hɛ wombiiŋ lɛ.” Sɔɔl sɩ kɛŋ ʋ tɩtɩa hɛ dɔŋɔ, ʋ dɩ Samʋɛl kala to dɔŋɔ a lɩɩ dɩ-jalɩŋ.