1 SAMƲƐL 1:11 - WƖA TENIŊ

¹¹ Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 1:11 ပူးပေါင်းရင်းမြစ်များ

WƖAA DƖ-SUOMUŊ 28:20

Jekɔb ta niiŋ a bʋl, “Dɩ Wɩa nɛ jaŋ chɩŋ mɩ harɩŋ a pɔmɛ wombiiŋ deeŋ mɩ sɩ joŋo lɛ, a pɩmɛ kʋdiilee dɩ mɩ dii arɩ gɛnnɩŋ mɩ laalɛ,

WƖAA DƖ-SUOMUŊ 29:32

Liya kɛŋ luoruŋ a lʋl hambolibie a hɛ ʋ yɩrɩŋ Rubiŋ, bɛɛ wɩaa ʋ sɩ, “La TƖƖNA na mɩ hɛɛŋ nɛ. Lɛɛlɛ mɩ bala jaŋ chomi.”

WƖAA DƖ-SUOMUŊ 30:22

Ŋɩɩ nɛ Wɩa liisi Rakɛl wɩaa a laa ʋ sʋla a suri ʋ lʋlá.

WƖAA DƖ-SUOMUŊ 8:1

Ama Wɩa fa bɩ Nowa arɩ bagɩlaa arɩ pʋsʋ-la sɩ to Nowa harɩŋ jʋʋ lɩɩŋ daboro-la wɩaa yʋa. Ŋɩɩ nɛ ʋ leŋ peliŋ lu dʋnɩa lɛ. Lɩɩ-la suomo hʋhʋ.

2 SAMƲƐL 16:12

Kapo La TƖƖNA jaŋ bɩra wuo na wɩalɩŋ sɩ jʋʋmɛ jɩnɩŋ arɩ ŋɩɩ ba sɩɩ tʋʋsɛmɛ, a fá mɩ nenige a joŋ wʋzɔŋŋɔɔ a timmi.”

WƖA YƖƖLAA 25:18

Beŋ mɩ wʋwalɩmɩa-la arɩ mɩ tʋɔ-cheeŋ aŋ joŋ mɩ wʋbɔŋŋɔɔ kala chɛmɛ.

MOSIS KƐŊ IZIRAL TƖŊŊAA LƖƖ 4:31

Ŋɩɩ nɛ nɩalɩŋ laa dii. Ba sɩ nɩa dɩ La TƖƖNA na ba hɛɛ-la ba sɩɩ na Ijipiti tinteeŋ lɛ a chɩl ba wɩaa, ŋɩɩ nɛ ba kɛŋ ba nyusuŋ chugili a chʋɔlɛ Wɩa.

NAMAGABA 31:2

Mɩ bii-kpɩana, mɩ nɛ lʋlʋŋ. Mɩ sʋl Wɩa nɛ ʋ joŋuŋ pɩmɛ.

TƖƖCHA 5:4

Dɩ ŋ nɛ ta niiŋ Wɩa teeŋ, sɩ́ leŋe dɩ ʋ dieni ka dɩ ŋ lɩɩsɛ nii-la. Ʋ tʋɔŋ bɩ nɩyaaraa nyuŋ ka tɔrɛ. Lɩɩsɛ nii-la ŋ sɩ ta.

LEVI DOHO NƖAA 27:2

“Bʋla pɩ Iziral tɩŋŋaa: ‘Dɩ nʋʋ nɛ ta niiŋ arɩ ʋ jaŋ joŋ nuhuobiiŋ a hɛ mɩ-na ma TƖƖNA nɩsɩŋ lɛ, aŋ chɩchɛ dɩ ʋ lɩɩsɛ nii-la,

NAMBABA 21:2

Ŋɩɩ nɛ Iziral tɩŋŋaa ta niiŋ La TƖƖNA teeŋ a bʋl, “Dɩ ŋ nɛ leŋe dɩ la yuo dii nɩaa deemba, la jaŋ chei ba tabalaa kala gbelem gbelem.”

NAMBABA 6:11

Wɩɩsʋllɩ sɩpaalaara jaŋ joŋ dɔŋɔ a sʋl wʋbɔŋŋɔɔ joŋo chɛnɩŋ Wɩɩsʋlʋŋ, aŋ joŋ dɔŋɔ ma a sʋl kʋnyɩgaa Wɩɩsʋlʋŋ a pɩɩsɛ nɩɩ-la wʋbɔŋŋɔɔ ta, bɛɛ wɩaa sʋʋ-la leŋe ʋ kɛŋ disiniŋ nɛ. Tapʋlɩɩ-la tɩtɩa nɛ ʋ jaŋ bɩra joŋ ʋ nyuŋ-la a hɛ mɩ nɩsɩŋ lɛ.

NAMBABA 6:5

Bʋa-la kala lɛ ʋ sɩ ta nii-la a joŋ ʋ tɩtɩa a pɩmɛ, nyufʋna bɩ jaŋ lɔgɛ ʋ nyuŋ lɛ. Ʋ maga dɩ ʋ ŋaa tʋɔpʋl tɩɩna nɛ mɩ-na ma TƖƖNA teeŋ, dɩ bʋa-la mʋ dɛrɛ. Ʋ maga dɩ ʋ leŋ ʋ nyu-pʋnaa dɩ ba waa a duomi.

NAMBABA 6:8

Bʋa-la kala lɛ ʋ sɩ ta nii-la, ʋ hɛ mɩ-na ma TƖƖNA nɩsɩŋ lɛ nɛ.

SƖPAALAARAA 11:30

Ŋɩɩ nɛ ʋ ta niiŋ La TƖƖNA teeŋ: “Dɩ ŋ nɛ leŋe mɩ yuo dii Amɔŋ tɩŋŋaa,

SƖPAALAARAA 13:5

bɛɛ wɩaa ŋ jaŋ kɛŋ luoruŋ a lʋl hambolibie. Ʋ bɩ maga dɩ ba fʋŋ ʋ nyuŋ, bɛɛ wɩaa ŋ jaŋ joŋu hɛ Wɩa nɩsɩŋ lɛ a chɩŋ tapʋlɩɩ-la ŋ sɩ lʋlʋ, dɩ ʋ ŋaa nʋʋ sɩ tɔ nyukii. Ʋ nɛ jaŋ suomo laa Iziral tɩŋŋaa ta Fɩlɩsɩtɩa tɩŋŋaa nɩsɩŋ lɛ.”

1 SAMƲƐL 1:10

Hana tʋɔŋ kala fa cheye nɛ, ʋ chaasa yiyel aŋ chʋchʋɔlɛ Wɩa.

1 SAMƲƐL 1:12

Hana faa chʋɔlɛ La TƖƖNA deeŋ deeŋ nɛ, Eli ma bibeŋ ʋ niiŋ lɛ.

1 SAMƲƐL 1:19

Taŋ sɩ pʋla Ɛlɩkaana arɩ ʋ dɩa nɩaa sii chʋchʋɔ-fɩɛla a zil La TƖƖNA, aŋ mɩɩra mʋ ba jaŋ Rama. Ɛlɩkaana arɩ ʋ haala Hana pɛ bɔsɔ, La TƖƖNA laa ʋ sʋla.

1 SAMƲƐL 1:22

Ama Hana-na bɩ mʋa. Ʋ bʋla pɩ ʋ bala, “Dɩ bile nɛ waa dɩ mɩ kɛrʋ yɩlɩŋ lɛ, ŋɩɩ harɩŋ nɛ mɩ jaŋ kɛnʋ kaa mʋ pɩ La TƖƖNA, dɩ ʋ hɛ nɩmɛ ʋ mɩɩsɩŋ kala lɛ.”

1 SAMƲƐL 1:27

Bie deeŋ nɛ mɩ fa sʋlaa chɛ. La TƖƖNA ŋaa wɩɩ-la mɩ fa sɩ sʋla chɩchɛ pɩmɛ nɛ,

1 SAMƲƐL 1:28

ŋɩɩ wɩaa mɩ joŋu hɩhɛ La TƖƖNA nɩsɩŋ lɛ nɛ ʋ mɩɩsɩŋ kala lɛ, La TƖƖNA nɛ jaŋ tɩɩʋ.” Ŋɩɩ nɛ ba dɛnnɛ La TƖƖNA lee-la.

1 SAMƲƐL 2:20

Eli yie sʋl Wɩa pɩ Ɛlɩkaana arɩ ʋ haala a bʋl, “La TƖƖNA jaŋ pɛ ŋ dɩ ŋ haala deeŋ lɛ dɩ ma lʋl biiriŋ, dɩ ba chɩŋ bie deeŋ nyuŋ, bie deeŋ ʋ sɩ sʋl Wɩa ʋ joŋo pʋ ʋ ma bɩra joŋu hɛ La TƖƖNA nɩsɩŋ lɛ nɛ.” Dɩ ʋ nɛ sʋl Wɩa pɩba dɛrɛ, ba yie mɩɩra mʋ dɩa.