1 SAMƲƐL 1:10 - WƖA TENIŊ

¹⁰ Hana tʋɔŋ kala fa cheye nɛ, ʋ chaasa yiyel aŋ chʋchʋɔlɛ Wɩa.

1 SAMƲƐL 1:10 ပူးပေါင်းရင်းမြစ်များ

WƖAA DƖ-SUOMUŊ 30:1

Rakɛl sɩ na arɩ ʋ bɩ bii lʋla pɩ Jekɔb, ʋ yaraa bibieri ʋ malɩma nyuŋ. Ŋɩɩ nɛ ʋ bʋla pɩ Jekɔb, “Pɩmɛ bie, dɩ ŋɩɩ dee mɩ jaŋ sʋʋ.”

WƖAA DƖ-SUOMUŊ 50:10

Ba sɩ mʋ yi taha-la lɛ Atad sɩ ŋmoo ʋ mɩaa a kpagɛ Jɔdaŋ fuo-la, ba ŋmoo niiŋ bambaŋ a yel woruŋ. Josɛf ŋaa ʋ nyɩmma yoho wɩaa lee-la tapʋlaa balɩpɛ.

2 SAMƲƐL 13:36

Ʋ yie bʋla dɩdɛrɛ dɩ kuoro biiriŋ kʋ jʋʋ a ŋmuŋmoo niiŋ. Kuoro arɩ ʋ tɩntɩnnaa ma yiyel, ba chaasa yel woruŋ.

2 SAMƲƐL 17:8

Ŋ jɩma woruŋ ŋ nyɩmma arɩ ʋ nɩaa chaasa ŋaa laalɩyuoro nɛ. Lɛɛlɛ ŋ-la ba yaraa kala hoso nɛ a nagɛ lʋgʋmʋŋ bie ba sɩ kpʋa ʋ yaraa hosi. Ŋɩɩ ma dʋndʋŋa dee, ŋ nyɩmma ŋaa laalɩyuori-bɩnɩɩ nɛ, a bɩ ʋ laalɩyuoroo tʋɔŋ ka guoli tɩtaŋɩŋ.

2 KUOROO 20:3

“Mɩ Tɩɩna, liisi ŋɩɩ mɩ sɩ laaŋ dii a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.

JOB 10:1

Mɩ sɩ hɛ mɩ mɩɩsɩŋ lɛ bɩra bɩ bʋbʋɔ kɛnɛ mɩ teeŋ, ŋɩɩ wɩaa, mɩ jaŋ ŋmɛŋ ŋɩɩ kala mɩ sɩɩ chɛ. Mɩ jaŋ bʋl tʋɔ-chee-la sɩ faasa kɛmmɛ wɩaa.

JOB 7:11

Ŋɩɩ wɩaa, mɩ bɩ jaŋ tɔrɛ mɩ niiŋ, mɩ jaŋ bʋl tʋɔ-chee-la sɩ faasa kɛmmɛ wɩaa. Mɩ jaŋ bʋl baaŋ-la sɩ vɔgɛmɛ kɩŋkɛŋ wɩaa.

JOB 9:18

Ʋ bɩ jaŋ leŋ dɩ mɩ na wiese mʋa ma, ama ʋ jaŋ leŋ dɩ mɩ hɛɛŋ faasa yʋgɛ.

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

NAMAGABA 14:10

Dɩ ŋ tʋɔŋ nɛ cheye, ʋ yie ŋaa ŋ dʋndʋŋa wɩɩ nɛ, dɩ ʋ nɛ tɔrɔ ma, ŋ dɩ nʋʋ bɩ kaa kpaa.

AZAAYA 38:15

Ama wʋbɛɛ nɛ mɩ jaŋ wuo bʋl? Ʋ bʋla pɩmɛ nɛ arɩ ʋ tɩtɩa nɛ ŋaa wɩɩŋ deeŋ, ŋɩɩ wɩaa mɩ jaŋ fɩɛlɛ mɩ sɩaa mɩ mɩɩsɩŋ kala lɛ, a tɩŋ hɛɛ-la mɩ sɩ na wɩaa.

AZAAYA 54:6

Ŋ fa nagɛ hatolo ʋ bala sɩ vɩa ta nɛ, ŋ tʋɔŋ chei kɩŋkɛŋ. Ama ŋ TƖƖNA Wɩa yɩrɩŋ nɛ a bʋl,

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 22:10

Juda nɩaa, má sɩ́ yele pɩ kuoru-la sɩ sʋba koo sɩ tuo. Ama má yel woruŋ a pɩ nɩɩ-la ba sɩ kaa mʋ yoŋ-baga, bɛɛ wɩaa ʋ bɩra bɩ jaŋ mɩɩra kɔ a na tintee-la lɛ ba sɩ lʋlʋ.

JEMBIEE 3:15

Ʋ leŋe mɩ na hɛɛŋ a nagɛ nɩa sɩ nyʋa susuŋ sɩ hɛyɛ nɛ.

Luuk 22:44

Ʋ tʋɔŋ fa faasa chei nɛ woruŋ. Ŋɩɩ nɛ ʋ chʋɔlɛ Wɩa arɩ sɩɩfɩɛsɩŋ, ʋ suoluŋ paala nagɛ chalɩŋ a tutuu tinteeŋ.]

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

SƖPAALAARAA 21:2

Ŋɩɩ nɛ Iziral tɩŋŋaa mʋ Bɛtɛl a hɔŋ La TƖƖNA sɩpaaŋ, wɩa tuu jʋʋ, aŋ faasa yiyel.

RUF 1:20

Nawomi bʋla pɩba, “Má bɩra sɩ́ mɩ Nawomi yɩrʋ, ma yɩyɩrɛmɛ Mara, bɛɛ wɩaa La TƖƖNA doluŋ kala Tɩɩna leŋe mɩ na hɛɛŋ nɛ woruŋ.” (Nawomi bʋbʋɔŋ nɛ kʋzɔmʋŋ, Mara ma bʋbʋɔŋ nɛ kʋhaaŋ.)

1 SAMƲƐL 1:11

Ŋɩɩ nɛ ʋ ta niiŋ a bʋl, “La TƖƖNA doluŋ kala Tɩɩna, mɩ ŋaa ŋ tɩntɩnnʋ nɛ, na mɩ wɩɩŋ sɩ kɛŋ hɛɛŋ ŋɩɩ. Mɩɩ sʋlʋŋ, pɩmɛ hambolibie. Dɩ ŋ nɛ pɩmɛ hambolibie, ʋ mɩɩsɩŋ kala lɛ mɩ jaŋ joŋu a hɛ ŋ nɩsɩŋ lɛ. Nyu-fʋna kala bɩ jaŋ lɔgɛ ʋ nyuŋ lɛ.”

1 SAMƲƐL 1:9

Tapʋlɩɩ kʋbala ba sɩ dii kʋdiilee dɛrɛ La TƖƖNA dɩa lɛ Sɩlɔ lɛ, ŋɩɩ nɛ Hana sii chɩŋ, dɩ Wɩɩsʋllɩ sɩpaalaara Eli ma hɔŋ kpasa nyuŋ, La TƖƖNA dɩa boiŋ niiŋ.