Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 SAMƲƐL 1:1 - WƖA TENIŊ

1 Baal kʋbala nɛ fa hɛ nɩmɛ, ʋ yɩrɩŋ nɛ Ɛlɩkaana. Ʋ ŋaa Zuf nyɩŋ-nɩaa dɔŋɔ nɛ, a lɩɩ Rama sɩ hɛ Efirem tintee-la peelee sɩ yʋga lɛ. Ʋ nyɩmma yɩrɩŋ nɛ Jeroham. Jeroham ma nyɩmma yɩrɩŋ nɛ Elihu. Elihu ma nyɩmma yɩrɩŋ nɛ Tohu. Tohu ma nyɩmma yɩrɩŋ nɛ Zuf. Zuf fa ŋaa Efirem tɩɩna nɛ.

အခန်းကိုကြည့်ပါ။ ကော်ပီ




1 SAMƲƐL 1:1
21 ပူးပေါင်းရင်းမြစ်များ  

Nɛbat nanʋala Jerobuam ma bɩra vɩa kuoro Solomoŋ niiŋ. Ʋ fa ŋaa Solomoŋ tɩntɩnnɩ-hɩasɩŋ dɔŋɔ nɛ, a ŋaa Efirem tɩɩna a lɩɩ Zɛrɛda. Ʋ naaŋ yɩrɩŋ nɛ Zɛrʋa, ʋ fa ŋaa yo-haal nɛ.


Ahitub ma nanʋala nɛ Zadɔk, Zadɔk ma nanʋala nɛ Salum,


Kohaf doho nɩaa nɛ: Amɩnadab, Amɩnadab nanʋala nɛ Kora, Kora ma nanʋala nɛ Asɛɛ, Asɛɛ ma nanʋala nɛ


Nɩalɩŋ fa sɩ yie du kɩaa aŋ yɩyɩɩ yɩɩlaa, ba dɩ ba dɩa nɩaa nɛ ŋ-la: Kohaf doho nɩaa: Hemaŋ nɛ yɩɩlɩ yɩɩra-la sɩpaalaara, ʋ nyɩmma nɛ Jowɛl, Jowɛl ma nyɩmma nɛ Samʋɛl,


Samʋɛl ma nyɩmma nɛ Ɛlɩkaana, Ɛlɩkaana ma nyɩmma nɛ Jeroham, Jeroham ma nyɩmma nɛ Ɛlɩɛl, Ɛlɩɛl ma nyɩmma nɛ Tʋa,


Dɩdaanɩŋ sɩ yie, baal kʋbala sɩ lɩɩ taŋ kʋbala baa yɩrɛ Arɩmatɩya kɔ. Ʋ fa ŋaa kɩaa tɩɩna nɛ. Ʋ yɩrɩŋ nɛ fa Josɛf. Ʋ ma fa ŋaa Yesu harɩ-tooro-la dɔŋɔ nɛ.


Arɔŋ nanʋala Elieza ma sʋʋ ba joŋu hugi Gɩbɩa lɛ, tintee-la ba sɩ joŋo pɩ ʋ nanʋala Finihas, ʋ hɛ Efirem tintee-la peelee sɩ yʋga lɛ nɛ.


Gɩlɩad laalɩyuoroo laa lere-la kala Efirem nɩaa sɩ jaŋ wuo to chol Jɔdaŋ fuo-la a mʋ ba tinteeŋ nɛ. Dɩ Efirem tɩmma-la nɩkaana-la kʋŋ nɛ kɔ a bʋl, “Má leŋ dɩ mɩ chol.” Gɩlɩad tɩmma-la yie pɩɛsʋ, “Ŋ ŋaa Efirem tɩɩna nɛɛ?” Dɩ ʋ nɛ sɩ, “Aɩ,”


Baal kʋbala nɛ fa hɛ Efirem tintee-la peelee sɩ yʋga lɛ baa yɩrɛ Mɩka.


Bʋa-la lɛ Iziral tɩŋŋaa fa sɩ bɩ kuoro kɛnɛ, Levi doho nʋʋ kʋbala fa hɛ gɩrɩŋ tʋɔŋ Efirem tintee-la peelee sɩ yʋga lɛ. Ʋ bil haal kʋbala sɩ lɩɩ Bɛtɩlɛhɛm sɩ hɛ Juda tinteeŋ lɛ, aŋ ha bɩ jaa.


Debora fa yie hɔŋ ʋ tɩtɩa abɛ tɩa kʋbala bʋbʋɔŋ nɛ, Rama arɩ Bɛtɛl pɛgɛ, Efirem tintee-la peelee sɩ yʋga lɛ. Iziral tɩŋŋaa fa yie kɛŋ ba kaalɛrɛba kɔ ʋ teeŋ nɩmɛ, ʋ jɩma pɩpɩba.


Baal-la yɩrɩŋ nɛ Ɛlɩmɛlɛk, ʋ haala ma yɩrɩŋ nɛ Nawomi. Ʋ hambolibiisi-la ma yɩraa nɛ Malɔŋ arɩ Kilioŋ. Ba kala ŋaa Ɛfɩraf tɩŋŋaa nɛ a lɩɩ Bɛtɩlɛhɛm sɩ hɛ Juda tinteeŋ. Ŋɩɩ nɛ ba mʋ hɔŋ Mʋab tinteeŋ lɛ.


Ɔbɛd ma nɛ lʋl Jesi. Jesi ma nɛ lʋl Devit.


Taŋ sɩ pʋla Ɛlɩkaana arɩ ʋ dɩa nɩaa sii chʋchʋɔ-fɩɛla a zil La TƖƖNA, aŋ mɩɩra mʋ ba jaŋ Rama. Ɛlɩkaana arɩ ʋ haala Hana pɛ bɔsɔ, La TƖƖNA laa ʋ sʋla.


Devit nyɩmma nɛ fa Jesi. Jesi ŋaa Yufireti tɩɩna nɛ, a lɩɩ Bɛtɩlɛhɛm sɩ hɛ Juda tinteeŋ lɛ. Ʋ kɛŋ hambolibiisiŋ chori nɛ. Bʋa-la lɛ Sɔɔl sɩ dii kuoruŋ, dɩ Jesi hɩɛsa woruŋ.


Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.


Ama dɩ ʋ nɛ tɩŋ ʋ tɩntɩŋŋaa dɛrɛ, ʋ ha yie mɩɩra kɔ ʋ dɩa nɛ Rama lɛ. Ʋ yie kɔ nɩmɛ a laa Iziral tɩŋŋaa ma wɩaa a bʋla wasɛ pɩba. Rama lɛ, ʋ saa Wɩɩsʋllɩ koruŋ nɛ a pɩ La TƖƖNA.


Sɔɔl arɩ ʋ tɩntɩnnʋ-la lɩɩ to Efirem tintee-la peelee sɩ yʋga ŋɩɩ a mʋ to lere-la sɩ golli taŋ-la ba sɩɩ yɩrɛ Salɩsa, aŋ bɩ ba na. Ba joŋ ŋɩɩ mʋ lee-la ba sɩɩ yɩrɛ Saalɩm, ama kakusu-la tuo nɩmɛ ma. Ŋɩɩ nɛ ba bɩra joŋ Bɛnjamɩŋ doho nɩaa tinteeŋ ma kala a baara cheŋ, aŋ bɩ ba na.


Ba sɩ mʋ yi tintee-la ba sɩɩ yɩrɛ Zuf, Sɔɔl bʋla pɩ ʋ dɩ ʋ tɩntɩnnʋ-la sɩɩ vɛŋ, “Kɔ dɩ la mɩɩra mʋ dɩa, dɩ ŋɩɩ dee mɩ nyɩmma jaŋ leŋ kakusu-la wɩaa bɩɩnɩŋ, la wɩaa nɛ jaŋ mɩɩra chɩlʋ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ