1 Jɔɔŋ 5:9 - WƖA TENIŊ

⁹ Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.

1 Jɔɔŋ 5:9 ပူးပေါင်းရင်းမြစ်များ

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Tɩntɩŋŋaa 5:32

La pɛ na wɩaa deemba nɛ. Wɩa Dɩŋ-zɔmʋŋ ma, Wɩa sɩ joŋo hɛ nɩalɩŋ sɩɩ to ʋ niiŋ ma ŋaa pɛ-naaraa.”

Hiburu TƖŊŊAA 2:4

Wɩa ma tɩtɩa daga arɩ wɩɩ-la ba sɩ bʋla ŋaa wʋtɩtɩɩ nɛ. Ʋ dagɛ ʋ doluŋ a ŋaa wʋkpuŋkperisiŋ arɩ wʋmagɩlaa kala. Wɩa to ʋ tʋɔtɔrʋŋ lɛ nɛ a joŋ ʋ Dɩŋ-zɔmʋŋ a dii zile nɩaa lɛ.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

1 Jɔɔŋ 5:8

Ba nɛ ŋaa: Wɩa Dɩŋ-zɔmʋŋ arɩ lɩɩ-la arɩ ʋ chal-la. Ba kala ka bʋl wʋbala nɛ.