1 Jɔɔŋ 5:8 - WƖA TENIŊ

⁸ Ba nɛ ŋaa: Wɩa Dɩŋ-zɔmʋŋ arɩ lɩɩ-la arɩ ʋ chal-la. Ba kala ka bʋl wʋbala nɛ.

1 Jɔɔŋ 5:8 ပူးပေါင်းရင်းမြစ်များ

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Maak 14:56

Nɩaa yʋga a nyɩɛ wɩaa pʋ. Ama ba bʋl nii-lɩɛrɩŋ nɛ, ba bɩ nii-bala bʋla.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 19:34

Ama laalɩyuoro-la dɔŋɔ joŋ ʋ timiŋ a tɔɔ Yesu sɛmɛ luri, ŋɩɩ nɛ chalɩŋ arɩ lɩɩŋ guu gbu lɩɩ.

Tɩntɩŋŋaa 15:15

Wɩa wʋlaabʋllaa fa sɩ bʋl wɩalɩŋ arɩ wɩɩŋ deeŋ ŋaa kʋbala nɛ, arɩ ŋɩɩ ba sɩ ŋmʋnsɛ Wɩa teniŋ tʋɔŋ

Rom Tɩŋŋaa 8:16

Wɩa Dɩŋ-zɔŋ-la arɩ la tʋɔbɩɩnaa kala yie dagɛ arɩ la ŋaa Wɩa biiriŋ nɛ.

2 Kɔrɩntɩ Nɩaa 1:22

a joŋ ʋ magɩlɩŋ hɛ la lɛ a tɩɩla. Ʋ joŋ ʋ Dɩŋ-zɔmʋŋ a hɛ la lɛ nɛ, dɩ la wuo jɩŋ arɩ maachie ʋ jaŋ joŋ kʋ-daŋ ma pɩla.

Hiburu TƖŊŊAA 13:12

Ŋɩɩ nɛ tɩɩ Yesu ma na hɛɛŋ Jerusalɛm jeeŋ harɩŋ dɩ ʋ wuo joŋ ʋ tɩtɩa chalɩŋ a pɩɩsɛ nɩaa disiniŋ ta, dɩ ba ŋaa nɩzɔmɔ Wɩa teeŋ.

Hiburu TƖŊŊAA 6:4

Dɩ Wɩa nɛ wuo suri nɩaa sɩaa dɩ ba wuo jɩŋ ʋ wɩaa, a wuo laa Wɩa zile kɩalɩŋ ma, a bɩra kɛŋ ʋ Dɩŋ-zɔmʋŋ ma,

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.