1 Jɔɔŋ 5:7 - WƖA TENIŊ

⁷ Kɩaa batori nɛ hɛ nɩmɛ a dɩdagɛ wɩɩŋ deeŋ.

1 Jɔɔŋ 5:7 ပူးပေါင်းရင်းမြစ်များ

WƖA YƖƖLAA 33:6

La Tɩɩna wʋbʋlaa lɛ nɛ wɩa-nyuŋ to a hɛ nɩmɛ. Ʋ wʋbʋlaa nɛ ŋaa kɩalɩŋ kala hɛ nɩmɛ.

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 18:16

Ama dɩ ʋ nɛ bɩ jegile nɩɩ ŋ teeŋ, kɛŋ nʋʋ dɔŋ koo nɩaa balɩa pɛ ŋ tɩtɩa lɛ dɩ ma bɩra mʋ ʋ teeŋ a bʋl wɩɩ-la ʋ sɩ ŋaa chei a wasɛ. Nɩaa balɩa koo batori nɛ maga ba pɛ na wɩɩ ka dɩ ʋ-na chɩŋ.

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Jɔɔŋ 1:1

Ka dɩ Wɩa-na ŋaa dʋnɩa, wɩɩ-la fa hɛ nɩmɛ nɛ, ʋ fa hɛ Wɩa teeŋ nɛ. Ʋ dɩ Wɩa kala fa ŋaa kʋbala nɛ.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 12:28

Mɩ Nyɩmma, leŋ dɩ nɩaa yɩrɛ ŋ yɩrɩŋ.” Ŋɩɩ nɛ nʋʋ yikoro lɩɩ wɩa-nyuŋ a bʋl, “Mɩ paala laa yɩrɩŋ nɛ. Mɩ saa jaŋ bɩra leŋ dɩ nɩaa yɩrɛ mɩ yɩrɩŋ.”

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 5:26

Mɩ Nyɩmma sɩ kɛŋ doluŋ dɩ ʋ pɩ nɩaa mɩɩsɩŋ ŋɩɩ, ŋɩɩ nɛ ʋ ŋaa mɩ ma ʋ Bie kɛŋ doluŋ dɩ mɩ pɩ nɩaa mɩɩsɩŋ.

Jɔɔŋ 8:18

Mɩ ŋaa mɩ tɩtɩa pɛ-naarʋ nɛ, mɩ Nyɩmma-la ma sɩ tɩmmɛ nɛ ŋaa mɩ pɛ-naara.”

Jɔɔŋ 8:54

Ŋɩɩ nɛ Yesu bɩra bʋla pɩba, “Dɩ mɩ nɩɩ pɩ mɩ tɩtɩa yɩrɩŋ, yɩrɩ-la ŋaa yɩrɩ-pɛɩ nɛ. Mɩ Nyɩmma nɛ nɩɩ-la sɩɩ pɩmɛ yɩrɩŋ, nɩɩ-la ma sɩ sɩ ʋ ŋaa ma Wɩa nɛ.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Tɩntɩŋŋaa 5:32

La pɛ na wɩaa deemba nɛ. Wɩa Dɩŋ-zɔmʋŋ ma, Wɩa sɩ joŋo hɛ nɩalɩŋ sɩɩ to ʋ niiŋ ma ŋaa pɛ-naaraa.”

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.

1 Jɔɔŋ 5:6

Ʋ-na Yesu Kirisito nɛ kɔ dʋnɩa ba fou Wɩɩchʋɔlɛ lɩɩŋ, a kpaasʋ mɛrɛ daagɛsɛ nyuŋ ʋ chalɩŋ jaasɛ. Ŋ-la daga arɩ lɩɩŋ dʋndʋŋa dee ba fou, ba kpaasʋ mɛrɛ daagɛsɛ nyuŋ ma nɛ ʋ chalɩŋ jaasʋ. Wɩa Dɩŋ-zɔmʋŋ bʋl wɩaa a tɩgɛ ŋɩɩ lɛ, bɛɛ wɩaa ʋ nɛ kɛŋ wʋtɩtɩɩ.

1 Jɔɔŋ 5:8

Ba nɛ ŋaa: Wɩa Dɩŋ-zɔmʋŋ arɩ lɩɩ-la arɩ ʋ chal-la. Ba kala ka bʋl wʋbala nɛ.

Jɔɔŋ Wʋnaalaa 19:13

Ʋ laalɛ gɛrɩŋ chalɩŋ sɩ mɩsa nɛ. Baa yɩrɛ nɩɩ-la yɩrɩŋ Wɩa Niiŋ Wɩaa nɛ.