1 Jɔɔŋ 5:3 - WƖA TENIŊ

³ Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,

1 Jɔɔŋ 5:3 ပူးပေါင်းရင်းမြစ်များ

2 KUOROO 18:6

Ʋ fa joŋ ʋ wʋtɩtɩɩ kala hɛ La TƖƖNA lɛ nɛ, a tuto wɩalɩŋ kala La TƖƖNA sɩ joŋo dagɛ Mosis ʋ ŋmʋnsa bil dɩ nɩaa tuto.

WƖA YƖƖLAA 119:140

Niiri-la ŋ sɩ hɛ chaasa ŋaa wʋtɩtɩɩba nɛ, mɩ-na ŋ tɩntɩnna choba.

WƖA YƖƖLAA 119:45

Mɩ jaŋ gɔllɔ ta jɩa, a tɩŋ mɩ sɩɩ to ŋ wʋdagaa wɩaa.

MOSIS KƐŊ IZIRAL TƖŊŊAA LƖƖ 20:6

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba biiriŋ arɩ ba nihee arɩ ba nihi-lɩɛrɛba a kaa mʋ wuu.

NAMAGABA 3:17

Wʋjɩmɩŋ yie leŋ ŋ wɩɩkala fɩɛla pɩŋ nɛ, ŋ wɩaa vɩvɛŋ woruŋ.

DANƖƐL 9:4

Mɩ sɩɩ sʋl mɩ TƖƖNA Wɩa ŋɩɩ, mɩ dagɛ wʋbɔmɔ-la mɩ nɩaa sɩ ŋaa a bʋl: “La TƖƖNA ŋ nɛ Wɩa sɩ yʋga a kɛŋ fawʋllʋŋ. Ŋ kɛŋ wʋtɩtɩɩ nɛ nii-la sɩ hɛ la dɩ ŋ pɛgɛ. Ŋ dagɛ ŋ chono-la sɩ bɩ dɛrɛ a pɩ nɩalɩŋ sɩ choŋ a ŋɩŋaa wɩalɩŋ ŋ sɩ daga nɛ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

Matiu 23:4

Ba yie vɔɔ chʋgʋ-yuŋŋoo nɛ a kaa chʋŋ nɩaa, ama ba tɩtɩa bɩ chɛ dɩ ba pɛ ba lɛ a laa chʋga-la.

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 15:14

Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Rom Tɩŋŋaa 7:12

Wɩalɩŋ Mosis fa sɩ bile dɩ nɩaa tuto saa bɩ disiniŋ kɛnɛ, wɩɩ-la kala sɩ hɛ wɩalɩŋ tʋɔŋ ma bɩ disiniŋ kɛnɛ. Ba kala ŋaa tʋɔpʋl wɩaa nɛ a zɔŋ.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

MOSIS BƖRA WULLI WƖA WOMBIIŊ 5:10

Ama nɩalɩŋ sɩ chomi a tuto mɩ niiriŋ, mɩ jaŋ dagɛ mɩ chonuŋ a pɩba arɩ ba doho doho bʋɩba sɩ jaŋ to ba harɩŋ kɔ.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

Hiburu TƖŊŊAA 8:10

La Tɩɩna bɩra sɩ, “Bʋa-la lɛ nii-la mɩ sɩ jaŋ bil mɩ dɩ Iziral tɩŋŋaa pɛgɛ nɛ ŋ-la: Mɩ jaŋ joŋ wombie-la mɩ sɩ bile dɩ ba tuto hɛ ba nyuŋ lɛ, aŋ ŋmʋnsɛba hɛ ba tʋɔŋ ma lɛ. Mɩ jaŋ ŋaa ba Wɩa, dɩ ba ma ŋaa mɩ nɩaa.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

2 Jɔɔŋ 1:6

Dɩ la nɩɩ to wɩalɩŋ Wɩa sɩ daga, la sɛnɛ cho Wɩa arɩ nɩaa nɛ. Wɩɩ-la Wɩa fa sɩ bʋla pɩla bumbuŋ kala nɛ ŋ-la: dɩ la cho dɔŋɔ.