1 Jɔɔŋ 5:18 - WƖA TENIŊ

¹⁸ La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:18 ပူးပေါင်းရင်းမြစ်များ

WƖA YƖƖLAA 119:101

Mɩ lɩɩsɛ mɩ tɩtɩa wʋbɔŋ kala wombiiŋ lɛ nɛ, bɛɛ wɩaa mɩɩ chɛ mɩ to ŋ niiŋ nɛ.

WƖA YƖƖLAA 119:3

Ba bɩ wʋbɔŋ ka ŋaa, baa to La Tɩɩna wombiee nɛ.

WƖA YƖƖLAA 17:4

Mɩ bɩ wɩalɩŋ nɩbɔŋŋɔɔ sɩɩ ŋaa ka to, ama wɩalɩŋ ŋ sɩ daga nɛ mɩ tuto. Mɩ bɩ yuo-hɛɛrʋ ŋaa.

WƖA YƖƖLAA 18:23

Mɩ bɩ wʋcheeli kɛnɛ ŋ sɩpaaŋ. Mɩ kɛŋ mɩ tɩtɩa nɛ dɩ mɩ sɩ́ wʋbɔŋ kala ŋaa.

WƖA YƖƖLAA 39:1

Mɩ sɩ, “Mɩ jaŋ kɛŋ mɩ tɩtɩa woruŋ a sɩ́ wɩaa bʋla laa cheeriŋ. Mɩ jaŋ tɔrɛ mɩ niiŋ dɩ mɩ nɛ hɛ nɩbɔŋŋɔɔ tʋɔŋ.”

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

LEVI DOHO NƖAA 11:37

Dɩ kɩalɩŋ sɩ kɛŋ disiniŋ kʋŋ nɛ sʋʋ hɛ ma kʋdoho lɛ ma, ba bɩ jaŋ kɛŋ disiniŋ.

Matiu 5:37

Ama ma-na yaa bʋl, ‘Oo’ koo ‘Aɩ’ dʋndʋŋa, a lɩɩ ŋɩɩ harɩŋ, dɩ ma bɩra bʋl wʋbɔŋ ʋ lɩɩ Sɩtaanɩ nɛ.

Matiu 6:13

Sɩ́ leŋe dɩ wɩɩkala kɛnla hɛ wʋbɔmʋŋ lɛ, ama lɩɩsɛla wʋbɔŋŋɔɔ lɛ [bɛɛ wɩaa kuorii-la arɩ doluŋ arɩ yɩrɩ-la ŋaa ŋ kɩaa nɛ, lɛɛlɛ a kaa mʋ deeŋ deeŋ. Amɩɩ].’

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 15:4

Má mɛrɛ mɩ lɛ dɩ mɩ ma mɛrɛ ma lɛ. Tɩa naakelee dʋndʋŋa bɩ jaŋ wuo nɛŋ, see dɩ ba mɛrɛ tɩa gentine lɛ. Ma ma bɩ jaŋ wuo ŋaa wɩɩkala, see dɩ ma mɛrɛ mɩ lɛ.”

Jɔɔŋ 15:7

Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 15:9

Mɩ choma arɩ mɩ Nyɩmma sɩ chomi ŋɩɩ nɛ. Ŋɩɩ wɩaa, má mɛrɛ mɩ lɛ dɩ mɩ choma a kaa mʋ wuu.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

1 Pɩɩta 1:23

Ʋ naga ba wasa lʋlma nɛ a tɩŋ Wɩa niiŋ wɩaa sɩɩ pɩ nɩaa mɩɩsɩŋ. Ba nɛ pɩma mɩɩ-falɩŋ. Ba bɩ jaŋ pʋa, ba jaŋ hɛ nɩmɛ a kaa mʋ wuu. Ʋ bɩ nagɛ nuhuobiine sɩɩ sʋʋ nɛ pɩma mɩɩsɩŋ deeŋ. Ama Wɩa sɩ bɩ sʋʋ nɛ pɩma.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.

1 Jɔɔŋ 4:6

Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 Jɔɔŋ 5:15

Dɩ la nɛ saa jɩma arɩ la nɛ sʋl kʋŋkala ʋ teeŋ, ʋ yie jegile nɩɩ la teeŋ nɛ, ŋɩɩ-na la jɩma arɩ ʋ jaŋ joŋ kʋ-la la sɩɩ chɛ pɩla.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 Jɔɔŋ 5:21

Mɩ biiri, má lɩɩsɛ ma tɩtɩa vʋɩyaa lɛ.

1 Jɔɔŋ 5:4

bɛɛ wɩaa Wɩa bii kala kɛŋ doluŋ nɛ dʋnɩa wɩaa lɛ. La sɩ laa Wɩa dii nɛ pɩla doluŋ deeŋ la yuo dii dʋnɩa wɩaa.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.

Juud 1:24

Má leŋ la zizil Wɩa. Ʋ nɛ kɛŋ doluŋ, ʋ jaŋ wuo pɛ ma lɛ dɩ ma sɩ́ wʋbɔŋŋɔɔ ŋaa, a pɛ ma lɛ dɩ ma sɩ́ wʋcheeli kala kɛŋ ʋ sɩpaaŋ, a kɛŋ tʋɔtɔrʋŋ woruŋ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.