1 Jɔɔŋ 5:16 - WƖA TENIŊ

¹⁶ Dɩ nʋʋkala nɛ na ʋ dɔŋɔ tɩɩna dɩ ʋ ŋaa wʋbɔŋ sɩ bɩ jaŋ leŋ dɩ ʋ sʋʋ, ʋ maga dɩ tɩɩna sʋl Wɩa pʋ nɛ dɩ Wɩa joŋ ʋ mɩɩsɩŋ chɛʋ. Mɩ bʋl ŋ-la a tɩgɛ nɩalɩŋ sɩ ŋaa wʋbɔmɔ-la lɛ sɩ bɩ maga dɩ ba sʋʋ lɛ nɛ a tɩŋ ba wʋbɔmɔ-la wɩaa. Wʋbɔŋŋɔɔ dɔnsʋŋ hɛ nɩmɛ, dɩ nʋʋ nɛ ŋaaba, ʋ tɩɩna jaŋ sʋʋ. Dɩ nʋʋ nɛ saa ŋaa wʋbɔŋŋɔɔ deemba, mɩ bɩ sɩ dɩ ma sʋl Wɩa dɩ ʋ joŋ ʋ mɩɩsɩŋ chɛʋ.

1 Jɔɔŋ 5:16 ပူးပေါင်းရင်းမြစ်များ

WƖAA DƖ-SUOMUŊ 20:17

Ŋɩɩ nɛ Abɩraham sʋl Wɩa pɩ Abɩmɛlɛk arɩ ʋ haala arɩ ba yoŋ toloo kala ba lʋla suri ba lʋlʋl biiriŋ.

WƖAA DƖ-SUOMUŊ 20:7

Ŋɩɩ wɩaa joŋ haal-la pɩ ʋ bala, ʋ ŋaa mɩ wʋlaabʋllʋ nɛ. Ʋ jaŋ sʋlmɛ pɩŋ dɩ ŋ sɩ́ sʋʋ. Ama dɩ ŋ nɛ vɩa, jɩŋ ma dɩ ŋ nɩaa kala jaŋ sʋʋ.”

WƖA YƖƖLAA 106:23

Ŋ sɩ na baanɩŋ ŋ nɩaa nyuŋ a chɩchɛ ŋ cheiba, ŋ tɩntɩnna Mosis, nɩɩ-la ŋ sɩ lɩɩsa ʋ ŋaa ba sɩpaa-laarʋ, ʋ nɛ sii chɩŋ ŋ sɩpaaŋ a sʋlʋŋ, dɩ ŋ sɩ́ ba chei.

MOSIS KƐŊ IZIRAL TƖŊŊAA LƖƖ 34:9

Ʋ sɩ, “Ou mɩ Tɩɩna, dɩ ŋ tʋɔŋ nɛ tɔrɛ mɩ nyuŋ, mɩɩ sʋlʋŋ laa la sɩpaaŋ a kɛnla mʋ. Nɩalɩŋ ŋaa tʋɔ-dol tɩmma nɛ. Ama joŋ la wʋbɔŋŋɔɔ arɩ la wʋcheelee chɛla, aŋ jonla dɩ la ŋaa ŋ nɩaa.”

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 14:11

Ŋɩɩ nɛ La TƖƖNA bɩra bʋla pɩmɛ, “Sɩ́ mɩ sʋla chɩchɛ dɩ wɩaa vɛŋ woruŋ a pɩ nɩaa deemba.

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

NAMBABA 12:13

Ŋɩɩ nɛ Mosis bunso pɩ La TƖƖNA a bʋl, “Ou, mɩ Tɩɩna Wɩa, mɩɩ sʋlʋŋ vaarɛ Mɩrɩam.”

NAMBABA 15:30

Dɩ Iziral tɩɩna koo dɩ nʋhʋɔra-la kʋŋ nɛ sɛnɛ aŋ chei wɩalɩŋ kʋŋ, ʋ chei mɩ-na ma TƖƖNA yɩrɩŋ nɛ. Ʋ maga dɩ ma keri tɩɩna ta ʋ nɩaa tʋɔŋ,

Luuk 12:10

Nɩɩ-la kala sɩ bʋl wʋbɔŋŋɔɔ a mʋ tɩgɛ mɩ-na Nuhuobiine Bie lɛ, Wɩa jaŋ joŋo chɛʋ, ama nɩɩ-la kala sɩ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛ ʋ tɩɩna.

Jɔɔŋ 17:9

Mɩ sʋlʋŋ pɩpɩba nɛ. Mɩ bɩŋ sʋla pɩpɩ dʋnɩa nɩaa, see nɩalɩŋ ŋ sɩ lɩɩsa pɩmɛ dʋndʋŋa. Ba nɛ ŋaa ŋ kɩaa.

2 Timoti 4:14

Libiru kʋbala ba sɩɩ yɩrɛ Alɛkɩzanda dɔgɩsɛmɛ nɛ woruŋ. Ʋ sɩ ŋaamɛ ŋɩɩ, Wɩa jaŋ fɩsɛ ʋ puruŋ.

1 Jɔɔŋ 5:17

Wɩɩ na-kala ŋ sɩ ŋaa chei ŋaa wʋbɔŋ nɛ, ama wʋbɔŋŋɔɔ dɔnsʋŋ hɛ nɩmɛ, dɩ ŋ nɛ ŋaaba, ŋ bɩ jaŋ sʋʋ a tɩŋ ba wɩaa.

1 SAMƲƐL 12:19

Ba kala bʋla pɩ Samʋɛl, “Laa sʋlʋŋ, sʋl ŋ TƖƖNA Wɩa a pɩ la-na ŋ tɩntɩnnaa dɩ la sɩ́ sʋʋ, bɛɛ wɩaa la na dɩ la ŋaa wʋbɔŋ nɛ a pɛ la wʋbɔŋŋɔɔ lɛ, la sɩ bʋla arɩ laa chɛ kuoro nɛ.”

1 SAMƲƐL 2:25

Dɩ nʋʋ nɛ ŋaa wʋbɔŋ ʋ dɔŋɔ lɛ, Wɩa jaŋ wuo jʋʋ ma balɩa pɛgɛ a kɛmma hɛ dɔŋɔ, ama dɩ nʋʋ nɛ ŋaa wɩaa chei La TƖƖNA teeŋ, kʋbɛɛ ma nɛ saa bɩra jaŋ jʋʋ ma pɛgɛ a kɛmma hɛ dɔŋɔ?” Ama ʋ hambolibiisi-la bɩ jegile nɩɩ ŋɩɩ ʋ sɩ kpʋrɩsɛ ba dɩgɩlaa, bɛɛ wɩaa La TƖƖNA paala kɛŋ ʋ tɩtɩa hɛ dɔŋɔ nɛ dɩ ʋ kpʋba.