1 Jɔɔŋ 5:11 - WƖA TENIŊ

¹¹ Wɩɩ-la Wɩa sɩ bʋla nɛ ŋ-la: dɩ ʋ pɩla mɩɩsɩ-la sɩ bɩ dɛrɛ nɛ. Mɩɩsɩ-la hɛ ʋ Bie teeŋ nɛ.

1 Jɔɔŋ 5:11 ပူးပေါင်းရင်းမြစ်များ

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Jɔɔŋ 1:19

Juu tɩŋŋaa fa sɩ hɛ Jerusalɛm lɛ tɩŋ Wɩɩsʋllɩ sɩpaalaaraa arɩ Levi doho nɩaa, ba kɔ Jɔɔŋ teeŋ a pɩɛsʋ, “Kʋbɛɛ nɛ ŋ ŋaa?”

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 12:50

Mɩ jɩma arɩ wɩalɩŋ ʋ sɩɩ dagʋ jaŋ pɩ nɩalɩŋ sɩɩ toba mɩɩsɩ-la sɩ bɩ dɛrɛ. Ŋɩɩ wɩaa, wɩalɩŋ kala mɩ sɩɩ bʋl, mɩ Nyɩmma nɛ dagɛmɛ.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 19:35

Mɩ-na Jɔɔŋ nɛ na wɩaa deemba arɩ mɩ sɩɩŋ aa bʋlba arɩ ba ŋaa wʋtɩtɩɩ nɛ. Mɩ bʋl wɩaa deemba pɩpɩma dɩ ma ma wuo laa dii.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 4:36

Nɩalɩŋ kala sɩ ŋaa kɩalɩŋ hɛ dɔŋɔ lɛ, ba jaŋ laa ba time. Kɩalɩŋ ma ma sɩ ŋaa hɛ dɔŋɔ lɛ, ba ma nɛ ŋaa nɩalɩŋ sɩ laa mɩ wɩaa dii. Ba nɛ jaŋ kɛŋ mɩɩsɩ-la sɩ bɩ dɛrɛ. Ŋɩɩ wɩaa, nɩalɩŋ sɩ kɛsɛ nɩalɩŋ sɩ laa mɩ wɩaa dii arɩ nɩalɩŋ sɩ bʋl Wɩa wɩaa pɩpɩ nɩaa, ba kala tʋɔŋ jaŋ tɔrɛ.

Jɔɔŋ 4:4

Ʋ sɩɩ mʋ Galilii ŋɩɩ, ʋ to Samarɩa tinteeŋ

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 5:26

Mɩ Nyɩmma sɩ kɛŋ doluŋ dɩ ʋ pɩ nɩaa mɩɩsɩŋ ŋɩɩ, ŋɩɩ nɛ ʋ ŋaa mɩ ma ʋ Bie kɛŋ doluŋ dɩ mɩ pɩ nɩaa mɩɩsɩŋ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Timoti 1:16

Ama ŋɩɩ wɩaa nɛ tɩɩ Wɩa fá mɩ-na Pɔɔl sɩ chaasa ŋaa wʋbɔŋŋɔɔ a kɩɩ nʋʋkala nenige. Ʋ ŋaa ŋɩɩ dɩ Kirisito Yesu wuo tomi lɛ a dagɛ nɩaa ŋɩɩ ʋ sɩ kɛŋ kenyiri, dɩ ba ma wuo laa ʋ wɩaa dii, a kɛŋ mɩɩsɩ-la sɩ bɩ dɛrɛ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

1 Jɔɔŋ 4:9

Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

1 Jɔɔŋ 5:10

Nɩɩ-la kala sɩ laa Wɩa Bie wɩaa dii, ʋ tɩɩna jɩma ʋ tʋɔŋ lɛ arɩ wɩalɩŋ Wɩa sɩ bʋla a tɩgɛ ʋ lɛ ŋaa wʋtɩtɩɩ nɛ. Ama nɩɩ-la kala sɩ bɩ Wɩa laa dii, ʋ kɛŋ Wɩa yɩyɩrɛ wʋnyɩɛrʋ nɛ, bɛɛ wɩaa ʋ bɩ wɩɩ-la ʋ sɩ bʋla a tɩgɛ ʋ Bie lɛ laa dii.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

1 Jɔɔŋ 5:7

Kɩaa batori nɛ hɛ nɩmɛ a dɩdagɛ wɩɩŋ deeŋ.

3 Jɔɔŋ 1:12

Baal-la ma ba sɩɩ yɩrɛ Dɛmɩɩtɩas ŋaa nɩzɔŋ nɛ. Nʋʋkala bʋbʋl ʋ wɩaa woruŋ. Ʋ wʋŋaalaa ma tɩtɩa dagɛ ŋɩɩ ʋ sɩɩ to wʋtɩtɩɩ lɛ. La maa bʋl ʋ wʋzɔŋŋɔɔ wɩaa nɛ. Ma jɩma arɩ wɩalɩŋ kala mɩ sɩɩ bʋl ŋaa wʋtɩtɩɩ nɛ.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,