1 Jɔɔŋ 4:9 - WƖA TENIŊ

⁹ Ŋ-la nɛ Wɩa dagɛla arɩ ʋ chola nɛ: Ʋ joŋ ʋ Bii-bala dɩ ʋ kʋ tuu dʋnɩa, dɩ la to ʋ lɛ a kɛŋ mɩɩsɩ-la sɩ bɩ dɛrɛ.

1 Jɔɔŋ 4:9 ပူးပေါင်းရင်းမြစ်များ

WƖAA DƖ-SUOMUŊ 22:2

Ŋɩɩ nɛ Wɩa bʋl, “Kɛŋ Aɩzɩk ŋ bii-bala-la ŋ sɩ cho, a mʋ lee-la ba sɩɩ yɩrɛ Moria. Kpʋʋ peel-la nyuŋ mɩ sɩ jaŋ dagɩŋ a ŋaa kʋnyɩgaa Wɩɩsʋlʋŋ pɩmɛ.”

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

Maak 12:6

Nɩɩ-la sɩ ka, ʋ bii-chooluŋ nɛ ŋɩɩ. Ŋɩɩ harɩŋ lɛ nɛ ʋ tɩmʋ. Ʋ bɩɩna dɩ ʋ bile nɛ mʋa, ba jaŋ zilu. Ʋ ma bɩra mʋ.

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Jɔɔŋ 10:10

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 3:18

Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 6:29

Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

Jɔɔŋ 8:29

Nɩɩ-la ma sɩ tɩmmɛ hɛ mɩ teeŋ nɛ, ʋ bɩ mɩ dʋndʋŋa leŋe, bɛɛ wɩaa mɩ yie ŋaa wɩalɩŋ sɩɩ tɔrɛ ʋ tʋɔŋ nɛ.”

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Jɔɔŋ 9:3

Ŋɩɩ nɛ Yesu bʋla pɩba, “Baal-la nyʋlʋmʋŋ bɩ ʋ tɩtɩa lɛ koo ʋ nyɩmma arɩ ʋ naaŋ wʋbɔŋŋɔɔ lɛ lɩa. Ʋ nyʋlɩma dɩ nɩaa wuo na ŋɩɩ Wɩa dol-la sɩ wuo tɩŋ tɩntɩŋŋaa ʋ lɛ nɛ.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

Hiburu TƖŊŊAA 1:5

Wɩalɩŋ Wɩa sɩ bʋla a tɩgɛ ʋ lɛ nɛ ŋ-la: “Ŋ ŋaa mɩ Bii nɛ, mɩ nɛ lʋlʋŋ jɩnɩŋ.” Ʋ saa bɩra bʋla a tɩgɛ ʋ lɛ: “Mɩ jaŋ ŋaa ŋ Nyɩmma, ŋ ma jaŋ ŋaa mɩ Bii.” Wɩa tɩndaarɩ bɛɛ lɛ nɛ Wɩa ha bʋl wɩɩŋ deeŋ?

1 Jɔɔŋ 3:16

Kirisito joŋ ʋ mɩɩsɩŋ yɔɔ sʋʋŋ la wɩaa nɛ, a dagɛ ŋɩɩ ʋ sɩ faasa chola. La ma saa maga dɩ la cho la dɔnsʋŋ tɩŋŋaa ŋɩɩ nɛ a joŋ la mɩɩsɩŋ a yɔɔ sʋʋŋ ba wɩaa.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

1 Jɔɔŋ 4:16

Ŋɩɩ nɛ la tɩtɩa jɩŋ a laa dii arɩ Wɩa chola nɛ. Chonuŋ ŋaa Wɩa kʋŋ nɛ. Nɩɩ-la kala sɩ cho Wɩa arɩ nɩaa a kaa mʋ, ʋ tɩɩna hɛ Wɩa teeŋ nɛ a kaa mʋ. Wɩa ma hɛ ʋ tɩɩna teeŋ a kaa mʋ.

1 Jɔɔŋ 5:11

Wɩɩ-la Wɩa sɩ bʋla nɛ ŋ-la: dɩ ʋ pɩla mɩɩsɩ-la sɩ bɩ dɛrɛ nɛ. Mɩɩsɩ-la hɛ ʋ Bie teeŋ nɛ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.