1 Jɔɔŋ 4:8 - WƖA TENIŊ

⁸ Nɩɩ-la ma kala sɩ bɩ nɩaa cho, ʋ bɩ Wɩa jɩŋ, bɛɛ wɩaa chonuŋ ŋaa Wɩa kʋŋ nɛ.

1 Jɔɔŋ 4:8 ပူးပေါင်းရင်းမြစ်များ

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

2 Kɔrɩntɩ Nɩaa 13:11

Mɩ naambiiriŋ, mɩ teniŋ dɩdɛrɩŋ nɛ ŋ-la. Maa ŋaa wɩalɩŋ sɩ jaŋ leŋ dɩ ma chaasa ŋaa nɩzɔmɔ. Má jegile nɩɩ wɩalɩŋ mɩ sɩɩ chɛ mɩ bʋla pɩma, má kɛŋ nii-bala a ŋaa sɩma. Dɩ ma nɛ ŋaa ŋɩɩ, Wɩa sɩ cho nɩaa jaŋ hɛ ma teeŋ a leŋ dɩ ma hɔŋ arɩ yarɩfɩɛlaa.

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Hiburu TƖŊŊAA 12:29

bɛɛ wɩaa Wɩa nagɛ nyiŋgeliŋ nɛ a didii kɩaa.

1 Jɔɔŋ 1:5

Wɩalɩŋ Wɩa Bie sɩ dagɛla a tɩgɛ Wɩa lɛ, ba nɛ ŋ-la: Wɩa nɛ pʋlʋmʋŋ, birimiŋ mʋa ma tuo ʋ lɛ.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 2:9

Nɩɩ-la kala sɩ sɩ ʋʋ vɛŋ pʋlʋmʋŋ tʋɔŋ aŋ bɛrɛ ʋ dɔŋɔ tɩɩna, ʋ ha hɛ birimiŋ tʋɔŋ nɛ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:6

Dɩ nʋʋ arɩ Kirisito nɛ ŋaa kʋbala, ʋ tɩɩna bɩ wʋbɔŋŋɔɔ ka ŋaa. Ama nɩɩ-la kala ha sɩɩ ŋaa wʋbɔŋŋɔɔ, ʋ tɩɩna bɩ Kirisito jɩŋ. Ʋ sɩaa ma ha bɩ ʋ nyuŋ pollo.

1 Jɔɔŋ 4:16

Ŋɩɩ nɛ la tɩtɩa jɩŋ a laa dii arɩ Wɩa chola nɛ. Chonuŋ ŋaa Wɩa kʋŋ nɛ. Nɩɩ-la kala sɩ cho Wɩa arɩ nɩaa a kaa mʋ, ʋ tɩɩna hɛ Wɩa teeŋ nɛ a kaa mʋ. Wɩa ma hɛ ʋ tɩɩna teeŋ a kaa mʋ.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.