1 Jɔɔŋ 4:7 - WƖA TENIŊ

⁷ Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.

1 Jɔɔŋ 4:7 ပူးပေါင်းရင်းမြစ်များ

Jɔɔŋ 13:34

Nii-falɩɩ nɛ mɩ bilee pɩma. Ʋ nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Galiisia Nɩaa 4:9

Ama lɛɛlɛ ma sɩ jɩŋ Wɩa ŋɩɩ, koo mɩ jaŋ bʋl Wɩa sɩ jɩmma ŋɩɩ, bɛɛ nɛ saa tɩɩ ma cho dɩ ma mɩɩrɛ harɩŋ a mʋ tuto dʋnɩa wʋkɛnɛɛ, wɩalɩŋ sɩ bɩ doluŋ kɛnɛ dɩ ba laama ta? Bɛɛ nɛ tɩɩ ma saa cho dɩ ma bɩra tutoba a bɩrɩmɛ ba yosuŋ?

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

MOSIS BƖRA WULLI WƖA WOMBIIŊ 30:6

Ma TƖƖNA Wɩa jaŋ suri ma dɩ ma doho nɩaa kala tʋɔŋ, dɩ ŋɩɩ leŋ dɩ ma chou arɩ ma tʋɔŋ arɩ ma wɩɩ-wɩɩkala a wuo kɛŋ mɩɩsɩŋ.

2 Timoti 1:7

Wɩa bɩ ʋ Dɩŋ-zɔmʋŋ joŋo hɛ la lɛ dɩ la fɩfá fawʋllʋŋ, ama dɩ ʋ pɛ la lɛ dɩ la wuo kɛŋ doluŋ la mɩɩsɩŋ lɛ, a cho nɩaa, a jɩŋ la tɩtɩa kɛnɩŋ woruŋ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Jɔɔŋ 2:10

Ama nɩɩ-la kala sɩ cho ʋ dɔŋɔ tɩɩna, ʋʋ vɛŋ pʋlʋmʋŋ tʋɔŋ nɛ. Wɩɩkala bɩra tuo sɩ jaŋ ŋaa dɩ ʋ tel.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 2:7

Mɩ bii-chooloo, wɩɩ-la mɩ sɩ ŋmʋnsaa pɩma lɛɛlɛ, ʋ bɩ wʋfalɩɩ kala ŋaa, ʋ ŋaa wʋbɩnɩɩ nɛ ma sɩ nɩa bumbuŋ kala. Wʋbɩnɩɩ-la nɛ wɩalɩŋ ma sɩ nɩa faafaa kala.

1 Jɔɔŋ 3:9

Nɩɩ-la kala sɩ ŋaa Wɩa bii, ʋ tɩɩna bɩ wʋbɔŋŋɔɔ ŋaa, bɛɛ wɩaa Wɩa nagɩsɩŋ hɛ ʋ lɛ nɛ. Ʋ bɩ jaŋ wuo vɩa aŋ ha ŋɩŋaa wʋbɔŋŋɔɔ, bɛɛ wɩaa ʋ ŋaa Wɩa bii nɛ.

1 Jɔɔŋ 4:11

Mɩ bii-chooloo, Wɩa sɩ chola ŋɩɩ, ʋ maga dɩ la ma cho dɔŋɔ.

1 Jɔɔŋ 4:12

Nʋʋkala ha bɩ Wɩa na. Dɩ la nɛ cho dɔŋɔ, Wɩa hɛ la teeŋ nɛ a kaa mʋ. Dɩ ʋ nɛ hɛ la teeŋ ŋɩɩ, la jaŋ cho Wɩa arɩ la dɔnsʋŋ tɩŋŋaa kɩŋkɛŋ.

1 Jɔɔŋ 4:16

Ŋɩɩ nɛ la tɩtɩa jɩŋ a laa dii arɩ Wɩa chola nɛ. Chonuŋ ŋaa Wɩa kʋŋ nɛ. Nɩɩ-la kala sɩ cho Wɩa arɩ nɩaa a kaa mʋ, ʋ tɩɩna hɛ Wɩa teeŋ nɛ a kaa mʋ. Wɩa ma hɛ ʋ tɩɩna teeŋ a kaa mʋ.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.

1 Jɔɔŋ 4:8

Nɩɩ-la ma kala sɩ bɩ nɩaa cho, ʋ bɩ Wɩa jɩŋ, bɛɛ wɩaa chonuŋ ŋaa Wɩa kʋŋ nɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

2 Jɔɔŋ 1:5

Haal, mɩɩ sʋlʋŋ dɩ ŋ to wɩɩ-la dɔŋɔ Wɩa fa sɩ bʋla pɩla bumbuŋ kala. Ʋ bɩ wʋfalɩɩ ŋaa. Ʋ nɛ ŋ-la: Ʋ maga dɩ la cho dɔŋɔ.