1 Jɔɔŋ 4:6 - WƖA TENIŊ

⁶ Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

1 Jɔɔŋ 4:6 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 18:21

Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

AZAAYA 29:10

La TƖƖNA ŋaa ma pɩŋ doŋ nɛ a yuo naaŋ. Ʋ tɔ ma Wɩa wʋlaabʋllaa sɩaa nɛ arɩ nɩalɩŋ sɩɩ na wɩaa arɩ duosoo tʋɔŋ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

HOSIA 4:12

bɩ wɩaa sɩaa jɩŋ. Ba yie pɩɛsɛ tɔmʋŋ ba sɩ kɛŋ daaŋ saa dɩ ʋ dagɛba wɩaa. Ba wʋlɩɩlɩŋ ŋaanɩŋ kɛmba yeŋŋi nɛ. Ba bɩ wʋtɩtɩɩ kɛnɛ mɩ-na ba Wɩa teeŋ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

MƖKA 3:8

Ama mɩ-na Mɩka, La TƖƖNA joŋ ʋ Dɩma hɛ mɩ lɛ nɛ mɩ kɛŋ doluŋ, a jɩŋ wɩalɩŋ sɩ maga dɩ nɩaa ŋaa a kɛŋ bɔɩ-duoŋ dɩ mɩ dagɛ Iziral tɩŋŋaa wʋbɔŋŋɔɔ pɩba.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 10:3

Pie-dɩa bibenne yie suri pie-dɩa boiŋ niiŋ nɛ a pʋ. Piese-la ma jɩŋ ʋ yikoro. Ʋ yie yɩyɩrɛba kʋbala kʋbala, a laa ba sɩpaaŋ a kɛmba lɩɩ.

Jɔɔŋ 13:20

Wʋtɩtɩɩ nɛ mɩ bʋlaa pɩma, nɩɩ-la kala sɩ kɛŋ nɩɩ-la mɩ sɩ tɩma woruŋ, ʋ tɩɩna kɛŋ mɩ ma woruŋ nɛ. Nɩɩ-la ma kala sɩ kɛmmɛ woruŋ, ʋ kɛŋ nɩɩ-la sɩ tɩmmɛ ma woruŋ nɛ.”

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 15:26

Ama mɩ jaŋ leŋ dɩ Wɩa Dɩŋ-zɔmʋŋ lɩɩ mɩ Nyɩmma teeŋ a kʋ tuu hɛ ma lɛ. Ʋ jaŋ pɛ ma lɛ a dagɛma wʋtɩtɩɩ. Ʋ nɛ jaŋ bʋl mɩ wɩaa pɩma.

Jɔɔŋ 16:13

Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

Jɔɔŋ 18:37

Ŋɩɩ nɛ Paalɩt pɩɛsʋ, “Ŋ saa ŋaa kuoru nɛ koo?” Ŋɩɩ nɛ Yesu bʋl, “Wɩɩ-la ŋ sɩ bʋla ŋaa wʋtɩtɩɩ nɛ. Ba paala lʋlmɛ dɩ mɩ ŋaa kuoru nɛ. Mɩ kʋ tuu dʋnɩa dɩ mɩ dagɛ nɩaa dɩ ba jɩŋ wʋtɩtɩɩ nɛ. Nɩɩ-la kala sɩ cho dɩ ʋ jɩŋ wʋtɩtɩɩ yie jegile nɩɩ mɩ teeŋ nɛ.”

Jɔɔŋ 20:21

Ŋɩɩ nɛ Yesu bɩra bʋla pɩba, “Ma jaŋ hɔŋ arɩ fɩɛlɩŋ. Mɩ Nyɩmma sɩ tɩmmɛ ŋɩɩ, ŋɩɩ tɩtɩa nɛ mɩ maa timma.”

Jɔɔŋ 8:19

Ŋɩɩ nɛ ba pɩɛsʋ, “Nɩɩ nɛ ŋ nyɩmma hɛ?” Yesu bʋl, “Ma bɩ mɩ jɩŋ, ŋɩɩ wɩaa ma bɩ mɩ Nyɩmma ma jɩŋ. Dɩ ma nɛ fa jɩmmɛ, ma fa jaŋ jɩŋ mɩ Nyɩmma ma.”

Jɔɔŋ 8:23

Ŋɩɩ nɛ Yesu bɩra bʋla pɩba, “Ma lɩɩ dʋnɩa deeŋ nɛ, ka mɩ ma lɩɩ Wɩa-jaŋ. Ma lɩɩ dʋnɩa nɛ, aŋ ka mɩ ma bɩ dʋnɩa lɩa.

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

Rom Tɩŋŋaa 11:8

Ba bʋl ŋɩɩ nɛ Wɩa teniŋ tʋɔŋ a bʋl, “Wɩa leŋe ba sɩaa chʋʋlɛ nɛ. Ba bɩ kʋŋkala ka na, ba bɩ wɩɩkala maa nɩɩ a kaa kɔ arɩ jɩnɩŋ.”

1 Kɔrɩntɩ Nɩaa 14:37

Dɩ nʋʋ nɛ bɩɩna arɩ ʋ ŋaa Wɩa wʋlaabʋllʋ nɛ koo dɩ ʋ kɛŋ kɩalɩŋ Wɩa Dɩŋ-zɔŋ-la sɩ joŋo dii zile la lɛ, ʋ maga dɩ ʋ tɩɩna jɩŋ arɩ wɩɩŋ deeŋ mɩ sɩɩ bʋl lɩɩ Wɩa teeŋ nɛ.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

1 Timoti 4:1

Wɩa Dɩŋ-zɔmʋŋ paala chaasa bʋl arɩ dʋnɩa dɩdɛrɩŋ deeŋ lɛ la sɩ hɛ, nɩaa dɔnsʋŋ jaŋ joŋ wɩalɩŋ ba sɩ laa dii ta. Ba jaŋ tuto jɩŋ-bɔŋŋɔɔ harɩŋ a nyɩsɛ nɩaa aa dagɛba Sɩtaanɩ wombiiŋ.

2 Pɩɩta 3:2

Mɩ bʋl wɩaa deemba dɩ ma liliisi wɩalɩŋ Wɩa wʋlaabʋlla-la fa sɩ bʋla faafaa, dɩ ma sɩ́ ba yʋ. Má pɛ liliisi wɩalɩŋ La Tɩɩna Yesu fa sɩ to ma nanzɔɔba lɛ a bʋla pɩma. Ʋ nɛ la Laataara.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 4:8

Nɩɩ-la ma kala sɩ bɩ nɩaa cho, ʋ bɩ Wɩa jɩŋ, bɛɛ wɩaa chonuŋ ŋaa Wɩa kʋŋ nɛ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

Juud 1:17

Ama mɩ nandɔŋ-chooloo, má liliisi wɩalɩŋ La Tɩɩna Yesu Kirisito nanzɔɔba sɩ bʋla pɩma arɩ ba jaŋ kʋ ŋaa.