1 Jɔɔŋ 4:2 - WƖA TENIŊ

² Ŋ-la lɛ nɛ ma jaŋ to a wuo jɩŋ dɩ nʋʋ nɛ kɛŋ Wɩa Dɩŋ-zɔmʋŋ doluŋ: Nɩɩ-la kala sɩ laa Yesu wɩaa dii a sɛɩ dɩ ʋ nɛ ŋaa Kirisito, nɩɩ-la Wɩa sɩ lɩɩsa, a bɩra sɛɩ dɩ ʋ kʋ ŋaa nuhuobiiŋ nɛ a kʋ tuu dʋnɩa, ʋ tɩɩna nɛ sɛnɛ kɛŋ Wɩa Dɩŋ-zɔmʋŋ doluŋ.

1 Jɔɔŋ 4:2 ပူးပေါင်းရင်းမြစ်များ

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

1 Kɔrɩntɩ Nɩaa 12:3

Mɩɩ chɛ dɩ ma jɩŋ arɩ dɩ nʋʋ nɛ kɛŋ Wɩa Dɩŋ-zɔmʋŋ, ʋ bɩ jaŋ wuo bʋl wʋbɔŋ a tɩgɛ Yesu lɛ. Nʋʋkala bɩ jaŋ wuo bʋl dɩ Yesu nɛ ŋaa La Tɩɩna, see dɩ Wɩa Dɩŋ-zɔmʋŋ hɛ ʋ lɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Jɔɔŋ 1:2

Wɩɩ-la sɩ kʋ ŋaa nuhuobiine, la naʋ nɛ a laaʋ dii, a bʋl ʋ wɩaa pɩpɩma. Wɩɩ-la nɛ ŋ-la: Mɩɩsɩ-la sɩ bɩ dɛrɛ, ʋ fa hɛ la Nyɩmma teeŋ nɛ a kʋ lɩɩ la teeŋ la naʋ. Yesu Kirisito nɛ ŋɩɩ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 4:15

Nʋʋkala sɩ wuo bʋl arɩ Yesu nɛ ŋaa Wɩa Bie, Wɩa hɛ tɩɩna teeŋ nɛ a kaa mʋ. Ʋ tɩɩna ma hɛ Wɩa teeŋ nɛ a kaa mʋ.

1 Jɔɔŋ 4:3

Nɩɩ-la kala sɩ bɩ ŋɩɩ bʋla a tɩgɛ Yesu lɛ, ʋ bɩ Wɩa Dɩŋ-zɔmʋŋ doluŋ kɛnɛ. Dol-la ʋ tɩɩna sɩ kɛnɛ ŋaa Kirisito dʋndɔŋ-balɩŋ doluŋ nɛ. Ma nɩa arɩ Kirisito dʋndɔŋ-balɩŋ deeŋ jaŋ kɔ dʋnɩa. Ʋ doluŋ nɛ saa paala hɛ dʋnɩa lɛ lɛɛlɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.