1 Jɔɔŋ 4:19 - WƖA TENIŊ

¹⁹ Wɩa nɛ laa sɩpaaŋ chola. Ŋɩɩ nɛ tɩɩ la ma wuo cho Wɩa arɩ nɩaa.

1 Jɔɔŋ 4:19 ပူးပေါင်းရင်းမြစ်များ

Luuk 7:47

Mɩ bʋla pɩŋ arɩ mɩ joŋ ʋ wʋbɔŋŋɔɔ yʋgɛ nɛ a chɛʋ, ŋɩɩ nɛ tɩɩ ʋ chomi woruŋ ŋɩɩ. Ama nɩɩ-la ma mɩ sɩ joŋ ʋ wʋbɔŋŋɔɔ mʋapɩlɩɩ chɛʋ, ʋ tɩɩna ma chomi mʋapɩlɩɩ nɛ.”

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.