1 Jɔɔŋ 4:17 - WƖA TENIŊ

¹⁷ Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.

1 Jɔɔŋ 4:17 ပူးပေါင်းရင်းမြစ်များ

Matiu 10:15

Mɩ bʋlaa pɩma arɩ sarɩya chɛ-diiliŋ, Wɩa jaŋ dɔgɩsɛ taŋ-la nɩaa a kɩɩ bʋa-la lɛ ʋ sɩ dɔgɩsɛ Sodom arɩ Gomora nɩaa ŋɩɩ.”

Matiu 10:25

Ama dɩ sikuuri bile nɛ gʋnnɛ woruŋ, ʋ dɩ nɩɩ-la sɩ dagʋ jaŋ magɛ dɔŋɔ. Dɩ tɩntɩnnʋ-la ma nɛ gʋnnɛ tɩntɩmɩɩ-la dɛrɛ, ʋ dɩ nɩɩ-la sɩ dagʋ kala magɛ dɔŋɔ nɛ. Dɩ ba nɛ saa kɛŋ dɩa tɩɩna kaa yɩrɛ Bɛlizibul (Sɩtaanɩ yɩrɩŋ dɔŋɔ nɛ ŋɩɩ), ŋɩɩ-na ba jaŋ hɛ yɩrɩ-bɔŋŋɔɔ a kɩɩ ŋɩɩ a pɩ ʋ dɩa nɩaa kala.

Matiu 11:22

Mɩ bʋlaa pɩma, sarɩya chɛ-diiliŋ, Wɩa jaŋ dɔgɩsɛ Kɔrazɩŋ arɩ Bɛtɩsaada tɩŋŋaa a kɩɩ Taaya arɩ Sɩdɔŋ tɩŋŋaa.

Matiu 11:24

Mɩ bʋlaa pɩma, sarɩya chɛ-diiliŋ Wɩa jaŋ fá Sodom nɩaa nenige a kɩɩ Kapɛnam nɩaa.”

Matiu 12:36

Mɩ bʋlaa pɩma arɩ sarɩya chɛ-diiliŋ, nʋʋkala jaŋ dagɛ wʋbɔmɔ-la ʋ niiŋ sɩ bʋla.

Jɔɔŋ 15:20

Mɩ laa sɩpaaŋ bʋla pɩma arɩ tɩntɩnnʋ bɩ ʋ kʋhɩaŋ kɩɩ. Má liisi wɩɩŋ deeŋ. Ba sɩ dɔgɩsɛmɛ ŋɩɩ, ba jaŋ dɔgɩsɛ ma ma ŋɩɩ. Dɩ ba nɛ fa sɛɩ mɩ niiŋ wɩaa, ba fa jaŋ sɛɩ ma ma niiŋ wɩaa.

Jɔɔŋ 17:22

Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

Hiburu TƖŊŊAA 9:27

Bala nɛ nʋʋkala jaŋ sʋʋ. Ŋɩɩ harɩŋ lɛ, Wɩa jaŋ dii ʋ tɩɩna sarɩya.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

Jeems 2:22

Abɩraham laa Wɩa wɩaa dii nɛ a faa ŋaa wɩalɩŋ ma Wɩa sɩ cho. Ʋ ŋaa wʋzɔŋŋɔɔ a pɛ wɩalɩŋ ʋ sɩ laa dii lɛ nɛ. Ŋɩɩ nɛ ʋ Wɩa laa diine-la sɛnɛ wasa su.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

2 Pɩɩta 3:7

Wɩa bɩra bʋla arɩ ʋ jaŋ leŋ dɩ nyiniŋ dii tinteeŋ arɩ wɩa-nyuŋ kala sɩ hɛ nɩmɛ lɛɛlɛ ŋ-la. Ama ba jaŋ hɛ nɩmɛ halɩɩ, dɩ tapʋlɩɩ-la Wɩa sɩ jaŋ dii dʋnɩa nɩaa sarɩya kʋ yi. Nɩalɩŋ sɩ bɩ ʋ niiŋ wɩaa ka to, Wɩa jaŋ joŋ cheeriŋ pɩba a cheiba.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

1 Jɔɔŋ 2:5

Ama nɩɩ-la kala sɩɩ to ʋ niiŋ wɩaa, ʋ nɛ nɩɩ-la sɩ sɛnɛ cho Wɩa kɩŋkɛŋ. Ŋɩɩ lɛ nɛ la jaŋ to jɩŋ arɩ la hɛ Wɩa teeŋ nɛ.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

1 Jɔɔŋ 4:12

Nʋʋkala ha bɩ Wɩa na. Dɩ la nɛ cho dɔŋɔ, Wɩa hɛ la teeŋ nɛ a kaa mʋ. Dɩ ʋ nɛ hɛ la teeŋ ŋɩɩ, la jaŋ cho Wɩa arɩ la dɔnsʋŋ tɩŋŋaa kɩŋkɛŋ.