1 Jɔɔŋ 4:14 - WƖA TENIŊ

¹⁴ La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

1 Jɔɔŋ 4:14 ပူးပေါင်းရင်းမြစ်များ

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 10:36

Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Jɔɔŋ 12:47

Nɩɩ-la kala sɩ nɩɩ mɩ wʋbʋlaa aŋ bɩ baa to, mɩ bɩ ʋ tɩɩna sarɩya ka dii, bɛɛ wɩaa mɩ bɩ kɔ dɩ mɩ dii dʋnɩa nɩaa sarɩya. Mɩ kɔ dɩ mɩ laa dʋnɩa nɩaa ta nɛ.

Jɔɔŋ 3:11

Wʋtɩtɩɩ nɛ mɩ bʋlaa pɩŋ, la yie bʋl wɩɩ-la la sɩ jɩma nɛ, a bʋbʋl wɩɩ-la la sɩ na. Ama ma kʋŋkala bɩ chɛ dɩ ma sɛɩ wɩɩ-la la sɩ bʋla.

Jɔɔŋ 3:32

Ʋʋ bʋl wɩalɩŋ ʋ sɩ na aŋ nɩɩ ma nɛ, ama nʋʋkala bɩ ʋ niiŋ wɩaa sɛyɛ.

Jɔɔŋ 3:34

Mɩ-na Nɩɩ-la Wɩa sɩ tɩma, mɩɩ bʋl Wɩa niiŋ wɩaa nɛ, bɛɛ wɩaa Wɩa joŋ ʋ Dɩŋ-zɔmʋŋ doluŋ kala a pɩmɛ nɛ.

Jɔɔŋ 4:42

Ŋɩɩ nɛ nɩalɩŋ bʋla pɩ haal-la, “Lɛɛlɛ la laa ʋ wɩaa dii a tɩŋ la tɩtɩa sɩ nɩɩ ʋ niiŋ wɩaa nɛ, ʋ bɩ naga wɩɩ-la ŋ sɩ bʋla pɩla nɛ tɩɩ. La jɩma arɩ ʋ nɛ sɛnɛ ŋaa dʋnɩa Laataara.”

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Tɩntɩŋŋaa 18:5

Ŋɩɩ nɛ Saalas arɩ Timoti lɩɩ Masidoonia kɔ. Bʋa-la lɛ ba sɩ kɔ, Pɔɔl joŋ ʋ nyuŋ kala hɛ aa bʋl Wɩa wɩaa, a dagɛ woruŋ a pɩ Juu tɩŋŋaa arɩ Yesu nɛ ŋaa Kirisito.

1 Pɩɩta 5:12

Mɩ nɛ leŋe Sɩlɩvaanʋs ŋmʋnsɛ teniŋ deeŋ pɩpɩma. Mɩ jɩma arɩ ʋ ma ŋaa la naambii-tɩtɩɩ nɛ. Wʋkuu-bie nɛ mɩ ŋmʋnsa pɩma dɩ mɩ ŋaa dɩ ma nyuŋ nyaasɛ. Wʋtɩtɩɩ nɛ, mɩ bʋla pɩma ŋɩɩ Wɩa sɩ pɛ la lɛ. Ŋɩɩ wɩaa má chɩŋ wɩaa deemba lɛ kpaŋ kpaŋ.

1 Jɔɔŋ 4:10

Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.