1 Jɔɔŋ 4:1 - WƖA TENIŊ

¹ Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

1 Jɔɔŋ 4:1 ပူးပေါင်းရင်းမြစ်များ

1 KUOROO 13:18

Wɩa wʋlaabʋllʋ-hɩaŋ-la sɩ, “Mɩ ma ŋaa Wɩa wʋlaabʋllʋ nɛ. Wɩa tɩndaara bʋla pɩmɛ nɛ arɩ La TƖƖNA sɩ, ‘Kɛnʋ mɩɩra mʋ ŋ dɩa dɩ ʋ dii kɩaa aŋ nyʋa lɩɩŋ.’ ” Ama baal-la faa nyɩɛ nɛ.

NAMAGABA 14:15

Nɩalɩŋ sɩ bɩ wɩaa jɩŋ woruŋ-na yie laa wɩɩkala ba sɩ nɩa dii nɛ, ama nɩalɩŋ sɩ kɛŋ wʋjɩmɩŋ-na yie bɩɩnɛ woruŋ nɛ dɩ ba sɩ́ yeŋŋu.

JƐRƖMAAYA 14:14

Ŋɩɩ nɛ La TƖƖNA bɩra bʋla pɩmɛ, “Nɩaa deemba bɩ mɩ wʋlaabʋllaa ŋaa, baa nyɩɛ wɩaa nɛ mɩ yɩrɩŋ lɛ. Mɩ bɩ ba tɩma koo a lɩɩsɛba koo a bʋl wɩɩ pɩba. Wɩalɩŋ ba sɩ na a nagɛ duosoo tʋɔŋ a bʋla pɩma ŋaa wʋnyɩɛrɩŋ nɛ, wʋyaayaasɩ-la ba sɩ vʋga nɩna, arɩ ba tɩtɩa tʋɔbɩɩnaa wɩalɩŋ ka nyɩsɛba nɛ.

JƐRƖMAAYA 23:16

Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má sɩ́ nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa a bʋl wɩalɩŋ pɩpɩma teeŋ jegilu. Ba leŋe ma kɛŋ yɩɛlaa sɩ bɩ jaŋ kʋ ŋaa wʋtɩtɩɩ nɛ. Ba yie bʋl wɩalɩŋ ba tɩtɩa sɩ bɩɩna nɛ a pɩpɩma, mɩ-na ma TƖƖNA dee bɩ wɩalɩŋ bʋla.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

Maak 13:21

Dɩ nʋʋkala nɛ bʋla pɩŋ, “Beŋ daha a na Kirisito, koo beŋ nɩmɛ a naʋ, sɩ́ ʋ laa dii.

Luuk 12:57

Ŋɩɩ nɛ Yesu bɩra bʋl, “Ma sɩ jɩŋ wɩɩ-la sɩ maga dɩ ma ŋaa, bɛɛ nɛ tɩɩ ma bɩ ʋ ŋaa?

Luuk 21:8

Ŋɩɩ nɛ Yesu bʋla pɩba, “Má kɛŋ ma tɩtɩa woruŋ dɩ nʋʋkala sɩ́ ma nyɩsʋ,” a bɩra bʋl, “Nɩaa jaŋ yʋgɛ a kɔ a joŋ mɩ yɩrɩŋ hɛ arɩ ba nɛ ŋaa Kirisito, a bʋl dɩ bʋa-la dʋnɩa sɩ jaŋ dɛrɛ kpaga nɛ. Ama má sɩ́ ba harɩŋ to.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Tɩntɩŋŋaa 20:29

Mɩ jɩma, dɩ mɩ nɛ lemma, nɩbɔŋŋɔɔ jaŋ kʋ jʋʋ ma tʋɔŋ, a nagɛ guŋgurusuŋ sɩ yie jʋʋ pʋsʋŋ tʋɔŋ ŋɩɩ. Nɩbɔmɔ-la bɩ jaŋ lemma, ba jaŋ walɩmɛma.

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 14:29

Dɩ nɩaa nɛ hɛ ma tʋɔŋ aa bʋl Wɩa wɩaa Wɩa Dɩŋ-zɔŋ-la doluŋ lɛ, má leŋ dɩ ba ŋaa balɩa koo batori a bʋbʋl wɩalɩŋ, aŋ ka dɩ ma kʋkaanaa ma kɛŋ wɩalɩŋ ba sɩ bʋla kaa chɔ naa.

1 Tɛsalonaaka Nɩaa 5:20

Má sɩ́ wɩalɩŋ ba sɩ bʋla Wɩa Dɩŋ-zɔŋ-la doluŋ lɛ vɩa.

1 Tɛsalonaaka Nɩaa 5:21

Ama má magɩsɛ wɩɩkala na, a lɩɩsɛ kʋ-la sɩ zɔmɔ a kɛnʋ woruŋ.

2 Tɛsalonaaka Nɩaa 2:2

Ŋɩɩ wɩaa, má sɩ́ leŋe dɩ ma tʋɔbɩɩnaa guu vʋgʋmɛ koo dɩ ma bɔyɛ joŋ dɩ nʋʋ nɛ bʋla arɩ tapʋlɩɩ-la Yesu sɩ jaŋ kɔ yie nɛ. Ŋ bɩ pɔ nʋʋ jaŋ lɩɩ ma tʋɔŋ a bʋl dɩ Wɩa Dɩŋ-zɔmʋŋ bʋla pʋ arɩ Yesu kɔ nɛ, koo nʋʋ sɩɩ bʋl Wɩa wɩaa ma jaŋ wuo bʋl ŋɩɩ pɩma, koo nɩaa jaŋ nyɩɛ wɩaa bʋl arɩ la nɛ ŋmʋnsa pɩma arɩ Yesu kɔ nɛ.

1 Timoti 4:1

Wɩa Dɩŋ-zɔmʋŋ paala chaasa bʋl arɩ dʋnɩa dɩdɛrɩŋ deeŋ lɛ la sɩ hɛ, nɩaa dɔnsʋŋ jaŋ joŋ wɩalɩŋ ba sɩ laa dii ta. Ba jaŋ tuto jɩŋ-bɔŋŋɔɔ harɩŋ a nyɩsɛ nɩaa aa dagɛba Sɩtaanɩ wombiiŋ.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

1 Jɔɔŋ 2:18

Mɩ biiriŋ, dʋnɩa dɩdɛrɩŋ kpaga nɛ. Ma nɩa arɩ Kirisito dʋndɔŋ-balɩŋ jaŋ kɔ. Bʋa deeŋ lɛ Kirisito dʋndɔŋŋɔɔ paala yʋgɛ nɛ a kɔ. Ŋɩɩ wɩaa, la jɩma arɩ dʋnɩa dɩdɛrɩŋ kpaga nɛ.

1 Jɔɔŋ 2:7

Mɩ bii-chooloo, wɩɩ-la mɩ sɩ ŋmʋnsaa pɩma lɛɛlɛ, ʋ bɩ wʋfalɩɩ kala ŋaa, ʋ ŋaa wʋbɩnɩɩ nɛ ma sɩ nɩa bumbuŋ kala. Wʋbɩnɩɩ-la nɛ wɩalɩŋ ma sɩ nɩa faafaa kala.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.

Jɔɔŋ Wʋnaalaa 2:2

Mɩ jɩŋ wɩalɩŋ kala ma sɩ ŋaa nɛ. Mɩ na ŋɩɩ ma sɩ tɩma arɩ sɩɩfɩɛsɩŋ nɛ, a dii kenyiri wɩɩkala lɛ. Mɩ jɩma ma dɩ nɩbɔŋŋɔɔ bɩ dɔŋɔ lɛ wuo. Nɩaa dɔnsʋŋ joŋ ba tɩtɩa arɩ ba ŋaa Wɩa nanzɔɔba nɛ, ama ma magɩsɛ nɩaa deemba nɛ a na dɩ baa nyɩɛ nɛ.