1 Jɔɔŋ 3:7 - WƖA TENIŊ

⁷ Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

1 Jɔɔŋ 3:7 ပူးပေါင်းရင်းမြစ်များ

WƖA YƖƖLAA 106:3

Nɩalɩŋ sɩ chɩŋ wʋtɩtɩɩ naaŋ lɛ, arɩ nɩalɩŋ sɩɩ ŋaa wɩaa ba bʋa lɛ bʋa na-kala, ba tʋɔŋ jaŋ tɔrɛ.

WƖA YƖƖLAA 45:7

Ŋ cho tʋɔpʋl wɩaa nɛ aŋ bɛrɛ wʋbɔŋŋɔɔ. Ŋɩɩ nɛ tɩɩ ŋ Nyɩmma Wɩa lɩɩsɩŋ a leŋ ŋ kɛŋ tʋɔtɔrʋŋ a yʋga kɩɩ ŋ dɔnsʋŋ tɩŋŋaa.

Matiu 5:20

Mɩ jaŋ bʋla pɩma, see dɩ ma kɛŋ tʋɔpʋla a kɩɩ Wɩa teniŋ kerichiba arɩ Farisii tɩŋŋaa a ŋɩŋaa wɩalɩŋ Wɩa sɩɩ chɛ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.”

Luuk 1:75

Ŋɩɩ lɛ nɛ la jaŋ to a ŋaa nɩa sɩ bɩ disiniŋ kɛnɛ, a kɛŋ tʋɔpʋla ʋ teeŋ la mɩɩsɩŋ kala lɛ.”

Tɩntɩŋŋaa 10:35

Nʋʋkala sɩɩ faʋ a ŋɩŋaa wɩaa ba bʋa lɛ, Wɩa laaʋ nɛ. Ʋ sɩpaaŋ tuo doho-la kala ʋ sɩ ŋaa lɛ.

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

Ɛfɛsɩs Nɩaa 5:9

Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Hiburu TƖŊŊAA 1:8

Ama ʋ sɩ bʋl wɩaa a tɩgɛ ʋ Bie lɛ, ŋ-la nɛ ʋ bʋl: Ʋ sɩ, “Ŋ ŋaa Wɩa nɛ, ŋ kuoruŋ jaŋ hɛ nɩmɛ a kaa mʋ deeŋ deeŋ. Tʋɔpʋla nɛ ŋ jaŋ kaa beŋ ŋ nɩaa.

Hiburu TƖŊŊAA 7:2

Ŋɩɩ nɛ Abɩraham kɛŋ kɩalɩŋ ʋ sɩ yuo dii laal-la lɛ a kaa kpaa leree fii, a joŋ kʋbala pʋ. Mɛlɩkɩzɛdɛk yɩrɩ-la bʋbʋɔŋ nɛ, ‘kuoru-la sɩ kɛŋ tʋɔpʋla Wɩa sɩpaaŋ’. Ʋ nɛ ŋaa Salɛm kuoro ma. Salɛm kuoro bʋbʋɔŋ nɛ, ‘kuoru-la sɩ kɛŋ ʋ nɩaa hɔŋ sɔm’.

Jeems 1:22

Ʋ maga dɩ ma ŋɩŋaa wɩalɩŋ Wɩa sɩ sɩ ma ŋɩŋaa nɛ. Ʋ bɩ maga dɩ ma nɩnɩɩ wɩalɩŋ dʋndʋŋ. Dɩ ma nɩ́ɩ nɩɩ wɩalɩŋ aŋ bɩbaa ŋaa, maa nyɩsɛ ma tɩtɩa nɛ.

Jeems 2:19

Ŋ jɩma arɩ Wɩɩ-bala nɛ hɛ nɩmɛ koo? Dɩ ŋ nɛ jɩŋ ŋɩɩ, ʋ ŋaa wʋzɔŋ nɛ. Ama sɩ́ yʋ arɩ jɩŋ-bɔŋŋɔɔ ma jɩŋ ŋɩɩ lɛ nɛ, ŋɩɩ ŋaa fawʋllʋŋ kɛmba, ba chichel.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:26

Mɩ ŋmʋnsɛ wɩaa deemba pɩpɩma a mʋ tɩgɛ nɩalɩŋ sɩɩ chɛ dɩ ba nyɩsɛma lɛ nɛ.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:18

Mɩ biiriŋ, má sɩ́ leŋe dɩ la kɛŋ niiŋ dʋndʋŋa cho dɔŋɔ. Má leŋ dɩ la to wʋtɩtɩɩ wombiiŋ a ŋɩŋaa wʋzɔŋŋɔɔ, dɩ la wʋŋaalɩa-la dagɛ arɩ la sɛnɛ cho dɔŋɔ nɛ.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.