1 Jɔɔŋ 3:5 - WƖA TENIŊ

⁵ Ma kala jɩma arɩ Kirisito kɔ dɩ ʋ laa la wʋbɔŋŋɔɔ ta nɛ. Ʋ-na bɩ wʋbɔŋ kala ŋaa.

1 Jɔɔŋ 3:5 ပူးပေါင်းရင်းမြစ်များ

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

Matiu 1:21

Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.”

Luuk 23:41

Ʋ maga dɩ ba ŋaa la-na ŋɩɩ nɛ, bɛɛ wɩaa la ŋaa wʋbɔŋ nɛ, aŋ ka ʋ-na bɩ wɩɩkala cheye.”

Luuk 23:47

Ŋɩɩ nɛ dɩ laalɩyuoroo zɔlɔ kʋhɩaŋ kʋbala fa chɩŋ nɩmɛ. Ʋ na wɩɩ-la sɩ ŋaa, a dɛnnɛ Wɩa a bʋl, “Wʋtɩtɩɩ, baala deeŋ fa ŋaa tʋɔpʋl tɩɩna nɛ, ʋ bɩ wɩɩkala cheye.”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 1:31

Mɩ fa bɩ jɩŋ nɩɩ-la kala ʋ sɩ ŋaa. Ama mɩ ta kʋ fufo nɩaa Wɩɩchʋɔlɛ lɩɩŋ nɛ, dɩ Iziral tɩŋŋaa kʋ jɩmʋ.”

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 8:46

Ma kʋbɛɛ nɛ jaŋ wuo dagɛ arɩ mɩ ŋaa wʋbɔŋ? Dɩ mɩ nɩɩ bʋl wʋtɩtɩɩ, bɛɛ nɛ saa tɩɩ ma bɩ mɩ wɩaa laa dii?

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 1:3

Wɩa sɩ kɛŋ tʋla-la, ʋ nɛ ʋ Bie ma kɛŋ. Ŋɩɩ Wɩa sɩ naga, ŋɩɩ tɩtɩa nɛ ʋ Bie ma nagɛ. Wɩalɩŋ ʋ sɩɩ bʋl kɛŋ doluŋ, dol-la nɛ ʋ kaa beŋ kʋŋkala sɩ hɛ dʋnɩa lɛ. Ʋ sɩ pɩɩsɛ nɩaa disiniŋ ta dɛrɛ, ʋ jɩla hɔŋ Wɩa nadiiŋ, nɩduoŋ dɩhɔnʋŋ.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

Hiburu TƖŊŊAA 9:26

Dɩ ʋ nɛ faa ŋaa ŋɩɩ, ʋ fa jaŋ na hɛɛŋ jɩna na-kala a lɩɩ dʋnɩa dɩ-suomuŋ a kaa kɔ arɩ jɩnɩŋ kala. Ama lɛɛlɛ dʋnɩa dɩdɛrɩŋ kpaga nɛ, ŋɩɩ nɛ ʋ kɔ bala dɩ ʋ joŋ ʋ tɩtɩa a pɩ Wɩa a sʋʋ, a laa nɩaa wʋbɔŋŋɔɔ ta.

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

1 Pɩɩta 1:20

Bumbuŋ kala, ka dɩ Wɩa-na ŋaa dʋnɩa, ʋ lɩɩsɛ Yesu Kirisito nɛ dɩ ʋ to ʋ lɛ a laa dʋnɩa nɩaa ta. Ama Wɩa leŋe ʋ kɔ nɛ dʋnɩa deeŋ dɩdɛrɩŋ, ma wɩaa.

1 Pɩɩta 2:22

Ʋ bɩ wʋbɔŋ kala ŋaa. Ʋ bɩ wɩaa ma nyɩɛ.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 1:2

Wɩɩ-la sɩ kʋ ŋaa nuhuobiine, la naʋ nɛ a laaʋ dii, a bʋl ʋ wɩaa pɩpɩma. Wɩɩ-la nɛ ŋ-la: Mɩɩsɩ-la sɩ bɩ dɛrɛ, ʋ fa hɛ la Nyɩmma teeŋ nɛ a kʋ lɩɩ la teeŋ la naʋ. Yesu Kirisito nɛ ŋɩɩ.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.