1 Jɔɔŋ 3:3 - WƖA TENIŊ

³ Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 Jɔɔŋ 3:3 ပူးပေါင်းရင်းမြစ်များ

2 SAMƲƐL 22:27

Nɩalɩŋ ma sɩ kɛŋ tʋɔpʋla, ŋ yie pʋllɛ ŋ tʋɔŋ pɩba nɛ, ama nɩalɩŋ wɩaa sɩ golibo, ŋ yie hosi ba nyuŋ nɛ.

Matiu 5:48

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Luuk 6:36

Má fɩfá nɩaa nenige arɩ ma Nyɩmma Wɩa sɩɩ fá nɩaa nenige ŋɩɩ.

Jɔɔŋ 17:19

Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.

Tɩntɩŋŋaa 15:9

Ʋ bɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kaa pɔrɛ. Nɩalɩŋ sɩ bɩ Juu tɩŋŋaa ŋaa ma laa Yesu wɩaa dii nɛ, ŋɩɩ nɛ tɩɩ ʋ joŋ ba ma wʋbɔŋŋɔɔ chɛba.

Rom Tɩŋŋaa 15:12

Azaaya bɩra bʋl ŋ-la nɛ: “Jesi doho nɩaa dɔŋɔ jaŋ kɔ. Ʋ nɛ jaŋ sii a beŋ nɩalɩŋ sɩ bɩ Juu tɩŋŋaa ŋaa. Ba jaŋ joŋ ba yɩɛlaa hɛ ʋ lɛ.”

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Taatɩs 3:7

Ʋ lahɔrɩmɔ lɛ ʋ ŋaa ŋɩɩ dɩ la kɛŋ tʋɔpʋla ʋ sɩpaaŋ, a wuo kɛŋ mɩɩsɩ-la sɩ bɩ dɛrɛ, wɩɩ-la la sɩɩ yɩɛlʋ lɛ.

Hiburu TƖŊŊAA 12:14

Má hɛ ma doluŋ kala aŋ loo chɩchɛ dɩ ma dɩ nʋʋkala kɛŋ nii-bala, a bɩra loo chɩchɛ dɩ ma sɩ́ disiniŋ kɛŋ. Dɩ ma nɛ bɩ disiniŋ kɛnɛ, ma jaŋ wuo na Wɩa.

Hiburu TƖŊŊAA 6:18

Wɩa saa ŋaa wɩaa balɩa nɛ. Ʋ sɩ wuo bʋl wɩɩ-la aŋ pɛ ŋmɩɛsɛ ŋɩɩ, wɩaa deemba balɩamɩŋ bɩra bɩ jaŋ kɔ dɩ ba bɩrɩma, bɛɛ wɩaa Wɩa bɩ wɩaa nyɩɛ. Ŋɩɩ wɩaa, la nɩalɩŋ sɩ fá mʋ Wɩa teeŋ dɩ ʋ laala ta nyuŋ nyaasɛ nɛ dɩ la kɛŋ yɩɛlaa woruŋ a mʋ tɩgɛ wɩalɩŋ Wɩa sɩ sɩ ʋ jaŋ ŋaa pɩla lɛ.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.

1 Pɩɩta 1:15

Wɩa bɩ disiniŋ kɛnɛ aŋ yɩrɛma. Ŋɩɩ wɩaa, má ma sɩ́ disiniŋ kɛŋ wɩɩ-na kala ma sɩɩ ŋaa lɛ,

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.

2 Pɩɩta 3:14

Ŋɩɩ wɩaa mɩ nandɔŋ-kpɩanaba, ma sɩɩ gbɛrɛ dɩ ma na wɩaa deemba ŋɩɩ, má fɩɛsɛ sɩɩŋ a leŋ dɩ ma mɛlɛ zɔŋ, dɩ tapʋlɩɩ-la nɛ yie, dɩ Wɩa sɩ́ cheeriŋ joŋo pɩma, ka dɩ ma dɩ Wɩa sɩŋ.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.