1 Jɔɔŋ 3:23 - WƖA TENIŊ

²³ Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

1 Jɔɔŋ 3:23 ပူးပေါင်းရင်းမြစ်များ

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

Matiu 22:39

Wʋlɩamɩŋ ma nɛ ŋ-la: ‘Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.’

Maak 9:7

Ŋɩɩ nɛ duoŋ-bɩlɩmbaanɩŋ kʋ tɔba. Ka yikoro lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Má jegile nɩɩ ʋ teeŋ.”

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 13:34

Nii-falɩɩ nɛ mɩ bilee pɩma. Ʋ nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 14:1

Ŋɩɩ nɛ Yesu bʋl, “Má sɩ́ leŋe dɩ ma tʋɔŋ vʋgʋmɛ. Má laa Wɩa dii, a laa mɩ ma dii.

Jɔɔŋ 15:12

Wɩɩ-la mɩ sɩ bʋla pɩma dɩ maa ŋaa nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 2:23

Yesu fa sɩ hɛ Jerusalɛm lɛ, dɩɩsɩŋ kiele bal gbiele-la lɛ, nɩaa yʋga a laa ʋ wɩaa dii a tɩŋ ba sɩ na wʋmagɩla-la ʋ sɩɩ ŋaa.

Jɔɔŋ 3:18

Nʋʋ na-kala sɩ laa Yesu wɩaa dii, ʋ bɩ jaŋ dii ʋ tɩɩna sarɩya a joŋ cheeriŋ pʋ, ama nɩɩ-la kala sɩ bɩ ʋ wɩaa laa dii, ʋ paala dii ʋ tɩɩna sarɩya a joŋ cheeriŋ pʋ nɛ, bɛɛ wɩaa ʋ bɩ Wɩa Bii-bala-la wɩaa laa dii.

Jɔɔŋ 6:29

Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Tɩntɩŋŋaa 16:31

Ŋɩɩ nɛ ba bʋla pʋ, “Laa La Tɩɩna Yesu wɩaa dii, dɩ Wɩa laa ŋ dɩ ŋ dɩa nɩaa kala ta.”

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 4:8

Wɩɩ-la sɩ ŋaa sɩɩfɩaŋ wɩɩŋ nɛ ŋ-la: Má hɛ ma doluŋ kala a faasa cho dɔŋɔ. Dɩ ma nɛ cho dɔŋɔ, ma jaŋ joŋ wʋdaŋ chɩchɛ dɔŋɔ.

1 Jɔɔŋ 2:7

Mɩ bii-chooloo, wɩɩ-la mɩ sɩ ŋmʋnsaa pɩma lɛɛlɛ, ʋ bɩ wʋfalɩɩ kala ŋaa, ʋ ŋaa wʋbɩnɩɩ nɛ ma sɩ nɩa bumbuŋ kala. Wʋbɩnɩɩ-la nɛ wɩalɩŋ ma sɩ nɩa faafaa kala.

1 Jɔɔŋ 3:11

Wɩɩ-la ma sɩ nɩa bumbuŋ kala nɛ ŋ-la: Ʋ maga dɩ ma cho dɔŋɔ.

1 Jɔɔŋ 4:15

Nʋʋkala sɩ wuo bʋl arɩ Yesu nɛ ŋaa Wɩa Bie, Wɩa hɛ tɩɩna teeŋ nɛ a kaa mʋ. Ʋ tɩɩna ma hɛ Wɩa teeŋ nɛ a kaa mʋ.

1 Jɔɔŋ 4:21

Wɩa bʋla pɩla arɩ nɩɩ-la kala sɩ chou, ʋ maga dɩ ʋ cho ʋ dɔŋɔ tɩɩna ma nɛ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.