1 Jɔɔŋ 3:2 - WƖA TENIŊ

² Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

1 Jɔɔŋ 3:2 ပူးပေါင်းရင်းမြစ်များ

JOB 19:26

Dɩ yawɩɩlaa nɛ chei mɩ yaraa kala ma, mɩ ha kɛŋ yɩɛlaa mɩ jaŋ na Wɩa.

WƖA YƖƖLAA 16:11

Ŋ dagɛmɛ wombii-la mɩ sɩ jaŋ to a kɛŋ mɩɩsɩŋ nɛ. Ŋ sɩ kpagɛmɛ, ŋɩɩ leŋe mɩ tʋɔŋ tɔrɛ nɛ. Mɩ tʋɔŋ jaŋ tɔrɛ bʋa na-kala mɩ sɩ jaŋ hɔŋ ŋ nadiiŋ.

WƖA YƖƖLAA 17:15

Ama mɩ-na jaŋ naŋ, bɛɛ wɩaa mɩ ŋaa tʋɔpʋl tɩɩna nɛ. Dɩ mɩ nɛ sie, mɩ yie na ŋɩɩ ŋ sɩ naga nɛ, mɩ tʋɔŋ tɔrɛ.

WƖA YƖƖLAA 31:19

Ŋ wʋzɔŋŋɔɔ yʋga, ba nɛ ŋ joŋo bil nɩalɩŋ sɩɩ fáŋ lɛ. Ba nɛ ŋ joŋo pɩ nɩalɩŋ sɩ kʋ yuoruŋ, ka nɩaa bibeŋ.

AZAAYA 56:5

mɩ jaŋ leŋ dɩ ma yɩrɩŋ hɛ mɩ dɩɩ-balɩŋ lɛ dɩ nɩaa liliisu a kaa mʋ wuu, a kɩɩ ma fa sɩ jaŋ kɛŋ hambolibiisiŋ arɩ hantolibiisiŋ dɩ ba liliisi ma wɩaa. Ma yɩrɩŋ bɩ jaŋ lɛl.

MALAKAƖ 3:2

Ama ma tʋɔŋ kʋbɛɛ nɛ jaŋ wuo nyalɩma gbɛrɛ tapʋlɩɩ-la ʋ sɩ jaŋ kɔ? Dɩ ʋ nɩɩ kɔ, kʋbɛɛ nɛ jaŋ wuo chɩŋ ʋ sɩpaaŋ? Ʋ jaŋ nagɛ libire sɩ lɩɩsɛ hɔɔŋ sɩ fɩɛsa nyiniŋ lɛ koo chɛnfɛnnɩŋ sɩ kɛŋ niiŋ ba kaa chɩchɛsɛ kɩaa.

Matiu 5:8

Wɩa jaŋ pɛ nɩalɩŋ sɩ kɛŋ tʋɔpʋla lɛ, ba jaŋ na Wɩa.

Luuk 17:30

Ŋɩɩ nɛ ʋ jaŋ nagɛ tapʋlɩɩ-la mɩ-na Nuhuobiine Bie ma sɩ jaŋ mɩɩra kɔ.

Luuk 20:36

Ba jaŋ nagɛ Wɩa tɩndaaraa a bɩra bɩ jaŋ sʋʋ. Wɩa sɩ chɩsɛba sʋʋŋ lɛ ŋɩɩ, ba jaŋ ŋaa Wɩa biiriŋ.

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

Rom Tɩŋŋaa 8:16

Wɩa Dɩŋ-zɔŋ-la arɩ la tʋɔbɩɩnaa kala yie dagɛ arɩ la ŋaa Wɩa biiriŋ nɛ.

Rom Tɩŋŋaa 8:18

Mɩ bee na arɩ hɛɛŋ deeŋ la sɩɩ na, la bɩ jaŋ wuo kaa magɩsɛ yɩrɩ-la la sɩ jaŋ laa.

Rom Tɩŋŋaa 8:19

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

1 Kɔrɩntɩ Nɩaa 13:12

Lɛɛlɛ la sɩ hɛ dʋnɩa deeŋ lɛ, ʋ naga laa beŋ Kirisito liigu liigu nɛ, a nagɛ nɩaa sɩ beŋ beenantɩrɛ lɛ a na kʋa liigu. La bɩ Kirisito chaasa nɩna woruŋ, ama maachie la sɩaa jaŋ na dɔŋɔ. Lɛɛlɛ mɩ jɩmʋ mʋa nɛ, ama maachie mɩ jaŋ chaasa jɩmʋ woruŋ, arɩ Wɩa sɩ jɩmmɛ ŋɩɩ.

1 Kɔrɩntɩ Nɩaa 15:49

La sɩ kɛŋ nɩɩ-la ba sɩ kɛŋ tɩarɩŋ mɛ nagɩsɩŋ ŋɩɩ, ŋɩɩ tɩtɩa nɛ la jaŋ kɛŋ nɩɩ-la sɩ lɩɩ Wɩa-jaŋ ma nagɩsɩŋ.

1 Kɔrɩntɩ Nɩaa 2:9

Ba ŋmʋnsɛ Wɩa teniŋ tʋɔŋ a bʋl, “Kʋ-la nuhuobiine ha sɩ bɩ na, kʋ-la wɩaa ʋ ha sɩ bɩ nɩa, arɩ kʋ-la wɩaa ha sɩ bɩ nuhuobiine tʋɔbɩɩnaa jʋa, kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:17

La teeŋ hɛɛ-la la sɩɩ na bɩ yʋgɛ aŋ bɩra bɩ jaŋ dieni maa. Hɛɛ-la dagɛla wombii-la la sɩ jaŋ to a laa yɩrɩŋ nɛ Wɩa teeŋ. Yɩrɩ-la jaŋ ŋaa yɩrɩ-bal. Yɩrɩ-bal-la la sɩ jaŋ laa jaŋ kɩɩ hɛɛ-la la sɩɩ na. La jaŋ kɛŋ yɩrɩ-balɩŋ deeŋ deeŋ.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Galiisia Nɩaa 4:6

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.”

Fɩlɩpa Nɩaa 3:21

Dɩ ʋ nɛ kɔ, ʋ jaŋ kɛŋ ʋ dol-la ʋ sɩ kaa bibeŋ kʋŋkala a kaa bɩrɩmɛ la yaraa deemba sɩ jaŋ pʋa, dɩ ba nagɛ ʋ tɩtɩa yara-la sɩ bɩ pʋa.

Koloosi Nɩaa 3:4

Kirisito nɛ ŋaa la mɩɩsɩŋ. Bʋa-la lɛ ʋ sɩ jaŋ mɩɩra kɔ, nɩaa jaŋ na ma dɩ ʋ kala dɩ maa kpaa ʋ yɩrɩ-bal-la.

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

1 Jɔɔŋ 2:7

Mɩ bii-chooloo, wɩɩ-la mɩ sɩ ŋmʋnsaa pɩma lɛɛlɛ, ʋ bɩ wʋfalɩɩ kala ŋaa, ʋ ŋaa wʋbɩnɩɩ nɛ ma sɩ nɩa bumbuŋ kala. Wʋbɩnɩɩ-la nɛ wɩalɩŋ ma sɩ nɩa faafaa kala.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:21

Mɩ nandɔŋ-kpɩanaba, dɩ la tʋɔbɩɩnaa nɛ bɩ daga arɩ la cheye nɛ, la jaŋ kɛŋ bɔɩ-duoŋ Wɩa sɩpaaŋ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

Jɔɔŋ Wʋnaalaa 2:28

Mɩ jaŋ leŋ dɩ tɩɩna tʋtʋl a nagɛ nanyʋɔlʋŋ.

Jɔɔŋ Wʋnaalaa 22:4

Ba jaŋ na ʋ sɩaa, ka ʋ yɩrɩŋ hɛ ba tilliŋ lɛ.