1 Jɔɔŋ 3:17 - WƖA TENIŊ

¹⁷ Dɩ nʋʋ nɛ kɛŋ kɩaa woruŋ aŋ na ʋ dɔŋɔ tɩɩna ʋ jʋʋ wɩɩ a chɩchɛ pɛnɩŋ, ka ʋ kɛŋ tʋɔhɛɛŋ a bɩ ʋ nenige fá, ɛɛ nɛ ʋ jaŋ wuo bʋl dɩ ʋ cho Wɩa nɛ?

1 Jɔɔŋ 3:17 ပူးပေါင်းရင်းမြစ်များ

NAMAGABA 12:10

Tʋɔpʋl tɩŋŋaa yie bibeŋ ba pʋsʋŋ nyuŋ woruŋ nɛ, ama nɩbɔŋŋɔɔ-na woruŋ ŋaanɩŋ ŋaa tʋɔhɛɛŋ nɛ.

NAMAGABA 14:31

Nɩɩ-la kala sɩɩ dɔgɩsɛ summoo, Wɩa sɩ ŋaaba nɛ ŋ tʋtʋʋsɛ ŋɩɩ, ama nɩɩ-la kala sɩ ŋaa zile pɩpɩ nɩalɩŋ sɩ bɩ ba tɩtɩa lɛ wuo pɛ, ʋʋ zil Wɩa nɛ.

NAMAGABA 19:17

Nɩɩ-la kala sɩ joŋ kɩaa dii zile summo lɛ, ʋ joŋo chɩŋ La Tɩɩna nɛ. Ʋ jaŋ timu.

NAMAGABA 21:13

Dɩ nʋʋ nɛ vɩa dɩ ʋ nɩɩ summo yele, ʋ ma jaŋ yel, ka nʋʋkala bɩ jaŋ jegili ʋ teeŋ.

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

Luuk 3:11

Ʋ bʋla pɩba, “Dɩ ŋ kɛŋ gɛnnɩŋ balɩa, ʋ maga dɩ ŋ joŋ dɔŋɔ a pɩ nɩɩ-la sɩ bɩ kʋŋ kɛnɛ. Nɩɩ-la sɩ kɛŋ kʋdiilee ma, ʋ maga dɩ ŋ ŋaa kpaa nɩalɩŋ sɩ bɩ kʋdiilee kɛnɛ nɛ.”

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Hiburu TƖŊŊAA 13:16

Bʋa na-kala má ŋaa kukeri a ŋɩŋaa wʋzɔŋŋɔɔ dɔŋɔ lɛ. Kɩalɩŋ ma sɩ kɛnɛ, má ŋaa pɩpɩ dɔŋɔ. Dɩ ma nɩɩ ŋaa ŋɩɩ, Wɩa tʋɔŋ jaŋ tɔrɛ ma nyuŋ.

Jeems 2:15

Má leŋ dɩ la joŋ arɩ ma naambie bɩ gɛrɩ-zɔŋŋɔɔ kɛnɛ a bɩ ʋ niiŋ kʋdiilee wuo naa dii,

Jeems 2:16

ŋɩɩ nɛ ma bʋla pʋ, “Wɩa jaŋ pɛ ŋ lɛ a pɩŋ kɩalɩŋ ŋ sɩɩ chɛ.” Dɩ ma nɛ ŋaa ŋɩɩ aŋ bɩ sɛyɛ dɩ ma pɛ ʋ lɛ arɩ kɩalɩŋ ʋ sɩɩ chɛ, ʋ ŋɩɩ zɔmɔɔ?

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.