1 Jɔɔŋ 3:16 - WƖA TENIŊ

¹⁶ Kirisito joŋ ʋ mɩɩsɩŋ yɔɔ sʋʋŋ la wɩaa nɛ, a dagɛ ŋɩɩ ʋ sɩ faasa chola. La ma saa maga dɩ la cho la dɔnsʋŋ tɩŋŋaa ŋɩɩ nɛ a joŋ la mɩɩsɩŋ a yɔɔ sʋʋŋ ba wɩaa.

1 Jɔɔŋ 3:16 ပူးပေါင်းရင်းမြစ်များ

Matiu 20:28

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”

Jɔɔŋ 10:11

Yesu bɩra bʋl, “Mɩ nɛ ŋaa pie-daarɩ-zɔmʋŋ. Pie-daarɩ-zɔmʋŋ yie joŋ ʋ mɩɩsɩŋ yɔɔ sʋʋŋ nɛ ʋ piesee wɩaa.

Jɔɔŋ 10:15

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 13:34

Nii-falɩɩ nɛ mɩ bilee pɩma. Ʋ nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Tɩntɩŋŋaa 20:28

Má beŋ ma tɩtɩa nyuŋ woruŋ, aŋ pɛ beŋ nɩalɩŋ maa ʋ Dɩŋ-zɔmʋŋ sɩ joŋo hɛ ma nɩsɩŋ lɛ. Má beŋ nɩalɩŋ sɩ laa Yesu wɩaa dii a hihilimi nyuŋ, a nagɛ pie-daara sɩ yie beŋ ʋ piesee nyuŋ ŋɩɩ. Wɩa nɛ joŋ ʋ tɩtɩa bie chalɩŋ yɔɔba.

Rom Tɩŋŋaa 16:4

Ba joŋ ba mɩɩsɩŋ a yɔɔ sʋʋŋ nɛ mɩ wɩaa. Ŋɩɩ wɩaa mɩɩ lɔllɛba. Mɩ dʋndʋŋa saa dee, mɩ dɩ nɩalɩŋ kala sɩ bɩ Juu tɩŋŋaa ŋaa aŋ laa Yesu wɩaa dii aa hilimi, la kala nɩɩ lɔllɛba.

Rom Tɩŋŋaa 5:8

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

2 Kɔrɩntɩ Nɩaa 4:12

Ŋɩɩ wɩaa Wɩa leŋe la sʋʋ nɛ dɩ ma-na kɛŋ mɩɩsɩŋ.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

Ɛfɛsɩs Nɩaa 5:25

Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Fɩlɩpa Nɩaa 2:30

A mʋ tɩgɛ Kirisito tɩntɩŋŋaa wɩaa, ʋ joŋ ʋ mɩɩsɩŋ bil nɛ, ʋ fa ka mʋa dɩ ʋ sʋba. Ʋ ŋaa ŋɩɩ dɩ ʋ wuo pɛ mɩ lɛ nɛ, bɛɛ wɩaa ma tɩtɩa faa chɛ dɩ ma pɛ mɩ lɛ nɛ aŋ bɩ wuo pɛ.

1 Tɛsalonaaka Nɩaa 2:8

La choma nɛ, ŋɩɩ nɛ tɩɩ la bɩ Wɩa wʋzɔmɔ-la dʋndʋŋa nɛ bʋla pɩma, ama la joŋ la tɩtɩa kala a pɩma nɛ. La ŋaa ŋɩɩ, bɛɛ wɩaa la chaasa choma nɛ.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 2:9

Nɩɩ-la kala sɩ sɩ ʋʋ vɛŋ pʋlʋmʋŋ tʋɔŋ aŋ bɛrɛ ʋ dɔŋɔ tɩɩna, ʋ ha hɛ birimiŋ tʋɔŋ nɛ.

Jɔɔŋ Wʋnaalaa 1:5

arɩ Yesu Kirisito teeŋ. Ʋ nɛ ŋaa wɩalɩŋ sɩada tɩɩna a kɛŋ wʋtɩtɩɩ. Ʋ nɛ ŋaa Nɩɩ-la sɩ sʋba aŋ laa sɩpaaŋ sii sʋʋŋ lɛ. Ʋ nɛ kɛŋ dʋnɩa kuoroo kala doluŋ. Má leŋ dɩ la dɛnnʋ, a tɩŋ ʋ sɩ chola ŋɩɩ a joŋ ʋ chalɩŋ a jaasɛ, a lɩɩsɛla wʋbɔŋŋɔɔ lɛ.

Jɔɔŋ Wʋnaalaa 5:9

Ŋɩɩ nɛ nɩhɩasɩ-la arɩ kɩalɩŋ sɩ weye ta yɩɩl-falɩŋ aa yɩɩ, “Ŋ nɛ wuo laa teŋ-la ba sɩ mɛrɛ, a lɛrɛ kel-la ba sɩ kaa mɛrɛ, bɛɛ wɩaa ba kpʋŋ nɛ. Ba sɩ kpʋŋ ŋɩɩ, ŋ joŋ ŋ chalɩŋ a yɔɔ nuhuobiine mɩɩsɩŋ a pɩ Wɩa. Nɩalɩŋ ŋ sɩ yɔbɔ lɩɩ nɩdoho kala tʋɔŋ nɛ aa bʋl yikori doho kala a hɛ taŋ kala arɩ tintee kala lɛ.