1 Jɔɔŋ 3:14 - WƖA TENIŊ

¹⁴ La-na cho la dɔnsʋŋ tɩŋŋaa nɛ. Ŋɩɩ nɛ tɩɩ la jɩŋ arɩ la lɩɩ sʋʋŋ bʋa lɛ nɛ a kɛŋ mɩɩsɩ-la sɩ bɩ dɛrɛ. Nɩɩ-la kala sɩ bɩ nɩaa cho ha hɛ sʋʋŋ bʋa lɛ nɛ.

1 Jɔɔŋ 3:14 ပူးပေါင်းရင်းမြစ်များ

WƖA YƖƖLAA 16:3

Ŋ nɩaa wɩaa chaasa zɔŋ nɛ woruŋ, mɩ tʋɔŋ tɔrɛ ba nyuŋ nɛ.

NAMAGABA 21:16

Nɩɩ-la kala sɩ yeŋŋi wombii-la ʋ sɩ jaŋ to jɩŋ wɩaa sɩaa lɛ, ʋ pɛ nɩsʋʋnʋŋ tʋɔŋ nɛ.

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

Luuk 15:24

Ʋ naga mɩ bie deeŋ fa sʋba nɛ aŋ lɛɛlɛ sii. Ʋ fa lɛlɛ nɛ, ka la lɛɛlɛ naʋ.’ Ŋɩɩ nɛ ba dii kɩaa arɩ tʋɔtɔrʋŋ.

Luuk 15:32

Ama ʋ maga dɩ la gbieli gbiele a leŋ dɩ la tʋɔŋ tɔrɛ nɛ, bɛɛ wɩaa ʋ nagɛ ŋ ŋaana deeŋ fa sʋba nɛ aŋ sii. Ʋ fa lɛlɛ nɛ, ka la lɛɛlɛ naʋ.’ ”

Luuk 7:5

Ʋ cho la nɩaa nɛ woruŋ. Ʋ tɩtɩa nɛ saa Wɩɩchʋɔlɛ dɩa a pɩla.”

Jɔɔŋ 13:35

Dɩ ma nɛ cho dɔŋɔ, ŋɩɩ lɛ nɛ nɩaa kala jaŋ to jɩŋ arɩ ma sɛnɛ ŋaa mɩ harɩ-tooroo nɛ.”

Jɔɔŋ 15:12

Wɩɩ-la mɩ sɩ bʋla pɩma dɩ maa ŋaa nɛ ŋ-la: Má cho dɔŋɔ arɩ mɩ sɩ choma ŋɩɩ.

Jɔɔŋ 15:17

Wɩɩ-la mɩ sɩ bʋla pɩma dɩ maa ŋaa nɛ ŋ-la: Má cho dɔŋɔ.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

2 Kɔrɩntɩ Nɩaa 5:1

La jɩma la yaraa deemba la sɩ kɛnɛ la mɩɩsɩŋ deeŋ lɛ, dɩ la nɛ sʋba a mʋ Wɩa teeŋ, ʋ jaŋ pɩla yarɩ-falaa. Yarɩ-falɩa-la bɩ dʋnɩa deeŋ lɩa. Ba lɩɩ Wɩa teeŋ nɛ. La jaŋ kɛmba a hɛ Wɩa jaŋ lɛ deeŋ deeŋ.

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Ɛfɛsɩs Nɩaa 1:15

Mɩ nɩɩ ŋɩɩ ma sɩ laa La Tɩɩna Yesu wɩaa dii arɩ ŋɩɩ ma sɩ cho Wɩa nɩaa ma nɛ.

Ɛfɛsɩs Nɩaa 2:1

Ma fa naga arɩ ma sʋba nɛ a tɩŋ ma wʋcheelee arɩ ma wʋbɔŋŋɔɔ wɩaa.

Ɛfɛsɩs Nɩaa 2:5

a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Koloosi Nɩaa 1:4

bɛɛ wɩaa la nɩa arɩ ma sɛɩ Kirisito Yesu niiŋ nɛ, a cho Wɩa nɩaa ma kala.

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

Hiburu TƖŊŊAA 13:1

Ma nɩalɩŋ sɩ laa Yesu wɩaa dii, ma sɩ cho dɔŋɔ ŋɩɩ, má kɛŋ ŋɩɩ naaŋ lɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 3:8

Wɩɩ-la mɩ sɩɩ chɛ dɩ mɩ bʋl wʋkaanɩŋ nɛ ŋ-la: Má kala kɛŋ tʋɔ-bala, má fɩfá dɔŋɔ nenige, má cho dɔŋɔ, bɛɛ wɩaa ma ŋaa naambiiri nɛ, a kɛŋ zile dɔŋɔ lɛ, a kɛŋ ma tɩtɩa muuri dɔŋɔ teeŋ.

2 Pɩɩta 1:7

ma sɩɩ ŋaa wɩalɩŋ sɩɩ to Wɩa wombiiŋ ŋɩɩ, ma kɛŋ zile ma naambiiri-la kala teeŋ, aŋ pɛ choba maa.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

1 Jɔɔŋ 4:12

Nʋʋkala ha bɩ Wɩa na. Dɩ la nɛ cho dɔŋɔ, Wɩa hɛ la teeŋ nɛ a kaa mʋ. Dɩ ʋ nɛ hɛ la teeŋ ŋɩɩ, la jaŋ cho Wɩa arɩ la dɔnsʋŋ tɩŋŋaa kɩŋkɛŋ.

1 Jɔɔŋ 5:13

Mɩ ŋmʋnsɛ wɩɩŋ deeŋ pɩpɩma dɩ ma nɩalɩŋ sɩ laa Wɩa Bie wɩaa dii ma wuo jɩŋ arɩ ma kɛŋ mɩɩsɩ-la sɩ bɩ dɛrɛ nɛ.

1 Jɔɔŋ 5:2

Dɩ la nɛ cho Wɩa a tuto wɩalɩŋ ʋ sɩ dagɛla, ŋɩɩ daga arɩ la cho Wɩa biiriŋ nɛ.