1 Jɔɔŋ 3:10 - WƖA TENIŊ

¹⁰ Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:10 ပူးပေါင်းရင်းမြစ်များ

2 SAMƲƐL 13:22

Abɩsalɔm faa ŋaa wɩaa Amɩnɔŋ teeŋ a nagɛ ʋ dɩ Amɩnɔŋ bɩ wɩɩkala kɛnɛ, ama aŋ bɛrʋ woruŋ a tɩŋ ʋ sɩ gurigi ʋ dɩ-haala Tama.

Matiu 13:38

Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa.

Luuk 6:35

Ama wɩalɩŋ mɩ sɩɩ chɛ dɩ ma ŋaa nɛ ŋ-la: Má cho ma dʋndɔŋŋɔɔ a ŋɩŋaa wʋzɔŋŋɔɔ ba lɛ, a joŋ kɩaa chɩmba aŋ sɩ́ gbɛrɛ dɩ ba timma. Dɩ ma nɛ ŋaa ŋɩɩ, Wɩa jaŋ leŋ dɩ ma ŋaa ʋ-na Wɩɩ-balɩŋ biiriŋ, dɩ ʋ joŋ kʋbalbal timma. Wɩa yie pɛ nɩbɔŋŋɔɔ arɩ nɩalɩŋ ma kala sɩ kɛŋ sɩɩŋ lɛ nɛ.

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Jɔɔŋ 8:47

Nɩɩ-la kala sɩ lɩɩ Wɩa teeŋ yie jegile nɩɩ wɩalɩŋ Wɩa sɩɩ bʋl nɛ. Ma bɩ Wɩa teeŋ lɩa, ŋɩɩ nɛ tɩɩ ma bɩ wɩalɩŋ ʋ sɩɩ bʋl jegile nɩɩ.”

Tɩntɩŋŋaa 13:10

a bʋla pʋ, “Ŋ-na Sɩtaanɩ bie deeŋ, ŋ ŋaa wʋzɔŋ kala dʋndɔŋ nɛ. Ŋŋ nyɩsɛ nɩaa nɛ, a ŋɩŋaa wʋbɔŋŋɔɔ kɩŋkɛŋ. Wɩa wombii-tɩtɩɩba-la ŋ kaa golibi nɛ.

Rom Tɩŋŋaa 13:8

Sɩ́ nʋʋkala chɩŋ dii. Chɩŋ-la dʋndʋŋa sɩ maga dɩ ŋ dii, ŋ bɩ jaŋ time dɛrɛ nɛ ŋ-la: Cho ŋ dɔŋɔ tɩɩna. Nɩɩ-la kala sɩ cho ʋ dɔŋɔ tɩɩna ŋaa wɩalɩŋ kala Mosis fa sɩ ŋmʋnsa bil dɩ nɩaa tuto nɛ.

Ɛfɛsɩs Nɩaa 5:1

Ma ŋaa Wɩa bii-chooloo nɛ, ŋɩɩ wɩaa, má chichesi Wɩa wʋŋaalaa.

Koloosi Nɩaa 3:14

Wɩaa deemba kala wʋnyuŋ nɛ chonuŋ. Chonuŋ nɛ jaŋ pɩma doluŋ dɩ ma wuo ŋaa wɩaa deemba kala woruŋ.

1 Timoti 1:5

Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.

1 Jɔɔŋ 2:29

Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 3:1

Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

1 Jɔɔŋ 4:21

Wɩa bʋla pɩla arɩ nɩɩ-la kala sɩ chou, ʋ maga dɩ ʋ cho ʋ dɔŋɔ tɩɩna ma nɛ.

1 Jɔɔŋ 4:6

Ama la-na ŋaa nɩalɩŋ Wɩa sɩ tɩɩ nɛ. Nɩɩ-la kala sɩ jɩŋ Wɩa, ʋ tɩɩna ma jegilee nɩɩ la teeŋ nɛ. Nɩalɩŋ ma sɩ bɩ Wɩa jɩŋ, ba bɩ la teeŋ jegili. Ŋ-la lɛ nɛ la jaŋ wuo to jɩŋ wʋtɩtɩɩ tɩŋŋaa arɩ wʋnyɩɛraa.

1 Jɔɔŋ 4:8

Nɩɩ-la ma kala sɩ bɩ nɩaa cho, ʋ bɩ Wɩa jɩŋ, bɛɛ wɩaa chonuŋ ŋaa Wɩa kʋŋ nɛ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

1 Jɔɔŋ 5:2

Dɩ la nɛ cho Wɩa a tuto wɩalɩŋ ʋ sɩ dagɛla, ŋɩɩ daga arɩ la cho Wɩa biiriŋ nɛ.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.