1 Jɔɔŋ 3:1 - WƖA TENIŊ

¹ Ma na ŋɩɩ la Nyɩmma Wɩa sɩ chola. Ʋ chola kieli, ŋɩɩ nɛ tɩɩ ʋ kɛnla yɩyɩrɛ ʋ biiriŋ. Wʋtɩtɩɩ, la sɛnɛ ŋaa ʋ biiriŋ nɛ. Dʋnɩa nɩaa bɩ Wɩa jɩŋ, ŋɩɩ nɛ tɩɩ ba bɩ la ma jɩŋ ŋɩɩ.

1 Jɔɔŋ 3:1 ပူးပေါင်းရင်းမြစ်များ

2 SAMƲƐL 7:19

La TƖƖNA Wɩɩjarɩbakɔ, a nagɛ dɩ bumbuŋ wɩɩ-la paala bɩ yʋgɛ, ŋ bɩra wasa dagɛ ŋɩɩ mɩ-na ŋ tɩntɩnna dɩa maachie sɩ jaŋ nagɛ. La TƖƖNA Wɩɩjarɩbakɔ, mɩ jɩma ŋɩɩ dee ŋ vɛnɛ ŋaa wɩaa pɩpɩ nɩaa.

WƖA YƖƖLAA 31:19

Ŋ wʋzɔŋŋɔɔ yʋga, ba nɛ ŋ joŋo bil nɩalɩŋ sɩɩ fáŋ lɛ. Ba nɛ ŋ joŋo pɩ nɩalɩŋ sɩ kʋ yuoruŋ, ka nɩaa bibeŋ.

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

Luuk 20:36

Ba jaŋ nagɛ Wɩa tɩndaaraa a bɩra bɩ jaŋ sʋʋ. Wɩa sɩ chɩsɛba sʋʋŋ lɛ ŋɩɩ, ba jaŋ ŋaa Wɩa biiriŋ.

Jɔɔŋ 1:12

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Jɔɔŋ 11:52

tinteeŋ deeŋ nɩaa ma dʋndʋŋa wɩaa dee, ama dɩ ʋ wuo pɛ kɛsɛ Wɩa biiri-la sɩ pɩsa hɛ leree dɔnsʋŋ ma a hɛ dɔŋɔ lɛ.

Jɔɔŋ 15:21

Ba jaŋ ŋaa wɩaa deemba kala a tɩŋ ma sɩɩ to mɩ harɩŋ wɩaa. Ba sɩ bɩ nɩɩ-la sɩ tɩmmɛ jɩŋ nɛ tɩɩ baa ŋaa ŋɩɩ.

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 5:8

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

Rom Tɩŋŋaa 8:19

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

Rom Tɩŋŋaa 8:21

bɛɛ wɩaa Wɩa jaŋ laaba ta a lɩɩsɛba sʋʋŋ bʋa lɛ. Wɩa biiriŋ sɩ jaŋ kɔ a laa yɩrɩŋ ŋɩɩ a tɩɩ ba tɩtɩa, ba ma jaŋ tɩɩ ba tɩtɩa ŋɩɩ a ma kɛŋ yɩrɩŋ.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

2 Kɔrɩntɩ Nɩaa 6:18

Mɩ jaŋ ŋaa ma Nyɩmma dɩ ma ma ŋaa mɩ hambolibiisiŋ arɩ mɩ toloo.” La Tɩɩna doluŋ kala Tɩɩna nɛ bʋl ŋɩɩ.

Galiisia Nɩaa 3:26

A tɩŋ ma sɩ laa Yesu Kirisito dii nɛ tɩɩ ma kala ŋaa Wɩa biiriŋ ŋɩɩ.

Galiisia Nɩaa 3:29

Dɩ ma dɩ Kirisito nɛ ŋaa kʋbala, ŋɩɩ-na ma ŋaa Abɩraham doho nɩaa nɛ. Wɩa sɩ sɩ ʋ jaŋ ŋaa wɩɩ-la a pɩ Abɩraham, ʋ jaŋ ŋaa pɩ ma ma.

MOSIS BƖRA WULLI WƖA WOMBIIŊ 14:1

Ma ŋaa La TƖƖNA Wɩa biiriŋ nɛ. Dɩ nʋʋ nɛ sʋba dɩ ma yiyel ʋ yoho, má sɩ́ ma yaraa kpɛrʋ, a sɩ́ ma tilliŋ ma fʋŋ arɩ nɩaa dɔnsʋŋ sɩɩ ŋaa ŋɩɩ,

Koloosi Nɩaa 3:3

bɛɛ wɩaa ʋ naga ma sʋba nɛ, ka ma mɩɩsɩŋ faa Kirisito lɛ. Ʋ nɛ hɛ Wɩa teeŋ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.

Jɔɔŋ Wʋnaalaa 21:7

Nɩɩ-la kala sɩ wuo yuo dii Sɩtaanɩ jaŋ na kɩaa deemba kala. Mɩ jaŋ ŋaa ʋ Wɩa, ʋ ma jaŋ ŋaa mɩ bii.