1 Jɔɔŋ 2:9 - WƖA TENIŊ

⁹ Nɩɩ-la kala sɩ sɩ ʋʋ vɛŋ pʋlʋmʋŋ tʋɔŋ aŋ bɛrɛ ʋ dɔŋɔ tɩɩna, ʋ ha hɛ birimiŋ tʋɔŋ nɛ.

1 Jɔɔŋ 2:9 ပူးပေါင်းရင်းမြစ်များ

2 SAMƲƐL 13:22

Abɩsalɔm faa ŋaa wɩaa Amɩnɔŋ teeŋ a nagɛ ʋ dɩ Amɩnɔŋ bɩ wɩɩkala kɛnɛ, ama aŋ bɛrʋ woruŋ a tɩŋ ʋ sɩ gurigi ʋ dɩ-haala Tama.

WƖA YƖƖLAA 82:5

Ma bɩ wɩaa jɩŋ, a bɩ wɩaa bʋbʋɔŋ ma jɩŋ. Ma hɛ birimiŋ tʋɔŋ nɛ. Dʋnɩa gentine kala ka jigisi nɛ.

LEVI DOHO NƖAA 19:17

Sɩ́ ŋ naambie bɛrʋ, dɩ ʋ nɛ ŋaa wʋbɔŋ, bʋl wʋtɩtɩɩ pʋ, dɩ ŋ sɩ́ pɛ laa cheeriŋ.

Jɔɔŋ 9:41

Ŋɩɩ nɛ Yesu bʋla pɩba, “Dɩ ma nɛ fa nyʋlɩma a bɩ wʋtɩtɩɩ jɩŋ, ma fa bɩ wɩɩkala cheye. Ama lɛɛlɛ ma sɩ folo bʋl dɩ maa na nɛ a jɩŋ wʋtɩtɩɩ ŋ-la, ŋɩɩ-na ma cheeriŋ ha hɛ ma lɛ nɛ.”

Tɩntɩŋŋaa 1:15

Tapʋlɩɩ kʋbala ba kʋ hilimi, ba fa yi arɩ nɩaa zɔlɔ arɩ mara. Ŋɩɩ nɛ Pɩɩta sii chɩŋ dɩ ʋ bʋl wɩaa.

2 Pɩɩta 1:9

Nɩɩ-la kala sɩ bɩ wɩaa deemba ka ŋaa, ʋ tɩɩna ŋaa nyʋlʋŋ nɛ, a nagɛ nɩɩ-la sɩɩ na ʋ naasɩŋ bʋbʋɔŋ dʋndʋŋa aŋ bɩ dɩ-bolii ka na, bɛɛ wɩaa ʋ tɩɩna paala yʋ arɩ Yesu chɛsɛ ʋ wʋbɔŋŋɔɔ ta nɛ.

1 Jɔɔŋ 1:6

Dɩ la nɛ sɩ la dɩ ʋ kɛŋ nii-bala aŋ ka laa ŋaa birimiŋ tʋɔŋ wɩaa, laa nyɩɛ nɛ. La wʋŋaalaa arɩ la wʋbʋlaa kala bɩ wʋtɩtɩɩ kɛnɛ.

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 3:10

Ŋ-la lɛ nɛ ma jaŋ wuo to jɩŋ Wɩa biiriŋ arɩ Sɩtaanɩ biiriŋ. Nɩɩ-la kala sɩ bɩ wɩaa ŋaa ba bʋa lɛ, koo nɩɩ-la kala sɩ bɩ ʋ dɔŋɔ tɩɩna cho, ʋ tɩɩna bɩ Wɩa bii ŋaa.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.