1 Jɔɔŋ 2:6 - WƖA TENIŊ

⁶ Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 2:6 ပူးပေါင်းရင်းမြစ်များ

WƖA YƖƖLAA 85:13

Tʋɔpʋl wʋŋaalaa nɛ jaŋ laa La Tɩɩna sɩpaaŋ, a wasɛ wombiiŋ pʋ.

Matiu 11:29

Má laa mɩ chʋga a chʋŋ aŋ gʋnnɛ mɩ teeŋ, bɛɛ wɩaa mɩ kɛŋ mɩ tɩtɩa muuri nɛ, mɩ sɩaa ma fɩɛlɛ. Dɩ ma nɛ ŋaa ŋɩɩ, ma jaŋ na wiese.

Jɔɔŋ 13:15

Mɩ laa sɩpaaŋ ŋaa ma na nɛ, dɩ ma ma ŋɩŋaa ŋɩɩ dɔŋɔ lɛ.

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

1 Kɔrɩntɩ Nɩaa 11:1

Má chesimi arɩ mɩ sɩɩ chesi Kirisito ŋɩɩ.

Ɛfɛsɩs Nɩaa 5:2

Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.

1 Pɩɩta 2:21

Wɩa paala yɩrɛma dɩ ma na hɛɛŋ nɛ. Má liisi arɩ Yesu Kirisito tɩtɩa na hɛɛŋ nɛ ma wɩaa a dagɛma ŋɩɩ ma sɩ jaŋ to ʋ naabʋɔsʋŋ.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.

1 Jɔɔŋ 3:6

Dɩ nʋʋ arɩ Kirisito nɛ ŋaa kʋbala, ʋ tɩɩna bɩ wʋbɔŋŋɔɔ ka ŋaa. Ama nɩɩ-la kala ha sɩɩ ŋaa wʋbɔŋŋɔɔ, ʋ tɩɩna bɩ Kirisito jɩŋ. Ʋ sɩaa ma ha bɩ ʋ nyuŋ pollo.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.