1 Jɔɔŋ 2:5 - WƖA TENIŊ

⁵ Ama nɩɩ-la kala sɩɩ to ʋ niiŋ wɩaa, ʋ nɛ nɩɩ-la sɩ sɛnɛ cho Wɩa kɩŋkɛŋ. Ŋɩɩ lɛ nɛ la jaŋ to jɩŋ arɩ la hɛ Wɩa teeŋ nɛ.

1 Jɔɔŋ 2:5 ပူးပေါင်းရင်းမြစ်များ

WƖA YƖƖLAA 105:45

dɩ ŋɩɩ leŋ dɩ ba to wɩalɩŋ ʋ sɩ daga, a kɛŋ wombie-la ʋ sɩ bile dɩ ba tuto tɩtɩŋ. Má dɛnnɛ La Tɩɩna.

WƖA YƖƖLAA 106:3

Nɩalɩŋ sɩ chɩŋ wʋtɩtɩɩ naaŋ lɛ, arɩ nɩalɩŋ sɩɩ ŋaa wɩaa ba bʋa lɛ bʋa na-kala, ba tʋɔŋ jaŋ tɔrɛ.

WƖA YƖƖLAA 119:146

Mɩ yelee pɩŋ nɛ, laamɛ ta, mɩ jaŋ to wɩalɩŋ ŋ sɩ daga.

WƖA YƖƖLAA 119:2

Nɩalɩŋ sɩɩ to wɩalɩŋ ʋ sɩ daga jaŋ kɛŋ tʋɔtɔrʋŋ, nɩalɩŋ sɩɩ to ʋ niiŋ arɩ ba tʋɔŋ kala.

WƖA YƖƖLAA 119:4

La Tɩɩna, ŋ nɛ bil wombie-la pɩla, dɩ la chaasa tutoba.

NAMAGABA 28:7

Bile sɩɩ to Wɩa wombiiŋ jɩŋ wɩaa sɩaa nɛ. Ama nɩɩ-la sɩɩ to luobii-tɩŋŋaa harɩŋ hɩɩsɛ ʋ nyɩmma nɛ.

NAMAGABA 8:32

Lɛɛlɛ, mɩ biiri, má jegile nɩɩ mɩ teeŋ, nɩalɩŋ sɩɩ to mɩ niiŋ jaŋ kɛŋ tʋɔtɔrʋŋ.

TƖƖCHA 8:5

Nɩɩ-la kala sɩɩ to ʋ wʋdagaa bɩ jaŋ jʋʋ wɩɩ. Nɩɩ-la sɩ kɛŋ wʋjɩmɩŋ jɩŋ bʋa-la lɛ sɩ maga dɩ ʋ ŋaa wɩɩŋ arɩ ŋɩɩ ʋ sɩ jaŋ ŋaaʋ nɛ.

ƐZƖKƖƐL 36:27

Mɩ jaŋ joŋ mɩ Dɩma a hɛ ma lɛ, a leŋ dɩ ma to mɩ wʋdagaa a fɩɛlɛ ma sɩaa a to wombie-la mɩ sɩ bile dɩ ma tuto.

Luuk 11:28

Ŋɩɩ nɛ Yesu mɩɩra bʋla pʋ, “Nɩɩ-la sɩ nɩɩ Wɩa niiŋ wɩaa a tutoba, ʋ-na tɩɩna tʋɔŋ nɛ jaŋ tɔrɛ.”

Jɔɔŋ 14:21

Nɩɩ-la kala sɩ nɩɩ mɩ niiŋ wɩaa aa toba, ʋ tɩɩna nɛ chomi. Mɩ Nyɩmma ma saa jaŋ cho nɩɩ-la sɩ chomi. Mɩ ma jaŋ cho tɩɩna a kɛŋ mɩ tɩtɩa kaa dagʋ.”

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 6:56

Nɩɩ-la kala sɩ chaŋ mɩ yaraa nammɩa-la a nyʋa mɩ chal-la, ʋ jaŋ hɛ mɩ lɛ, dɩ mɩ ma hɛ ʋ lɛ.

Rom Tɩŋŋaa 8:1

Dɩ la dɩ Kirisito kala nɛ ŋaa kʋbala, Wɩa bɩra bɩ jaŋ dii la sarɩya a joŋ cheeriŋ pɩla.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

2 Kɔrɩntɩ Nɩaa 5:17

Ŋɩɩ wɩaa dɩ nʋʋkala nɛ laa Kirisito wɩaa dii, Wɩa kɛnʋ bɩrɩmɛ nɩ-falɩɩ nɛ. Wʋbɩnɩa-la kala bálá nɛ. Wʋfalaa nɛ suomi ʋ mɩɩsɩŋ lɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Jeems 2:22

Abɩraham laa Wɩa wɩaa dii nɛ a faa ŋaa wɩalɩŋ ma Wɩa sɩ cho. Ʋ ŋaa wʋzɔŋŋɔɔ a pɛ wɩalɩŋ ʋ sɩ laa dii lɛ nɛ. Ŋɩɩ nɛ ʋ Wɩa laa diine-la sɛnɛ wasa su.

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.

1 Jɔɔŋ 4:18

Nɩɩ-la sɩ cho Wɩa arɩ nɩaa, ʋ tɩɩna bɩ fawʋllʋŋ ka fá. Dɩ la nɛ cho Wɩa arɩ nɩaa kɩŋkɛŋ, chono-la kiri fawʋllʋŋ ta nɛ. Dɩ la nɛ haa fá fawʋllʋŋ arɩ Wɩa jaŋ dɔgɩsɛla, la ha bɩ Wɩa arɩ nɩaa cho kɩŋkɛŋ.

1 Jɔɔŋ 5:2

Dɩ la nɛ cho Wɩa a tuto wɩalɩŋ ʋ sɩ dagɛla, ŋɩɩ daga arɩ la cho Wɩa biiriŋ nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

2 Jɔɔŋ 1:6

Dɩ la nɩɩ to wɩalɩŋ Wɩa sɩ daga, la sɛnɛ cho Wɩa arɩ nɩaa nɛ. Wɩɩ-la Wɩa fa sɩ bʋla pɩla bumbuŋ kala nɛ ŋ-la: dɩ la cho dɔŋɔ.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.