1 Jɔɔŋ 2:4 - WƖA TENIŊ

⁴ Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 2:4 ပူးပေါင်းရင်းမြစ်များ

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Taatɩs 1:10

Nɩalɩŋ sɩ laa Wɩa wɩaa dii yʋga a bɩ chɛ dɩ ba tuto nɩhɩasɩŋ niiŋ wʋbʋlaa, a saa wasa nyaŋ Juu tɩmma-la sɩ laa Yesu wɩaa dii. Ba ŋaa wʋbʋl deeŋ deeŋ tɩmma nɛ, aa nyɩsɛ nɩaa.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

1 Jɔɔŋ 1:10

Ama dɩ la nɛ sɩ la bɩ wʋbɔŋŋɔɔ ŋaa, la kɛŋ Wɩa yɩrɛ wʋnyɩɛrʋ nɛ. La bɩ ʋ niiŋ wɩaa laa dii.

1 Jɔɔŋ 1:6

Dɩ la nɛ sɩ la dɩ ʋ kɛŋ nii-bala aŋ ka laa ŋaa birimiŋ tʋɔŋ wɩaa, laa nyɩɛ nɛ. La wʋŋaalaa arɩ la wʋbʋlaa kala bɩ wʋtɩtɩɩ kɛnɛ.

1 Jɔɔŋ 1:8

Dɩ la nɛ sɩ la bɩ wʋbɔŋŋɔɔ ŋaa, laa nyɩsɛ la tɩtɩa nɛ. La bɩ wʋtɩtɩɩ kɛnɛ.

1 Jɔɔŋ 2:3

Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 2:9

Nɩɩ-la kala sɩ sɩ ʋʋ vɛŋ pʋlʋmʋŋ tʋɔŋ aŋ bɛrɛ ʋ dɔŋɔ tɩɩna, ʋ ha hɛ birimiŋ tʋɔŋ nɛ.

1 Jɔɔŋ 3:6

Dɩ nʋʋ arɩ Kirisito nɛ ŋaa kʋbala, ʋ tɩɩna bɩ wʋbɔŋŋɔɔ ka ŋaa. Ama nɩɩ-la kala ha sɩɩ ŋaa wʋbɔŋŋɔɔ, ʋ tɩɩna bɩ Kirisito jɩŋ. Ʋ sɩaa ma ha bɩ ʋ nyuŋ pollo.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.