1 Jɔɔŋ 2:3 - WƖA TENIŊ

³ Dɩ la nɩɩ to wɩalɩŋ Wɩa sɩ daga, ŋɩɩ daga arɩ la jɩŋ Wɩa nɛ.

1 Jɔɔŋ 2:3 ပူးပေါင်းရင်းမြစ်များ

WƖA YƖƖLAA 119:32

Mɩ jaŋ chaasa to wɩalɩŋ ŋ sɩ daga, bɛɛ wɩaa ŋ jaŋ leŋ dɩ mɩ jɩŋ wɩaa bʋbʋɔŋ kɩŋkɛŋ.

WƖA YƖƖLAA 119:6

Dɩ mɩ nɛ joŋ mɩ tʋɔbɩɩnaa hɛ wɩalɩŋ ŋ sɩ daga lɛ, ŋɩɩ nɛ jaŋ leŋ dɩ hɩɩsɩŋ sɩ́ mɩ dii.

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

Luuk 6:46

Ŋɩɩ nɛ Yesu bɩra bʋl, “Bɛɛ nɛ tɩɩ ma kɛmmɛ yɩyɩrɛ ‘La Tɩɩna, La Tɩɩna,’ aŋ bɩ wɩalɩŋ mɩ sɩɩ bʋl ka ŋaa?

Jɔɔŋ 14:15

Ŋɩɩ nɛ Yesu bɩra bʋl, “Dɩ ma nɛ chomi, ma jaŋ tuto mɩ niiŋ wɩaa.

Jɔɔŋ 15:10

Dɩ ma nɩɩ to mɩ niiŋ wɩaa, mɩ jaŋ choma, arɩ mɩ sɩɩ to mɩ Nyɩmma niiŋ wɩaa a mɛrɛ ʋ lɛ ʋ chomi ŋɩɩ.

Jɔɔŋ 15:14

Dɩ ma nɩɩ ŋaa wɩalɩŋ mɩ sɩ bʋla pɩma dɩ maa ŋaa, ma jaŋ ŋaa mɩ nandɔnsʋŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

1 Jɔɔŋ 2:13

Mɩ nyɩmmaba ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ. Ŋɩɩ nɛ tɩɩ mɩ ŋmʋnsa pɩpɩ ma ma. Ma bapʋɔsaa ma, ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩ ma ma. Mɩ biiriŋ, ma ma jɩŋ la Nyɩmma Wɩa nɛ, ŋɩɩ nɛ tɩɩ mɩ ŋmʋnsa pɩpɩ ma ma.

1 Jɔɔŋ 3:14

La-na cho la dɔnsʋŋ tɩŋŋaa nɛ. Ŋɩɩ nɛ tɩɩ la jɩŋ arɩ la lɩɩ sʋʋŋ bʋa lɛ nɛ a kɛŋ mɩɩsɩ-la sɩ bɩ dɛrɛ. Nɩɩ-la kala sɩ bɩ nɩaa cho ha hɛ sʋʋŋ bʋa lɛ nɛ.

1 Jɔɔŋ 3:19

Dɩ la nɩɩ ŋaa ŋɩɩ, la jaŋ wuo to ŋɩɩ lɛ a jɩŋ arɩ laa to wʋtɩtɩɩ wombiiŋ nɛ a wuo na wiese Wɩa teeŋ.

1 Jɔɔŋ 3:6

Dɩ nʋʋ arɩ Kirisito nɛ ŋaa kʋbala, ʋ tɩɩna bɩ wʋbɔŋŋɔɔ ka ŋaa. Ama nɩɩ-la kala ha sɩɩ ŋaa wʋbɔŋŋɔɔ, ʋ tɩɩna bɩ Kirisito jɩŋ. Ʋ sɩaa ma ha bɩ ʋ nyuŋ pollo.

1 Jɔɔŋ 4:13

Ʋ joŋ ʋ Dɩŋ-zɔŋ-la hɛ la lɛ dɩ ʋ dɩdagɛla. Ŋɩɩ lɛ nɛ la to jɩŋ arɩ la hɛ Wɩa teeŋ nɛ, Wɩa ma hɛ la teeŋ nɛ a kaa mʋ.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

1 Jɔɔŋ 5:2

Dɩ la nɛ cho Wɩa a tuto wɩalɩŋ ʋ sɩ dagɛla, ŋɩɩ daga arɩ la cho Wɩa biiriŋ nɛ.

1 Jɔɔŋ 5:3

Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.