1 Jɔɔŋ 2:29 - WƖA TENIŊ

²⁹ Ma jɩma arɩ Kirisito ŋaa tʋɔpʋl Tɩɩna nɛ, ma saa jaŋ jɩŋ arɩ nʋʋkala sɩ ŋaa tʋɔpʋl tɩɩna, ʋ tɩɩna ŋaa Kirisito bii nɛ.

1 Jɔɔŋ 2:29 ပူးပေါင်းရင်းမြစ်များ

JƐRƖMAAYA 13:23

Kus tɩɩna jaŋ wuo kɛŋ ʋ yaraa bɩrɩmɛ koo kpeye jaŋ wuo kɛŋ ʋ yaraa sɩ ŋaa ŋmʋna ŋmʋna ŋɩɩ a bɩrɩmɛ? Ma ma saa bɩ jaŋ wuo ŋaa wʋzɔŋŋɔɔ, bɛɛ wɩaa wʋbɔŋŋɔɔ nɛ ma ŋaa mal.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Jɔɔŋ 1:13

Nɩaa deemba bɩ naga baala sɩ jɩŋ ʋ haala ba lʋl biiriŋ ŋɩɩ nɛ. Wɩa tɩtɩa nɛ ŋaa ba Nyɩmma.

Jɔɔŋ 7:18

Nɩɩ-la sɩ yie bʋbʋl wɩaa ʋ tɩtɩa doluŋ lɛ yie bʋla chɩchɛ ʋ tɩtɩa yɩrɩŋ nɛ. Ama nɩɩ-la sɩɩ chɛ dɩ nɩɩ-la sɩ tɩmʋ laa yɩrɩŋ, ʋ ŋaa nɩtɩtɩɩ nɛ, ʋ bɩ wɩaa ka nyɩɛ.

Tɩntɩŋŋaa 10:35

Nʋʋkala sɩɩ faʋ a ŋɩŋaa wɩaa ba bʋa lɛ, Wɩa laaʋ nɛ. Ʋ sɩpaaŋ tuo doho-la kala ʋ sɩ ŋaa lɛ.

Tɩntɩŋŋaa 22:14

Ŋɩɩ nɛ Ananɩas bʋla pɩmɛ, ‘Wɩa-la la dɩ la naabalɩmaba sɩɩ to nɛ lɩɩsɩŋ dɩ ŋ jɩŋ wɩɩ-la ʋ sɩɩ chɛ dɩ ŋ ŋaa. Ʋ leŋ ŋ na Wɩa tʋɔpʋl Tɩɩna a nɩɩ ʋ yikoro ma ʋ sɩ bʋl wɩaa pɩŋ.

Tɩntɩŋŋaa 3:14

Ma vɩa tʋɔpʋl Tɩɩna sɩ bɩ disiniŋ kɛnɛ nɛ, aŋ sʋl dɩ ba joŋ nɩkpʋʋra ta,

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Hiburu TƖŊŊAA 7:2

Ŋɩɩ nɛ Abɩraham kɛŋ kɩalɩŋ ʋ sɩ yuo dii laal-la lɛ a kaa kpaa leree fii, a joŋ kʋbala pʋ. Mɛlɩkɩzɛdɛk yɩrɩ-la bʋbʋɔŋ nɛ, ‘kuoru-la sɩ kɛŋ tʋɔpʋla Wɩa sɩpaaŋ’. Ʋ nɛ ŋaa Salɛm kuoro ma. Salɛm kuoro bʋbʋɔŋ nɛ, ‘kuoru-la sɩ kɛŋ ʋ nɩaa hɔŋ sɔm’.

Hiburu TƖŊŊAA 7:26

Yesu sɩ ŋaa Wɩɩsʋllɩ sɩpaalaara kʋhɩaŋ ŋɩɩ, ʋ ŋaa wʋzɔŋ nɛ a pɩla. Yesu bɩ disiŋ kɛnɛ, ʋ bɩ wʋcheeli kɛnɛ, ʋ chaasa ŋaa nɩzɔŋ nɛ. Ʋ kɛŋ ʋ tɩtɩa pɔrɛ nɛ wʋbɔŋ ŋaaraa lɛ. Wɩa kɛnʋ ŋaa nɩbal. Ʋ sɩ hɛ Wɩa-jaŋ lɛ ŋɩɩ, ʋ yʋga kɩɩ kʋŋkala sɩ hɛ nɩmɛ.

Jeems 1:18

Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.

1 Pɩɩta 1:23

Ʋ naga ba wasa lʋlma nɛ a tɩŋ Wɩa niiŋ wɩaa sɩɩ pɩ nɩaa mɩɩsɩŋ. Ba nɛ pɩma mɩɩ-falɩŋ. Ba bɩ jaŋ pʋa, ba jaŋ hɛ nɩmɛ a kaa mʋ wuu. Ʋ bɩ nagɛ nuhuobiine sɩɩ sʋʋ nɛ pɩma mɩɩsɩŋ deeŋ. Ama Wɩa sɩ bɩ sʋʋ nɛ pɩma.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

2 Pɩɩta 1:4

Wɩaa deemba kala lɛ nɛ Wɩa to a ŋaa wʋbal-la ʋ fa sɩ sɩ ʋ jaŋ ŋaa pɩla. Wɩalɩŋ zɔmɔ kɩŋkɛŋ la teeŋ. Ʋ joŋ wɩaa deemba pɩla dɩ la wuo lɩɩsɛ la tɩtɩa wʋbɔmɔ-la dʋnɩa nɩaa sɩɩ to ba tʋɔtɔrɛ wʋŋaalaa lɛ a ŋɩŋaa, ka dɩ la kʋ nagɛ ŋɩɩ Wɩa sɩ naga.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 3:5

Ma kala jɩma arɩ Kirisito kɔ dɩ ʋ laa la wʋbɔŋŋɔɔ ta nɛ. Ʋ-na bɩ wʋbɔŋ kala ŋaa.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

1 Jɔɔŋ 4:7

Mɩ bii-chooloo, má leŋ dɩ la cho dɔŋɔ. Dɩ la nɛ cho dɔŋɔ, ʋ lɩɩ Wɩa teeŋ nɛ. Nɩɩ-la kala sɩ cho nɩaa ŋaa Wɩa bii-lʋlɩɩ nɛ a jɩŋ Wɩa.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:4

bɛɛ wɩaa Wɩa bii kala kɛŋ doluŋ nɛ dʋnɩa wɩaa lɛ. La sɩ laa Wɩa dii nɛ pɩla doluŋ deeŋ la yuo dii dʋnɩa wɩaa.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.