1 Jɔɔŋ 2:27 - WƖA TENIŊ

²⁷ Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 2:27 ပူးပေါင်းရင်းမြစ်များ

NAMAGABA 28:5

Nɩbɔŋŋɔɔ paala bɩ wʋtɩtɩɩ jɩŋ, ama nɩalɩŋ sɩɩ chɛ La Tɩɩna, ba-na jɩmʋ nɛ woruŋ.

LEVI DOHO NƖAA 7:35

A chɩŋ tapʋlɩɩ-la lɛ ba sɩ joŋ Wɩɩsʋllɩ nʋʋŋ tɩsɛ Arɔŋ arɩ ʋ hambolibiisiŋ dɩ ba ŋaa Wɩɩsʋllɩ sɩpaalaaraa, kʋnyɩgaa Wɩɩsʋlʋŋ kala lɛ ba toruŋ nɛ ŋɩɩ.

NAMBABA 7:43

Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala, dɩ ba kaa ŋaa mɩaa Wɩɩsʋlʋŋ,

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Jɔɔŋ 14:16

Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu.

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:13

Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 6:45

Ba ŋmʋnsɛ ŋ-la nɛ Wɩa wʋlaabʋllaa teniŋ tʋɔŋ. Ba sɩ, ‘Wɩa jaŋ dagɛ nɩaa kala.’ Nʋʋkala sɩ kɛŋ ʋ tɩtɩa hɛ dɔŋɔ dɩ ʋ jegile nɩɩ wɩalɩŋ mɩ Nyɩmma sɩɩ dagʋ a gʋnnɛ ʋ teeŋ, ʋ nɛ jaŋ kɔ mɩ teeŋ.

1 Kɔrɩntɩ Nɩaa 2:12

La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ.

1 Kɔrɩntɩ Nɩaa 2:13

La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.

2 Kɔrɩntɩ Nɩaa 1:21

Wɩa tɩtɩa nɛ leŋe la dɩ ma kala chɩŋ kpaŋ kpaŋ Kirisito lɛ. Ʋ nɛ lɩɩsɛla,

Ɛfɛsɩs Nɩaa 4:21

Ma nɩɩ Yesu wɩaa nɛ, ba dagɛma wʋtɩtɩɩ-la kala sɩ mʋ tɩgɛ Yesu lɛ.

Koloosi Nɩaa 2:6

Ma sɩ sɛyɛ arɩ Yesu Kirisito nɛ ŋaa ma Tɩɩna, má leŋ dɩ wɩɩ na-kala ma sɩɩ ŋaa lɛ, dɩ ʋ nagɛ ma dɩ ʋ ŋaa kʋbala nɛ.

1 Tɛsalonaaka Nɩaa 2:13

A tɩŋ wɩɩŋ deeŋ wɩaa, la yie lʋlɔllɛ Wɩa nɛ bʋa na-kala. La sɩ kɛŋ Wɩa wɩalɩŋ kʋ bʋla pɩma, ma laaba nɛ a sɛɩba. Ma bɩ ba joŋo arɩ ba ŋaa nuhuobiine wɩaa, ama ma sɛɩba arɩ ba sɛnɛ ŋaa Wɩa wɩaa nɛ, wɩalɩŋ ka tɩŋ ma nɩalɩŋ sɩ laaba dii lɛ nɛ.

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

1 Timoti 2:7

Ŋɩɩ nɛ tɩɩ Wɩa lɩɩsɛmɛ dɩ mɩ ŋaa ʋ nanzɔɔ a wuo heele bʋl wɩaa deemba a pɩ nɩalɩŋ sɩ bɩ Juu tɩŋŋaa ŋaa, aŋ pɛ dagɛba dɩ ba laa wɩalɩŋ dii a jɩŋ wʋtɩtɩɩ. Wʋtɩtɩɩ nɛ mɩɩ bʋl, mɩ bɩ wɩaa nyɩa.

1 Pɩɩta 1:23

Ʋ naga ba wasa lʋlma nɛ a tɩŋ Wɩa niiŋ wɩaa sɩɩ pɩ nɩaa mɩɩsɩŋ. Ba nɛ pɩma mɩɩ-falɩŋ. Ba bɩ jaŋ pʋa, ba jaŋ hɛ nɩmɛ a kaa mʋ wuu. Ʋ bɩ nagɛ nuhuobiine sɩɩ sʋʋ nɛ pɩma mɩɩsɩŋ deeŋ. Ama Wɩa sɩ bɩ sʋʋ nɛ pɩma.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

1 Jɔɔŋ 3:24

Nʋʋ na-kala sɩɩ to wɩalɩŋ Wɩa sɩ dagɛla, ʋ tɩɩna hɛ Wɩa teeŋ nɛ, Wɩa ma hɛ ʋ teeŋ. Ʋ sɩ joŋ ʋ Dɩŋ-zɔmʋŋ hɛ la lɛ nɛ leŋe la jɩŋ arɩ Wɩa hɛ la teeŋ nɛ.

2 Jɔɔŋ 1:2

La choma ŋɩɩ a tɩŋ wʋtɩtɩɩ-la sɩ hɛ la lɛ nɛ. Ʋ saa jaŋ hɛ la lɛ a kaa mʋ.