1 Jɔɔŋ 2:22 - WƖA TENIŊ

²² Kʋbɛɛ nɛ saa ŋaa wʋnyɩɛrɩ tɩɩna? Nɩɩ-la sɩ sɩ Yesu dee bɩ Kirisito ŋaa, Nɩɩ-la Wɩa sɩ lɩɩsa, ʋ nɛ ŋaa wʋnyɩɛrɩ tɩɩna. Nɩɩ-la nɛ ŋaa Kirisito dʋndɔŋ-balɩŋ, bɛɛ wɩaa ʋ nɛ vɩa la Nyɩmma Wɩa arɩ ʋ Bie Yesu.

1 Jɔɔŋ 2:22 ပူးပေါင်းရင်းမြစ်များ

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 24:5

Nɩaa jaŋ yʋgɛ a kɔ a joŋ ba yɩrɩŋ hɛ arɩ ba nɛ ŋaa Kirisito, a nyɩsɛ nɩaa yʋgɛ.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

1 Jɔɔŋ 1:6

Dɩ la nɛ sɩ la dɩ ʋ kɛŋ nii-bala aŋ ka laa ŋaa birimiŋ tʋɔŋ wɩaa, laa nyɩɛ nɛ. La wʋŋaalaa arɩ la wʋbʋlaa kala bɩ wʋtɩtɩɩ kɛnɛ.

1 Jɔɔŋ 2:18

Mɩ biiriŋ, dʋnɩa dɩdɛrɩŋ kpaga nɛ. Ma nɩa arɩ Kirisito dʋndɔŋ-balɩŋ jaŋ kɔ. Bʋa deeŋ lɛ Kirisito dʋndɔŋŋɔɔ paala yʋgɛ nɛ a kɔ. Ŋɩɩ wɩaa, la jɩma arɩ dʋnɩa dɩdɛrɩŋ kpaga nɛ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.

1 Jɔɔŋ 4:3

Nɩɩ-la kala sɩ bɩ ŋɩɩ bʋla a tɩgɛ Yesu lɛ, ʋ bɩ Wɩa Dɩŋ-zɔmʋŋ doluŋ kɛnɛ. Dol-la ʋ tɩɩna sɩ kɛnɛ ŋaa Kirisito dʋndɔŋ-balɩŋ doluŋ nɛ. Ma nɩa arɩ Kirisito dʋndɔŋ-balɩŋ deeŋ jaŋ kɔ dʋnɩa. Ʋ doluŋ nɛ saa paala hɛ dʋnɩa lɛ lɛɛlɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.

Juud 1:4

Mɩ bʋl wɩɩŋ deeŋ pɩpɩma, bɛɛ wɩaa nɩaa dɔnsʋŋ sɩ bɩ Wɩa ka fá lʋara jʋʋ ma tʋɔŋ nɛ. Ba bɩ Wɩa wombiiŋ ka to, ŋɩɩ wɩaa Wɩa jaŋ dɔgɩsɛba a leŋ dɩ ba sʋʋ. Wɩa teniŋ tʋɔŋ ba bʋl faafaa kala nɛ dɩ Wɩa jaŋ ŋaa ŋɩɩ nɩbɔŋŋɔɔ lɛ. Wɩa sɩ fá la nenige a laala ta, ba to ŋɩɩ a kɛŋ Wɩa wʋzɔmɔ-la kaa bɩrɩmɛ a ŋɩŋaa wʋlɩɩlɩŋ. Ba yie bʋl arɩ ba bɩ Yesu Kirisito jɩŋ, Nɩɩ-la sɩ ŋaa la kala Tɩɩna.

Jɔɔŋ Wʋnaalaa 3:9

Má bee na, mɩ jaŋ leŋ dɩ nɩalɩŋ sɩɩ to Sɩtaanɩ a nyɩɛ wɩaa arɩ ba ŋaa Juu tɩŋŋaa nɛ aŋ bɩ Juu tɩmma ŋaa, kpirimi ma sɩpaaŋ, dɩ ba jɩŋ arɩ mɩ choma nɛ.