1 Jɔɔŋ 2:19 - WƖA TENIŊ

¹⁹ Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

1 Jɔɔŋ 2:19 ပူးပေါင်းရင်းမြစ်များ

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

WƖA YƖƖLAA 37:28

La Tɩɩna cho nɩalɩŋ sɩ kɛŋ wʋtɩtɩɩ, ʋ bɩ jaŋ vɩa nɩalɩŋ sɩ laaʋ dii ta. Ʋ yie chu tɔ ba lɛ nɛ bʋa na-kala, ama ʋ jaŋ keri nɩbɔŋŋɔɔ doho nɩaa ta.

WƖA YƖƖLAA 41:9

Mɩ nandɔŋ-fɩɛmɩŋ mɩ sɩ laa dii, mɩ dɩ ʋ didii kɩaa, ma paala vɩamɛ nɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Maak 13:22

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, Nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl dɩ ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa tou.

Luuk 8:13

Kɩalɩŋ sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a sɛɩ arɩ tʋɔtɔrʋŋ. Ama ʋ bɩ ba tʋɔŋ tibe. Ba yie sɛɩ wɩɩ-la a mʋ magɛ ŋɩɩ aŋ vɩa. Dɩ wɩaa nɛ jʋʋba, ba joŋo ta.

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Tɩntɩŋŋaa 15:24

La nɩa arɩ la nɩaa dɔnsʋŋ kɔ ma teeŋ a walɩmɛma, a kɛŋ ma tʋɔbɩɩnaa vʋgʋmɛ. Ka la dee bɩ ba hɛ.

Tɩntɩŋŋaa 20:30

Nɩaa jaŋ paala lɩɩ ma tʋɔŋ ma a kɛŋ wɩalɩŋ kaa bɩrɩmɛ, a nyɩsɛ nɩalɩŋ sɩ laa Yesu wɩaa dii dɩ ba mɩɩrɛ harɩŋ a toba.

Rom Tɩŋŋaa 9:6

Ama ʋ bɩ naga arɩ Wɩa sɩ sɩ ʋ jaŋ ŋaa wɩɩ-la ʋ vɩa nɛ, bɛɛ wɩaa Iziral doho nɩaa kala dee Wɩa leŋ ba ŋaa ʋ nɩaa.

1 Kɔrɩntɩ Nɩaa 11:19

Ʋ paala magɛ dɩ nii-lɩɛbaa hɛ ma pɛgɛ nɛ, dɩ ma to ŋɩɩ lɛ a jɩŋ nɩalɩŋ sɩ ŋaa nɩtɩtɩɩba.

MOSIS BƖRA WULLI WƖA WOMBIIŊ 13:13

dɩ nɩbɔŋŋɔɔ lɩɩ ma tʋɔŋ a nyɩsɛ nɩaa dɩ ba mʋ to vesiŋ, vesi-la ma ha sɩ bɩ to aŋ ka,

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

2 Timoti 3:9

Ama nɩaa deemba bɩ jaŋ wuo ŋaa ŋɩɩ a mʋ sɩpaaŋ, bɛɛ wɩaa nʋʋkala jaŋ na dɩ ba ŋaa nɩyaara nɛ. Ŋɩɩ tɩtɩa nɛ nɩalɩŋ ma fa na dɩ Janɩs arɩ Jambɩrɛs fa yaara.

Hiburu TƖŊŊAA 10:39

Ama la-na tuo nɩalɩŋ sɩ vɩa Wɩa ʋ cheiba. La ŋaa nɩa sɩ laa Wɩa dii nɛ ʋ laala ta.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Juud 1:19

Nɩdosunuŋ deemba jaŋ kɛmma pɔrɛ dɔŋɔ lɛ a ŋɩŋaa wɩaa arɩ dʋnɩa nɩaa sɩɩ ŋaa ŋɩɩ. Wɩa Dɩŋ-zɔmʋŋ tuo ba lɛ.