1 Jɔɔŋ 2:18 - WƖA TENIŊ

¹⁸ Mɩ biiriŋ, dʋnɩa dɩdɛrɩŋ kpaga nɛ. Ma nɩa arɩ Kirisito dʋndɔŋ-balɩŋ jaŋ kɔ. Bʋa deeŋ lɛ Kirisito dʋndɔŋŋɔɔ paala yʋgɛ nɛ a kɔ. Ŋɩɩ wɩaa, la jɩma arɩ dʋnɩa dɩdɛrɩŋ kpaga nɛ.

1 Jɔɔŋ 2:18 ပူးပေါင်းရင်းမြစ်များ

Matiu 24:11

Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa jaŋ yʋgɛ a kɔ a nyɩsɛ nɩaa yʋgɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 24:5

Nɩaa jaŋ yʋgɛ a kɔ a joŋ ba yɩrɩŋ hɛ arɩ ba nɛ ŋaa Kirisito, a nyɩsɛ nɩaa yʋgɛ.

Maak 13:6

Nɩaa jaŋ yʋgɛ a kɔ mɩ yɩrɩŋ lɛ a bʋl ba nɛ ŋaa Kirisito, a nyɩsɛ nɩ-daŋ.

Jɔɔŋ 21:5

Ŋɩɩ nɛ Yesu pɩɛsɛba, “Mɩ nandɔsʋŋ, ma kɛsɛ chenfilee nɛɛ?” Ŋɩɩ nɛ ba bʋl, “Aɩ, la bɩ kʋŋkala na.”

Rom Tɩŋŋaa 13:11

Máa ŋaa wɩaa deemba. Ma paala jɩŋ bʋa deeŋ lɛ la sɩ hɛ sɩ nagɛ ŋɩɩ nɛ. Bʋa-la lɛ ma sɩ jaŋ sii doŋ lɛ yie nɛ. Bʋa-la lɛ Wɩa sɩ jaŋ laala ta dʋnɩa deeŋ lɛ faasa kpagɛ nɛ. Ʋ nɛ kpaga kɩɩ bʋa-la lɛ la sɩ laa sɩpaaŋ laa Yesu wɩaa dii.

Rom Tɩŋŋaa 13:12

Taŋ kpagɛ pʋlʋŋ nɛ. Mʋa nɛ ka, ka dɩ wɩa pɔsɛ. Má saa leŋ dɩ la leŋ birimiŋ tʋɔŋ wʋŋaalaa, aŋ paa pʋlʋmʋŋ laalɩyuori kɩaa laalɛ a yuo laalɩŋ.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

1 Pɩɩta 1:20

Bumbuŋ kala, ka dɩ Wɩa-na ŋaa dʋnɩa, ʋ lɩɩsɛ Yesu Kirisito nɛ dɩ ʋ to ʋ lɛ a laa dʋnɩa nɩaa ta. Ama Wɩa leŋe ʋ kɔ nɛ dʋnɩa deeŋ dɩdɛrɩŋ, ma wɩaa.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

2 Pɩɩta 3:3

Mɩɩ chɛ dɩ ma laa sɩpaaŋ jɩŋ arɩ bʋa-la lɛ dʋnɩa sɩ jaŋ kʋ kpagɛ dɩdɛrɩŋ, nɩsieree jaŋ to ba tʋɔtɔrɛ wʋŋaalaa lɛ a sisierima lɛ.

1 Jɔɔŋ 2:22

Kʋbɛɛ nɛ saa ŋaa wʋnyɩɛrɩ tɩɩna? Nɩɩ-la sɩ sɩ Yesu dee bɩ Kirisito ŋaa, Nɩɩ-la Wɩa sɩ lɩɩsa, ʋ nɛ ŋaa wʋnyɩɛrɩ tɩɩna. Nɩɩ-la nɛ ŋaa Kirisito dʋndɔŋ-balɩŋ, bɛɛ wɩaa ʋ nɛ vɩa la Nyɩmma Wɩa arɩ ʋ Bie Yesu.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.

1 Jɔɔŋ 4:3

Nɩɩ-la kala sɩ bɩ ŋɩɩ bʋla a tɩgɛ Yesu lɛ, ʋ bɩ Wɩa Dɩŋ-zɔmʋŋ doluŋ kɛnɛ. Dol-la ʋ tɩɩna sɩ kɛnɛ ŋaa Kirisito dʋndɔŋ-balɩŋ doluŋ nɛ. Ma nɩa arɩ Kirisito dʋndɔŋ-balɩŋ deeŋ jaŋ kɔ dʋnɩa. Ʋ doluŋ nɛ saa paala hɛ dʋnɩa lɛ lɛɛlɛ.

2 Jɔɔŋ 1:7

Nɩaa yʋga a hɛ lee-kala dʋnɩa lɛ dɩ ba nyɩsɛ nɩaa. Nɩaa deemba bɩ sɛyɛ arɩ Yesu Kirisito kʋ ŋaa nuhuobiiŋ nɛ a kʋ tuu dʋnɩa. Nʋʋkala sɩ nagɛ nɩaa deemba ŋaa nɩnyɩsɛrʋ nɛ a ŋaa Kirisito dʋndɔŋ-balɩŋ ma.

Juud 1:18

Ba bʋla pɩma arɩ dʋnɩa dɩdɛrɩŋ, nɩaa jaŋ kɔ a sisieri Wɩa lɛ. Ba jaŋ tuto ba tʋɔbɩɩŋ bɔŋŋɔɔ harɩŋ.