1 Jɔɔŋ 2:17 - WƖA TENIŊ

¹⁷ Dʋnɩa arɩ kɩalɩŋ kala sɩ hɛ nɩmɛ nuhuobiinee cho, ba kala jaŋ lɛl. Ama nɩɩ-la sɩ ŋaa wɩalɩŋ Wɩa sɩ cho, ʋ jaŋ kɛŋ mɩɩsɩ-la sɩ bɩ dɛrɛ.

1 Jɔɔŋ 2:17 ပူးပေါင်းရင်းမြစ်များ

WƖA YƖƖLAA 102:26

Ba jaŋ lɛl, ama ŋ-na jaŋ hɛ nɩmɛ, ba kala jaŋ kɔsɛ a nagɛ gɛnnɩŋ sɩɩ kɔsɛ ŋɩɩ. Ba jaŋ bɩrɩmɛ a nagɛ gɛrɩ-zɔmʋŋ sɩ lɩa, ba jaŋ jomba yuo ta.

WƖA YƖƖLAA 143:10

Ŋ nɛ mɩ Wɩa, dagɛmɛ dɩ mɩ ŋaa wɩɩ-la ŋ sɩ cho, aŋ leŋ dɩ ŋ Dɩma-la sɩ zɔmɔ kɛmmɛ to wombii-la sɩ zɔmɔ.

WƖA YƖƖLAA 39:6

Ʋ nagɛ daaliimiŋ nɛ, ʋ bɩ diene aŋ lɩlɛl. Nuhuobiine lɔlʋŋ kala ŋaa pɛɩ nɛ, ʋ yie chɛ kɩaa bil aŋ bɩ jɩŋ nɩɩ-la sɩ jaŋ dii kɩalɩŋ.

WƖA YƖƖLAA 90:9

Ŋ baanɩŋ keri la tapʋlaa ta nɛ, la jɩsɩŋ dɛrɛ a nagɛ nɩa sɩ wiesi peliŋ ta.

NAMAGABA 10:25

Dɩ duoŋ pel-duoŋ nɛ duu bal, ʋ jaŋ joŋ nɩbɔmʋŋ viiri, ama tʋɔpʋl tɩɩna-na jaŋ chɩŋ kpaŋkpaŋ a kaa mʋ wuu.

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

Matiu 7:21

Nʋʋkala sɩ yɩrɛmɛ, ‘mɩ Tɩɩna, mɩ Tɩɩna,’ dee bɩ jaŋ jʋʋ Wɩa kuorii-la tʋɔŋ, see nɩalɩŋ sɩɩ ŋaa wɩalɩŋ mɩ Nyɩmma sɩ hɛ Wɩa-jaŋ sɩ daga.

Maak 3:35

Nɩɩ-la kala sɩɩ ŋaa wɩalɩŋ Wɩa sɩ cho, ʋ nɛ ŋaa mɩ naambie arɩ mɩ dɩhaala arɩ mɩ naaŋ.”

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 6:58

Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

1 Kɔrɩntɩ Nɩaa 7:31

Bayalaa ma maga dɩ ba nagɛ arɩ ba bɩ kɩaa yallɛ, bɛɛ wɩaa dʋnɩa deeŋ nagɩŋ ʋ sɩ nagɛ, ʋ bɩ jaŋ dieni kɩŋkɛŋ.

Koloosi Nɩaa 1:9

A tɩŋ wɩɩŋ deeŋ wɩaa, a lɩɩ tapʋlɩɩ-la la sɩ nɩɩ ma wɩaa, la chʋɔlɛ Wɩa pɩpɩma nɛ a bɩ leŋ. Laa sʋl Wɩa aa pɩma dɩ ʋ leŋ dɩ ma sɛnɛ jɩŋ wɩɩ-la ʋ sɩɩ chɛ dɩ ma ŋaa, a kɛŋ wʋjɩmɩŋ arɩ dɩgɩlɩŋ jegilee Wɩa Dɩŋ-zɔŋ-la sɩ pɩma.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

1 Tɛsalonaaka Nɩaa 4:3

Wɩalɩŋ sɩɩ tɔrɛ Wɩa tʋɔŋ nɛ ŋ-la: dɩ ma sɩ́ disiniŋ kɛŋ a lɩɩsɛ ma tɩtɩa wʋlɩɩlɩŋ lɛ.

1 Tɛsalonaaka Nɩaa 5:18

Wɩɩ na-kala lɛ, má lɔllɛ Wɩa. Ma sɩ laa Yesu Kirisito wɩaa dii ŋɩɩ, ŋ-la nɛ Wɩa cho dɩ maa ŋaa.

Hiburu TƖŊŊAA 10:36

Ʋ maga dɩ ma kɛŋ kenyiri a wuo ŋaa wɩalɩŋ Wɩa sɩɩ chɛ. Dɩ ma nɛ ŋaa ŋɩɩ, ma jaŋ na kɩalɩŋ ʋ sɩ sɩ ʋ jaŋ joŋo pɩma.

Jeems 4:14

Ma paala bɩ jɩŋ ma chie sɩ jaŋ nagɛ ŋɩɩ. Ma mɩɩsɩŋ nagɛ bʋrʋŋ sɩ yie tɔ nɛ chʋchʋɔŋ, ka mʋapɩlɩɩ wɩa pɔsɛ ʋ lɛl.

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

1 Pɩɩta 4:2

Ma sɩ hɛ ma mɩɩ-kaanɩŋ deeŋ lɛ, ma bɩra sɩ́ ma tʋɔtɔrɛ wʋŋaalaa lɛ to, ama má tuto Wɩa tʋɔtɔrʋŋ lɛ.