1 Jɔɔŋ 2:16 - WƖA TENIŊ

¹⁶ Kɩalɩŋ kala sɩ hɛ dʋnɩa lɛ, la yaraa wʋchɛɛlɛɛ arɩ la sɩɩŋ wʋchooloo arɩ kɩalɩŋ sɩ ŋaa nɩaa bibigisi ba tɩtɩa lɛ, ba kala bɩ la Nyɩmma Wɩa teeŋ lɩa, ba ŋaa dʋnɩa kɩaa nɛ.

1 Jɔɔŋ 2:16 ပူးပေါင်းရင်းမြစ်များ

WƖAA DƖ-SUOMUŊ 3:6

Ŋɩɩ nɛ haal-la beŋ a na tɩa-la nɛnɛɛ dɩ ba zɔmɔ sɩɩŋ lɛ, aŋ zɔŋ arɩ diiniŋ ma aŋ bɩra cho dɩ ʋ kɛŋ wʋjɩmɩŋ. Ʋ tɔrɔ dii, aŋ tɔrɔ pɩ ʋ bala ma ʋ dii.

WƖAA DƖ-SUOMUŊ 6:2

Wɩa bii-baalaa na dɩ hantolibiisi-la zɔmɔ, ba jaa nɩalɩŋ ba sɩ cho.

JOB 31:1

Mɩ bil niiŋ nɛ, arɩ mɩ bɩ jaŋ beŋ hantolibie a hɩɛnʋ.

WƖA YƖƖLAA 73:6

Sɩɩ-duoŋ nagɛ banzɔlɔ nɛ ba joŋo hɛ baŋŋaa lɛ, yuosuŋ ma nagɛ gɛrɩŋ ba joŋo laalɛ.

WƖA YƖƖLAA 78:18

Nɩalɩŋ fa sɛnɛ nɛ aŋ magɩsɛ Wɩa, a chɩchɛ dɩ ʋ pɩba kʋdiile-la ba sɩɩ hɩɛnʋ.

WƖA YƖƖLAA 78:30

Ba chaŋ aŋ ha bɩ ba naŋ-hɩɛnɩŋ kpʋa, aŋ chɩchaŋ wuu.

NAMAGABA 27:20

Sʋʋŋ bʋa arɩ lɛlɛɛ-jaŋ sɩ bɩ vɔgɛ ŋɩɩ, ŋɩɩ tɩtɩa nɛ nuhuobiine ma chɩchɛ kɩaa a bɩ vɔgɛ.

NAMAGABA 6:25

Sɩ́ ʋ zɔmʋŋ beŋ a hɩɛnʋ, sɩ́ leŋe dɩ ʋ kɛŋ ʋ sɩaa nyɩsa kɛnɩŋ.

DANƖƐL 4:30

aŋ bʋl, “Bee na taŋ deeŋ ba sɩɩ yɩrɛ Babɩlɔŋ sɩ yʋga magɛ ŋɩɩ, mɩ nɛ kɛŋ mɩ doluŋ saaʋ, ʋ ŋaa mɩ tinteeŋ tabalɩŋ a laa yɩrɩŋ pɩmɛ mɩ gigenni.”

NAMBABA 11:34

Ŋɩɩ nɛ ba hɛ lee-la yɩrɩŋ Kɩbʋrɔf-Hataava, bɛɛ wɩaa nɩalɩŋ niiŋ fa sɩ sɩma sʋba nɛ woruŋ, ba hugiba nɩmɛ.

NAMBABA 11:4

Ŋɩɩ nɛ nammɩa hɩɛnɩŋ faasa kɛŋ nʋhʋɔra-la sɩ hɛ Iziral tɩŋŋaa tʋɔŋ. Iziral tɩmma-la bɩra ŋmoo niiŋ a bʋl, “Kʋbɛɛ nɛ jaŋ pɩla nammɩa dɩ la chaŋ?

Matiu 4:8

Ŋɩɩ nɛ Sɩtaanɩ bɩra kɛŋ Yesu a kaa jɩl peel-bal kʋbala nyuŋ a dagʋ dʋnɩa kuoruŋ fine arɩ ʋ zɔmʋŋ

Matiu 5:28

Ama mɩ jaŋ bʋla pɩma, nʋʋkala sɩ na haala a cho dɩ ʋ kɛnʋ pɩŋ, ʋ tɩɩna ŋaa wʋbɔŋ nɛ Wɩa teeŋ ʋ tʋɔŋ lɛ.

Luuk 4:5

Ŋɩɩ harɩŋ Sɩtaanɩ bɩra kɛnʋ kaa jɩla dagɛ dʋnɩa kuoruŋ fine

Rom Tɩŋŋaa 13:14

Má leŋ dɩ Yesu Kirisito nɛ ŋaa ma laalɩyuori kɩaa, aŋ sɩ́ ma yaraa tʋɔtɔrɛ wʋŋaalaa lɛ to.

1 Kɔrɩntɩ Nɩaa 10:6

Wɩaa deemba kala ŋaa wʋmagɩlaa nɛ. Baa dagɛla dɩ la sɩ́ wʋbɔŋŋɔɔ cho arɩ nɩaa deemba fa sɩ choba ŋɩɩ nɛ.

Galiisia Nɩaa 5:17

bɛɛ wɩaa la tʋɔtɔrɛ wʋŋaalaa arɩ Wɩa Dɩŋ-zɔŋ-la wʋŋaalaa bɩ dɔŋɔɔ to. La tʋɔtɔrɛ wʋŋaalaa arɩ Wɩa Dɩŋ-zɔŋ-la saa ŋaa dʋndɔmɔ nɛ, ŋɩɩ wɩaa, wɩɩ-la la sɩɩ chɛ la ŋaa, la bɩ ʋ wuo ŋaa.

Galiisia Nɩaa 5:24

Ŋɩɩ wɩaa, nɩalɩŋ sɩ laa Kirisito wɩaa dii, ba kpʋ ba tɩtɩa tʋɔtɔrɛ wʋŋaalaa ta nɛ. Ba bɩra bɩ wɩalɩŋ ba sɩɩ hɩɛnʋ arɩ ba tʋɔtɔrɛ wʋŋaalaa lɛ ka to.

Ɛfɛsɩs Nɩaa 2:3

La ma kala fa nagɛ ba nɛ a tuto la tʋɔtɔrɛ wʋŋaalaa harɩŋ a ŋɩŋaa wʋlɔrʋnʋŋ, a bɩbɩɩnɛ wʋbɔŋŋɔɔ. La fa sɩɩ ŋaa wɩaa deemba, Wɩa fa na baanɩŋ nɛ la nyuŋ, arɩ ʋ fa sɩ na baanɩŋ nɩalɩŋ nyuŋ ŋɩɩ.

Taatɩs 2:12

Wɩa wʋzɔmɔ-la dagɛla dɩ la sɩ́ wʋbɔŋŋɔɔ ŋaa, a sɩ́ la tɩtɩa joŋo hɛ dʋnɩa wɩaa lɛ, a jɩma kɛŋ la tɩtɩa, a kɛŋ wʋtɩtɩɩ, a tuto Wɩa wombiiŋ dʋnɩa deeŋ lɛ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Jeems 3:15

Wʋjɩmɩŋ deeŋ doho bɩ Wɩa teeŋ lɩa. Ʋ ŋaa dʋnɩa wɩɩ nɛ a lɩɩ dʋnɩa nɩaa tʋɔbɩɩnaa lɛ arɩ Sɩtaanɩ teeŋ.

Jeems 4:16

Ama ma haa ŋmoo ma bɔyɛ lɛ nɛ aa dagɛ ma tɩtɩa. Ʋ ŋɩɩ ŋaa wʋbɔŋ nɛ.

JOSUA 7:21

Kɩalɩŋ la sɩ yuo laa tʋɔŋ, mɩ na Babɩlɔŋ tɩŋŋaa gɛrɩ-zɔŋ kʋbala nɛ a joŋ, arɩ warɩpʋla yuŋuŋ sɩ yi kilo balɩa arɩ mʋa a pɛ sɛlɩmɛ yuŋuŋ sɩ yi kilo kpaa magɛ dɔŋɔ lɛ. Kɩaa deemba nɛ mɩ na mɩ sɩɩŋ jʋʋba mɩ lʋara paa. Ba nɛ mɩ joŋo hugi mɩ lɛbɩŋ tʋɔŋ, a leŋ warɩpʋla-la hɛ bʋbʋɔŋ.”

1 Pɩɩta 1:14

Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.

2 Pɩɩta 2:10

Ba tʋɔŋ, Wɩa jaŋ faasa dɔgɩsɛ nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩ bɩ chɛ dɩ ba joŋ ba tɩtɩa a hɛ Wɩa nɩsɩŋ lɛ. Wʋnyɩɛrɩ kerichi deemba bɩ nʋʋkala ka fá, aŋ pɛ kɛŋ nyuduoŋ ma a ŋɩŋaa ba tʋɔtɔrɛ wɩaa. Ŋɩɩ nɛ tɩɩ ba yie tʋʋsɛ Wɩa tɩndaara-la sɩ kɛŋ yɩrɩŋ a hɛ Wɩa-jaŋ lɛ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.