1 Jɔɔŋ 2:13 - WƖA TENIŊ

¹³ Mɩ nyɩmmaba ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ. Ŋɩɩ nɛ tɩɩ mɩ ŋmʋnsa pɩpɩ ma ma. Ma bapʋɔsaa ma, ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩ ma ma. Mɩ biiriŋ, ma ma jɩŋ la Nyɩmma Wɩa nɛ, ŋɩɩ nɛ tɩɩ mɩ ŋmʋnsa pɩpɩ ma ma.

1 Jɔɔŋ 2:13 ပူးပေါင်းရင်းမြစ်များ

WƖA YƖƖLAA 148:12

bapʋɔsɩ-biisiŋ arɩ hatol-biisiŋ, banɩhɩasɩŋ arɩ hambiisiŋ.

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

WƖA YƖƖLAA 91:14

Wɩa sɩ, “Nɩalɩŋ kala sɩ chomi, mɩ jaŋ laaba ta, mɩ jaŋ chu tɔ ba lɛ a tɩŋ ba sɩ jɩmmɛ wɩaa.

NAMAGABA 20:29

Bapʋɔsaa doluŋ nɛ ba kaa laa yɩrɩŋ. Ba-nɩhɩasɩŋ ma nyu-pʋmpʋllʋŋ nɛ ŋaa ba yɩrɩŋ kɩaa.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

ZƐKARƖYA 9:17

Ba jaŋ ŋaa nɩa sɩ zɔmɔ a kɛŋ buno. Bapʋɔsaa jaŋ dii tintee-la kɩaa a waa woruŋ, dɩ hatoloo ma nyʋa girep nɛnɛɛ sɩ-falɩŋ a kɛŋ buno.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 13:19

Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ.

Matiu 13:38

Baga-la ma nɛ ŋaa dʋnɩa. Miiri-la ma nɛ ŋaa nɩalɩŋ sɩ jaŋ jʋʋ Wɩa kuorii-la tʋɔŋ. Yaŋ-la ma sɩ nyʋ baga-la lɛ nɛ ŋaa Sɩtaanɩ nɩaa.

Matiu 5:37

Ama ma-na yaa bʋl, ‘Oo’ koo ‘Aɩ’ dʋndʋŋa, a lɩɩ ŋɩɩ harɩŋ, dɩ ma bɩra bʋl wʋbɔŋ ʋ lɩɩ Sɩtaanɩ nɛ.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 14:7

Dɩ ma nɛ jɩmmɛ, ma jɩŋ mɩ Nyɩmma ma nɛ. A lɩɩ jɩnɩŋ saa ma paala jɩmʋ nɛ a naʋ ma.”

Jɔɔŋ 14:9

Ŋɩɩ nɛ Yesu pɩɛsʋ, “Fɩlɩp, mɩ dɩ ma hɛ nɩmɛ a dieni ŋɩɩ, ka ŋ ha bɩ mɩ jɩŋŋ? Nɩɩ-la kala sɩ namɛ, ʋ na mɩ Nyɩmma ma nɛ. Bɛɛ nɛ saa tɩɩ ŋ bʋl dɩ mɩ dagɛma mɩ Nyɩmma?

Jɔɔŋ 16:3

Ba jaŋ ŋaa wɩaa deemba kala a tɩŋ ba sɩ́ bɩ mɩ Nyɩmma jɩŋ, a bɩ mɩ ma jɩŋ.

Jɔɔŋ 16:33

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 8:19

Ŋɩɩ nɛ ba pɩɛsʋ, “Nɩɩ nɛ ŋ nyɩmma hɛ?” Yesu bʋl, “Ma bɩ mɩ jɩŋ, ŋɩɩ wɩaa ma bɩ mɩ Nyɩmma ma jɩŋ. Dɩ ma nɛ fa jɩmmɛ, ma fa jaŋ jɩŋ mɩ Nyɩmma ma.”

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

1 Timoti 5:1

Sɩ́ nɩhɩaŋ lɛ kpɩa, ama chaasa bʋl wɩaa pʋ, a zilu arɩ ʋ ŋaa ŋ nyɩmma dɔŋɔ tɩɩna nɛ. Kɛŋ bapʋɔsaa woruŋ arɩ ba ŋaa ŋ naambiiriŋ nɛ.

Taatɩs 2:6

Bʋl ŋɩɩ tɩtɩa a nyaasɛ bapʋɔsaa ma nyuŋ dɩ ba jɩma kɛŋ ba tɩtɩa woruŋ.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:12

Mɩ biiriŋ, a tɩŋ Yesu wɩaa nɛ Wɩa joŋ ma wʋbɔŋŋɔɔ a chɛma. Ŋɩɩ nɛ tɩɩ mɩ ŋmʋnsɛ wɩaa deemba pɩpɩma.

1 Jɔɔŋ 2:14

Mɩ kʋhɩasɩŋ ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ, ŋɩɩ nɛ tɩɩ mɩ ŋmʋnsa pɩpɩma. Ma bapʋɔsaa ma, ma ma kɛŋ doluŋ, Wɩa niiŋ wɩaa ma hɛ ma tʋɔŋ lɛ. Ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩma.

1 Jɔɔŋ 3:12

Ʋ bɩ maga dɩ la nagɛ Keeŋ. Ʋ fa ŋaa Sɩtaanɩ nʋʋ nɛ a kpʋ ʋ ŋaana. Bɛɛ nɛ tɩɩ ʋ kpʋʋ? Keeŋ faa ŋaa wʋbɔŋŋɔɔ nɛ, aŋ ka ʋ ŋaana fa ŋɩŋaa wʋzɔŋŋɔɔ. Ŋɩɩ nɛ tɩɩ ʋ kpʋʋ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 5:18

La jɩma arɩ Wɩa bii kala bɩ wʋbɔŋŋɔɔ ka ŋaa deeŋ deeŋ. Wɩa Bie Yesu nɛ yie pʋpɔʋ. Sɩtaanɩ bɩ ʋ wɩɩkala wuo ŋaa.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.