1 Jɔɔŋ 2:12 - WƖA TENIŊ

¹² Mɩ biiriŋ, a tɩŋ Yesu wɩaa nɛ Wɩa joŋ ma wʋbɔŋŋɔɔ a chɛma. Ŋɩɩ nɛ tɩɩ mɩ ŋmʋnsɛ wɩaa deemba pɩpɩma.

1 Jɔɔŋ 2:12 ပူးပေါင်းရင်းမြစ်များ

WƖA YƖƖLAA 106:8

Ama a tɩŋ ʋ yɩrɩŋ wɩaa, ʋ laaba ta nɛ, a leŋ nɩaa jɩŋ arɩ ʋ kɛŋ doluŋ.

WƖA YƖƖLAA 25:11

La Tɩɩna, tɩŋ ŋ yɩrɩŋ wɩaa a joŋ mɩ wʋbɔŋŋɔɔ chɛmɛ, ba lɔrɔ kieli.

JƐRƖMAAYA 14:7

La wʋbɔŋŋɔɔ daga arɩ la ŋaa chei nɛ. La TƖƖNA, tɩŋ ŋ yɩrɩŋ wɩaa a ŋaa wɩɩ pɩla. La vɩa ŋ harɩŋ tonuŋ a yʋgɛ nɛ, la ŋaa wʋbɔŋŋɔɔ nɛ ŋ lɛ.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Luuk 5:20

Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Mɩ nandɔŋ, mɩ joŋ ŋ wʋbɔŋŋɔɔ chɛŋ nɛ.”

Tɩntɩŋŋaa 10:43

Ʋ wɩaa nɛ Wɩa wʋlaabʋllaa fa bʋl ŋɩɩ. Ba sɩ nʋʋkala sɩ laa ʋ wɩaa dii, Wɩa jaŋ joŋ tɩɩna wʋbɔŋŋɔɔ chɛʋ ʋ yɩrɩŋ lɛ.”

Tɩntɩŋŋaa 13:38

Mɩ naambiiriŋ, mɩɩ chɛ dɩ ma kala jɩŋ woruŋ arɩ baala deeŋ wɩaa nɛ tɩɩ la wuo bʋbʋl arɩ Wɩa jaŋ joŋ ma wʋbɔŋŋɔɔ chɛma.

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Koloosi Nɩaa 1:14

Ʋ nɛ Wɩa joŋo tiŋ la wʋbɔŋŋɔɔ chɩmɩŋ, a joŋ la wʋbɔŋŋɔɔ chɛla.

1 Jɔɔŋ 1:4

Laa chɛ dɩ la tʋɔŋ faasa tɔrɛ nɛ woruŋ, ŋɩɩ nɛ tɩɩ la ŋmʋnsɛ wɩɩŋ deeŋ pɩpɩma.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

1 Jɔɔŋ 1:9

Ama dɩ la nɛ sɛyɛ arɩ la ŋaa wʋbɔŋŋɔɔ nɛ a dagɛ la wʋbɔmɔ-la a pʋ, Wɩa kɛŋ wʋtɩtɩɩ, ʋ jaŋ wuo joŋ la wʋbɔŋŋɔɔ a chɛla a chɛsɛ la wʋbɔŋŋɔɔ kala ta.

1 Jɔɔŋ 2:1

Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:21

Ʋ bɩ naga dɩ mɩ ŋmʋnsa pɩpɩma a tɩŋ ma sɩ bɩ wʋtɩtɩɩ-la jɩŋ nɛ. Ama mɩ ŋmʋnsa pɩpɩma a tɩŋ ma sɩ jɩŋ wʋtɩtɩɩ-la nɛ. Ma jɩma arɩ wʋnyɩɛrɩ tɩɩna bɩ wʋtɩtɩɩ kɛnɛ.

1 Jɔɔŋ 2:7

Mɩ bii-chooloo, wɩɩ-la mɩ sɩ ŋmʋnsaa pɩma lɛɛlɛ, ʋ bɩ wʋfalɩɩ kala ŋaa, ʋ ŋaa wʋbɩnɩɩ nɛ ma sɩ nɩa bumbuŋ kala. Wʋbɩnɩɩ-la nɛ wɩalɩŋ ma sɩ nɩa faafaa kala.