1 Jɔɔŋ 2:10 - WƖA TENIŊ

¹⁰ Ama nɩɩ-la kala sɩ cho ʋ dɔŋɔ tɩɩna, ʋʋ vɛŋ pʋlʋmʋŋ tʋɔŋ nɛ. Wɩɩkala bɩra tuo sɩ jaŋ ŋaa dɩ ʋ tel.

1 Jɔɔŋ 2:10 ပူးပေါင်းရင်းမြစ်များ

WƖA YƖƖLAA 119:165

Nɩalɩŋ sɩ cho wombii-la ŋ sɩ bile dɩ la tuto tʋɔŋ yie chaasa pɩŋ dɩ-bala nɛ. Wɩɩkala tuo sɩ jaŋ ŋaa dɩ ba tel.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

Matiu 13:21

Ama ba bɩ bɔyɛ kɛnɛ a nagɛ naapolo-la sɩ bɩ tinteeŋ jʋa ŋɩɩ, ba bɩ diene. Dɩ hɛɛŋ nɛ jʋʋba, koo dɩ ba to naasɩŋ dʋdɔgɩsɛba a tɩŋ wɩɩ-la wɩaa, ba tʋɔŋ guu lɩɩ wɩɩ-la lɛ, ba joŋo ta.

Matiu 18:7

Wɩɩŋ puu nɩalɩŋ sɩ jaŋ leŋ dɩ ba dɔnsʋŋ tɩŋŋaa ŋaa wʋbɔŋŋɔɔ. Ʋ maga dɩ wɩalɩŋ ŋaa nɛ. Ama wɩɩŋ puu nɩɩ-la lɛ wɩalɩŋ sɩ to kɔ.

Jɔɔŋ 11:9

Ŋɩɩ nɛ Yesu bʋl, “Pʋlʋmʋŋ yie hɛ nɩmɛ hawaba fii arɩ balɩa nɛ. Ŋɩɩ wɩaa, dɩ nʋʋ nɩɩ vɛŋ wɩɩhɛyɛ, ʋ bɩ jaŋ gɩgɛrɛ kɩaa, bɛɛ wɩaa leriŋ pʋlla nɛ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 8:31

Ŋɩɩ nɛ Yesu bʋla pɩ Juu tɩmma-la sɩ laa ʋ wɩaa dii, “Dɩ ma nɛ kɛŋ wɩalɩŋ mɩ sɩɩ dagɛ kaa tɩtɩŋ, ma sɛnɛ ŋaa mɩ harɩ-tooroo nɛ.

Rom Tɩŋŋaa 14:13

Ŋɩɩ wɩaa, ma bɩra sɩ́ leŋe dɩ la bʋbʋl la dɔnsʋŋ tɩŋŋaa teeŋ a bʋl dɩ ba bɩ woruŋ ŋaa, ama ʋ maga dɩ ma bɩɩna joŋ wɩɩŋ deeŋ nɛ: Má pʋpɔ ma sɩ́ wɩɩ-la sɩ jaŋ yigi ma naambie hɛ wʋbɔmʋŋ lɛ ŋaa.

Fɩlɩpa Nɩaa 1:10

Wʋjɩmɩɩ-la jaŋ leŋ dɩ ma lɩɩsɛ wʋzɔŋŋɔɔ a ŋɩŋaa. Dɩ ma nɛ ŋaa ŋɩɩ, ma jaŋ wuo lɩɩsɛ ma tɩtɩa disiniŋ lɛ, a sɩ́ wɩɩkala ŋaa chei a mʋ yi tapʋlɩɩ-la Kirisito sɩ jaŋ kɔ.

2 Pɩɩta 1:10

Ŋɩɩ wɩaa mɩ naambiiriŋ, mɩɩ sʋlma arɩ Wɩa sɩ yɩrɛma a lɩɩsɛma ŋɩɩ, má hɛ doluŋ a chɩŋ wɩaa deemba lɛ woruŋ. Dɩ ma nɩɩ ŋaaba, ma bɩ jaŋ yeŋŋi Wɩa wombiiŋ lɛ.

1 Jɔɔŋ 2:11

Ka nɩɩ-la kala sɩ bɛrɛ ʋ dɔŋɔ tɩɩna, ʋ tɩɩna ka vɛŋ birimiŋ tʋɔŋ nɛ. Ʋ bɩ jɩŋ lee-la kala ʋ sɩɩ mʋ. Birimiŋ ŋaa ʋ sɩaa bɩ na.

1 Jɔɔŋ 3:14

La-na cho la dɔnsʋŋ tɩŋŋaa nɛ. Ŋɩɩ nɛ tɩɩ la jɩŋ arɩ la lɩɩ sʋʋŋ bʋa lɛ nɛ a kɛŋ mɩɩsɩ-la sɩ bɩ dɛrɛ. Nɩɩ-la kala sɩ bɩ nɩaa cho ha hɛ sʋʋŋ bʋa lɛ nɛ.