1 Jɔɔŋ 2:1 - WƖA TENIŊ

¹ Mɩ biiri, mɩ ŋmʋnsɛ wɩɩŋ deeŋ pɩpɩma dɩ ma bɩra sɩ́ wʋbɔŋŋɔɔ ŋaa, ama dɩ la kʋŋkala nɛ ŋaa wʋbɔŋ, la kɛŋ nʋʋ nɛ sɩ chɩŋ la nyuŋ Wɩa sɩpaaŋ. Ʋ jaŋ sʋla laala ʋ Nyɩmma teeŋ. Tʋɔpʋl Tɩɩna Yesu Kirisito nɛ ŋɩɩ.

1 Jɔɔŋ 2:1 ပူးပေါင်းရင်းမြစ်များ

WƖA YƖƖLAA 4:4

Dɩ ma nɛ na baanɩŋ, má sɩ́ leŋe dɩ baaŋ-la leŋ dɩ ma ŋaa wʋbɔŋ. Dɩ ma nɛ jʋʋ bɔsɔ, má pɩŋ sɔm a bɩbɩɩnɛ wɩalɩŋ.

ƐZƖKƖƐL 3:21

Ama dɩ ŋ nɛ kpʋrɩsɛ tʋɔpʋl tɩɩna-la dɩgɩlaa dɩ ʋ sɩ́ wʋbɔŋŋɔɔ ŋaa, ʋ nɩɩ a bɩ wʋbɔŋŋɔɔ ŋaa, ʋ jaŋ kɛŋ mɩɩsɩŋ, ŋ ma laa ŋ tɩtɩa nɛ ŋɩɩ.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Luuk 10:22

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma ma sɩ naga. Nʋʋkala bɩra bɩ ʋ jɩŋ, see nɩalɩŋ dʋndʋŋa mɩ sɩ cho dɩ mɩ daga.”

Jɔɔŋ 10:15

Ŋɩɩ tɩtɩa nɛ mɩ Nyɩmma jɩmmɛ, mɩ ma jɩmʋ. Mɩ joŋ mɩ mɩɩsɩŋ yɔɔ sʋʋŋ mɩ piesee wɩaa.

Jɔɔŋ 13:33

Mɩ biiriŋ, mɩ bɩra bɩ jaŋ hɛ ma teeŋ dieni. Ma jaŋ bee chɛmɛ, ama mɩ sɩ bʋl ŋɩɩ a pɩ Juu tɩŋŋaa, mɩ jaŋ bʋl ŋɩɩ a pɩ ma ma. Lee-la mɩ sɩ jaŋ mʋ, ma bɩ jaŋ wuo mʋ nɩmɛ.

Jɔɔŋ 14:16

Dɩ ma nɩɩ ŋaa ŋɩɩ, mɩ jaŋ sʋl mɩ Nyɩmma dɩ ʋ joŋ ʋ Dɩŋ-zɔmʋŋ pɩma, dɩ ʋ pɩpɛ ma lɛ. Ʋ jaŋ hɛ ma teeŋ a kaa mʋ wuu.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 21:5

Ŋɩɩ nɛ Yesu pɩɛsɛba, “Mɩ nandɔsʋŋ, ma kɛsɛ chenfilee nɛɛ?” Ŋɩɩ nɛ ba bʋl, “Aɩ, la bɩ kʋŋkala na.”

Jɔɔŋ 5:14

Ʋ ŋɩɩ harɩŋ nɛ Yesu na baal-la Wɩa dɩɩ-balɩŋ lɛ a bʋla pʋ, “Na, lɛɛlɛ ŋ duoro nɛ, bɩra sɩ́ wʋbɔŋŋɔɔ ŋaa. Dɩ ŋɩɩ dee, wɩɩ dɔŋ sɩ lɔrɔ kɩɩ ŋɩɩ jaŋ ŋaa ŋ lɛ.”

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 8:11

Haal-la sɩ dɩ nʋʋkala tuo. Ŋɩɩ nɛ Yesu bʋla pʋ, “Tɔɔ, mɩ ma bɩ jaŋ ŋaaŋ wɩɩkala. Viiri aŋ bɩra sɩ́ wʋbɔŋŋɔɔ ŋaa.”

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

Rom Tɩŋŋaa 5:10

La dɩ Wɩa faa yuo dɔŋɔ nɛ. Ama ʋ leŋe la ŋaa sɩma nɛ a tɩŋ ʋ Bie sɩ sʋba wɩaa. La dɩ ʋ sɩ ŋaa sɩma ŋɩɩ, ʋ jaŋ to Kirisito mɩɩsɩŋ lɛ a laala ta.

Rom Tɩŋŋaa 6:15

La sɩ kɛŋ mɩɩsɩŋ Wɩa lahɔrɩmɔ lɛ, wɩalɩŋ Mosis fa sɩ bile dɩ nɩaa tuto lɛ dee, ʋ ŋɩɩ wɩaa saa la ŋɩŋaa wʋbɔŋŋɔɔ koo? Aɩ, wombii tuo.

Rom Tɩŋŋaa 8:34

Kʋbɛɛ ma nɛ bɩra jaŋ wuo dii ba sarɩya a dɔgɩsɛba? Kirisito sʋba nɛ, aŋ bɩra sii sʋʋŋ lɛ a kɛŋ mɩɩsɩŋ a hɔŋ Wɩa nadiiŋ, nɩduoŋ dɩhɔnʋŋ, a sʋl Wɩa pɩpɩla.

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 4:19

Mɩ bii chooloo, ma wɩaa ka wɩɩmɛ nɛ woruŋ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ ŋɩɩ. Ma wɩaa jaŋ wɩwɩɩmɛ ŋɩɩ halɩɩ, see dɩ ma bɩrɩma a nagɛ Kirisito sɩ nagɛ ŋɩɩ.

Ɛfɛsɩs Nɩaa 2:18

Kirisito lɛ nɛ la nɩalɩŋ sɩ ŋaa Juu tɩŋŋaa arɩ la nɩalɩŋ sɩ bɩ Juu tɩŋŋaa ŋaa kala to a kɛŋ Wɩa Dɩŋ-zɔŋ-la, a jaŋ wuo mʋ la Nyɩmma Wɩa teeŋ.

Ɛfɛsɩs Nɩaa 4:26

Dɩ ma nɛ na baanɩŋ, má sɩ́ leŋe dɩ ma baaŋ-la leŋ dɩ ma ŋaa wʋbɔŋ. Má sɩ́ baanɩŋ na ŋɩɩ dɩ wɩa tuu jʋʋ.

1 Timoti 2:5

Wɩa ŋaa kʋbala nɛ. Nɩbala ma nɛ hɛ Wɩa arɩ nuhuobiine pɛgɛ dɩ ʋ kɛmba kaa hɛ dɔŋɔ lɛ. Nɩɩ-la nɛ ŋaa Kirisito Yesu.

1 Timoti 3:14

Mɩɩ chɛ dɩ mɩ kʋ nama nɛ lɛɛlɛ. Ama mɩ ŋmʋnsɛ teniŋ deeŋ pɩpɩma,

Hiburu TƖŊŊAA 9:24

Ʋ bɩ naga Kirisito jʋʋ lɛbɩ-la nuhuobiinee sɩ ŋaa nɛ. Nɩalɩŋ fa sɩ ŋaa lɛbɩ-la, ka chesi Wɩa dɩ-zɔŋ-la nɛ. Ama Kirisito jʋʋ Wɩa-jaŋ tɩtɩa nɛ, dɩ ʋ chɩŋ la nyuŋ Wɩa sɩpaaŋ.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

Jeems 3:9

La yie kɛŋ la nandelimee nɛ a dɩdɛnnɛ Wɩa sɩ ŋaa La Tɩɩna a ŋaa la Nyɩmma ma, aŋ bɩra kɛŋ nandelime-la tɩtɩa a kaa bʋl wʋbɔŋŋɔɔ hɩhɛ la dɔnsʋŋ tɩŋŋaa ma Wɩa sɩ ŋaa ba nagʋ lɛ.

1 Pɩɩta 2:22

Ʋ bɩ wʋbɔŋ kala ŋaa. Ʋ bɩ wɩaa ma nyɩɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Jɔɔŋ 3:18

Mɩ biiriŋ, má sɩ́ leŋe dɩ la kɛŋ niiŋ dʋndʋŋa cho dɔŋɔ. Má leŋ dɩ la to wʋtɩtɩɩ wombiiŋ a ŋɩŋaa wʋzɔŋŋɔɔ, dɩ la wʋŋaalɩa-la dagɛ arɩ la sɛnɛ cho dɔŋɔ nɛ.

1 Jɔɔŋ 3:5

Ma kala jɩma arɩ Kirisito kɔ dɩ ʋ laa la wʋbɔŋŋɔɔ ta nɛ. Ʋ-na bɩ wʋbɔŋ kala ŋaa.

1 Jɔɔŋ 3:7

Mɩ biiriŋ, má sɩ́ leŋe dɩ nʋʋkala nyɩsɛma wɩaa deemba lɛ. Nɩɩ-la kala sɩɩ ŋaa wɩaa ba bʋa lɛ, ʋ tɩɩna ŋaa tʋɔpʋl tɩɩna nɛ, arɩ Kirisito sɩ ŋaa tʋɔpʋl Tɩɩna ŋɩɩ.

1 Jɔɔŋ 4:4

Mɩ biiri, ma nɛ ŋaa nɩalɩŋ Wɩa sɩ tɩɩ. Ma nɛ lɛɛlɛ kɛŋ doluŋ a kɩɩ nɩalɩŋ sɩ nyɩɛ wɩaa arɩ ba ŋaa Wɩa wʋlaabʋlla nɛ, bɛɛ wɩaa Wɩa Dɩŋ-zɔmʋŋ sɩ hɛ ma lɛ nɛ kɛŋ doluŋ a kɩɩ dol-la dʋnɩa nɩaa sɩ kɛnɛ.

1 Jɔɔŋ 5:17

Wɩɩ na-kala ŋ sɩ ŋaa chei ŋaa wʋbɔŋ nɛ, ama wʋbɔŋŋɔɔ dɔnsʋŋ hɛ nɩmɛ, dɩ ŋ nɛ ŋaaba, ŋ bɩ jaŋ sʋʋ a tɩŋ ba wɩaa.

1 Jɔɔŋ 5:21

Mɩ biiri, má lɩɩsɛ ma tɩtɩa vʋɩyaa lɛ.

3 Jɔɔŋ 1:4

Wɩɩkala bɩ leŋe mɩ tʋɔŋ tɔrɛ kɩŋkɛŋ a magɛ mɩ sɩ nɩa arɩ mɩ biiriŋ ka to wʋtɩtɩɩ wombii-la.